ബംഗാളിനെതിരെ തന്റെ രഞ്ജി ശതകം നേടി സഞ്ജു സാംസണ്. ഒപ്പം മൂവായിരം ഫസ്റ്റ് ക്ലാസ് റണ്സും കേരളത്തിനായി താരം നേടി. ബംഗാളിനെതിരെയുള്ള ഇന്നിംഗ്സില് 55 റണ്സില് എത്തിയപ്പോളാണ് സഞ്ജു ഈ ചരിത്ര നേട്ടം സ്വന്തമാക്കിയത്. കേരളത്തിനായി ഈ നേട്ടം കുറിയ്ക്കുന്ന ആറാമത്തെ താരമാണ് സഞ്ജു സാംസണ്. കഴിഞ്ഞ മത്സരത്തില് ഡല്ഹിയ്ക്കെതിരെയുള്ള ശതകം നേടിയപ്പോള് സച്ചിന് ബേബിയും 3000 റണ്സ് തികച്ചിരുന്നു.
രോഹന് പ്രേം, സുനില് ഒയാസിസ്, ശ്രീകുമാര് നായര്, വി എ ജഗദീഷ് എന്നിവരാണ് 3000 റണ്സ് തികച്ചിട്ടുള്ള താരങ്ങള്. ഇതില് രോഹന് പ്രേം മാത്രമാണ് 4000 കടന്നിട്ടുള്ള ഏക താരം.