ആദ്യ ജയം തേടിയിറങ്ങിയ സിഡ്നി സിക്സേര്സിനു മികച്ച സ്കോര്. മുന് നിര ബാറ്റ്സ്മാന്മാരുടെ മികവിലാണ് ആദ്യം ബാറ്റ് ചെയ്ത് സിഡ്നി 4 വിക്കറ്റ് നഷ്ടത്തില് 167 റണ്സ് നേടിയത്. 45 റണ്സ് നേടി പുറത്താകാതെ നിന്ന ജോര്ദന് സില്ക്ക് ആണ് ടീമിന്റെ ടോപ് സ്കോറര്. പീറ്റര് നെവില്(33), നിക് മാഡിന്സണ്(30), സാം ബില്ലിംഗ്സ്(33) എന്നിവരും മികച്ച റേറ്റില് സ്കോറിംഗ് നടത്തിയപ്പോള് സിഡ്നി സിക്സേര്സ് മികച്ച സ്കോറിലേക്കെത്തി ചേര്ന്നു. 15 റണ്സ് നേടി ബെന് ഡ്വാര്ഷൂയിസും സില്ക്കിനു മികച്ച പിന്തുണയുമായി ക്രീസില് നിലയുറപ്പിച്ചു.
ഡേവിഡ് വില്ലി 2 വിക്കറ്റ് നേടി പെര്ത്തിനായി മികവ് പുലര്ത്തി. ആന്ഡ്രൂ ടൈ, ജെയിംസ് മുയിര്ഹെഡ് എന്നിവരും ഓരോ വിക്കറ്റ് വീഴ്ത്തി.
കൂടുതൽ കായിക വാർത്തകൾക്ക് : www.facebook.com/FanportOfficial
