ടെസ്റ്റ് ക്രിക്കറ്റില് അഞ്ഞൂറാം വിക്കറ്റ് നേടുന്ന നാലാമത്തെ പേസര് ആയി സ്റ്റുവര്ട് ബ്രോഡ്. ഇന്ന് മാഞ്ചസ്റ്റര് ടെസ്റ്റിന്റെ അവസാന ദിവസം വിന്ഡീസ് ഓപ്പണര് ക്രെയിഗ് ബ്രാത്വൈറ്റിനെ വിക്കറ്റിന് മുന്നില് കുടുക്കിയാണ് ഈ നേട്ടം ഇംഗ്ലണ്ടിന്റെ പേസര് നേടുന്നത്. കോര്ട്നി വാല്ഷ്, ഗ്രെന് മക്ഗ്രാത്ത്, ജെയിംസ് ആന്ഡേഴ്സണ് എന്നിവരാണ് ബ്രോഡിന് മുമ്പ് 500 ടെസ്റ്റ് വിക്കറ്റ് നേടിയ ഫാസ്റ്റ് ബൗളര്മാര്.
ഷെയിന് വോണ്, മുത്തയ്യ മുരളീധരന്, അനില് കുംബ്ലെ എന്നിവരാണ് നേട്ടം സ്വന്തമാക്കിയ സ്പിന്നര്മാര്. വിന്ഡീസ് ഇന്നിംഗ്സില് ഇതുവരെ വീണ മൂന്ന് വിക്കറ്റും ബ്രോഡ് ആണ് നേടിയിട്ടുള്ളത്.