Tag: Stuart Broad

ടെസ്റ്റ് ഓള്‍റൗണ്ടര്‍മാരുടെ പട്ടികയില്‍ ആദ്യ പത്തില്‍ എത്തി ഇംഗ്ലണ്ടിന്റെ സ്റ്റുവര്‍ട് ബ്രോഡ്. ഇംഗ്ലണ്ടിന് വേണ്ടി പന്ത് കൊണ്ടും ബാറ്റ് കൊണ്ടും നിര്‍ണ്ണായക സംഭാവനകളാണ് താരം ക്രിക്കറ്റ് വീണ്ടും പുനരാരംഭിച്ചപ്പോള്‍ നടത്തി വരുന്നത്. 220 റേറ്റിംഗ് പോയിന്റുമായാണ് താരം ആദ്യ പത്തിലെത്തിയത്. ഒരു സ്ഥാനമാണ് താരം മെച്ചപ്പെടുത്തിയിട്ടുള്ളത്.

ഇംഗ്ലണ്ടിന്റെ തന്നെ ബെന്‍ സ്റ്റോക്സ് ആണ് പട്ടികയില്‍ ഒന്നാമത്. 464 പോയിന്റാണ് സ്റ്റോക്സിനുള്ളത്. രണ്ടാം സ്ഥാനത്ത് ജേസണ്‍ ഹോള്‍ഡറും(447) മൂന്നാം സ്ഥാനത്ത് രവീന്ദ്ര ജഡേജയുമാണ് (397) നിലകൊള്ളുന്നത്. മിച്ചല്‍ സ്റ്റാര്‍ക്ക്, രവീന്ദ്ര ജഡേജ, കോളിന്‍ ഡി ഗ്രാന്‍ഡോം, ക്രിസ് വോക്സ്, പാറ്റ്കമ്മിന്‍സ്, റോസ്ടണ്‍ ചേസ് എന്നിവരാണ് മറ്റു ആദ്യ പത്തിലെ സ്ഥാനക്കാര്‍.

മാഞ്ചസ്റ്ററിലെ ഓള്‍റൗണ്ട് മികവ് ക്രിസ് വോക്സിന് രണ്ട് സ്ഥാനം മെച്ചപ്പെടുത്തുവാന്‍ സഹായകരമായിട്ടുണ്ട്. വോക്സ് നിലവില്‍ 7ാം സ്ഥാനത്താണ്.

സൗത്താംപ്ടണില്‍ ഇംഗ്ലണ്ട് പിച്ച് പേസിനെ തുണയ്ക്കുന്നു എന്ന കാരണം പറഞ്ഞാണ് സ്റ്റുവര്‍ട് ബ്രോഡിനെ പുറത്തിരുത്തിയത്. അത് താരത്തെ വളരെ അധികം സങ്കടത്തിലും ദേഷ്യത്തിലുമാക്കിയെന്ന് സ്റ്റുവര്‍ട് ബ്രോഡ് തന്നെ വെളിപ്പെടുത്തിയിരുന്നു. കൂടുതല്‍ പേസുള്ള ജോഫ്രയെയും മാര്‍ക്ക് വുഡിനെയും കളിപ്പിക്കുവാന്‍ വേണ്ടി തന്നെ പുറത്തിരുത്തിയപ്പോള്‍ ബ്രോഡിന് ടീമിലെ നഷ്ടമായത് എട്ട് വര്‍ഷത്തിന് ശേഷം ആദ്യമായിട്ടാണ്.

കൊറോണ ആരംഭിച്ച് കളി തടസ്സപ്പെടുന്നതിന് മുമ്പുള്ള കാലം മികച്ച രീതിയില്‍ പന്തെറിയുകയായിരുന്ന തന്നെ പുറത്തിരുത്തേണ്ട സാഹചര്യമില്ലായിരുന്നുവെന്നും അതിന് യാതൊരു ബോധമുള്ള ന്യായീകരണവും തനിക്ക് കാണാനായില്ലെന്നുമാണ് സ്റ്റുവര്‍ട് ബ്രോഡ് പറഞ്ഞത്. താന്‍ റിട്ടയര്‍മെന്റിനെക്കുറിച്ച് അതിശക്തമായി തന്നെ ആലോചിക്കുകയും ചെയ്തിരുന്നുവെന്ന് സ്റ്റുവര്‍ട് ബ്രോഡ് വ്യക്തമാക്കി.

താന്‍ അത്രയ്ക്ക് തകര്‍ന്നിരുന്നുവെന്നും അതിനാല്‍ തന്നെ റിട്ടയര്‍മെന്റിനെക്കുറിച്ച് ചിന്തിച്ചിരുന്നുവെന്നാണ് ബ്രോഡ് വ്യക്തമാക്കിയത്. പിന്നീടുള്ള രണ്ട് മത്സരങ്ങളിലും കളിച്ച താരം 16 വിക്കറ്റ് നേടി മാന്‍ ഓഫ് ദി സീരീസ് മാത്രമല്ല തന്റെ 500ാം വിക്കറ്റെന്ന ചരിത്ര നേട്ടവും സ്വന്തമാക്കിയിരുന്നു.

തന്നെ ഒരു മത്സരത്തിലേക്ക് മാത്രമാണ് പുറത്തിരുത്തിയതെങ്കിലും തന്റെ മനസ്സ് അത് അംഗീകരിക്കുവാന്‍ തയ്യാറായിരുന്നില്ലെന്നും അതിനാല്‍ തന്നെ താന്‍ ഇതിന് മുമ്പെല്ലാം ടീമില്‍ നിന്ന് ഒഴിവാക്കപ്പെട്ടപ്പോള്‍ കടന്ന് പോയ ഒരു സാഹചര്യത്തിലൂടെയല്ല ഇത്തവണ പോയിരുന്നതെന്നും സ്റ്റോക്സ് തന്നോട് ഇക്കാര്യം പറഞ്ഞപ്പോള്‍ തന്റെ ശരീരം നുറുങ്ങുന്ന തരത്തിലുള്ള വേദന തനിക്കുണ്ടായിരുന്നുവെന്നും സ്റ്റുവര്‍ട് ബ്രോഡ് വ്യക്തമാക്കി.

ഐ.സി.സിയുടെ ഏറ്റവും പുതിയ ടെസ്റ്റ് റാങ്കിങ്ങിൽ മികച്ച മുന്നേറ്റം നടത്തി ഇംഗ്ലണ്ട് ഫാസ്റ്റ് ബൗളർ സ്റ്റുവർട്ട് ബ്രോഡ്. വെസ്റ്റിൻഡീസിനെതിരായ ടെസ്റ്റിൽ മികച്ച പ്രകടനം നടത്തിയ സ്റ്റുവർട്ട് ബ്രോഡ് 7 സ്ഥാനങ്ങൾ കയറി മൂന്നാം സ്ഥാനത്ത് എത്തി.

നിലവിൽ 904 റേറ്റിംഗ് പോയിന്റുമായി ഓസ്‌ട്രേലിയൻ ഫാസ്റ്റ് ബൗളർ പാറ്റ് കമ്മിൻസ് ആണ് ടെസ്റ്റ് ബൗളർമാരുടെ പട്ടികയിൽ ഒന്നാം സ്ഥാനത്ത്.  843 റേറ്റിംഗ് പോയിന്റുമായി ന്യൂസിലാൻഡ് ബൗളർ നീൽ വാഗ്നറാണ് രണ്ടാം സ്ഥാനത്ത്. 823 റേറ്റിംഗ് പോയിന്റുമായാണ് സ്റ്റുവർട്ട് ബ്രോഡ് മൂന്നാം സ്ഥാനത്ത് എത്തിയത്.

ബാറ്റ്സ്മാൻമാരുടെ ടെസ്റ്റ് പട്ടികയിൽ ഓസ്‌ട്രേലിയൻ ബാറ്റ്സ്മാൻ സ്റ്റീവ് സ്മിത്ത് ആണ് ഒന്നാം സ്ഥാനത്ത്. ഓൾ റൗണ്ടർമാരുടെ ടെസ്റ്റ് റാങ്കിങ്ങിൽ ഇംഗ്ലണ്ട് ഓൾ റൗണ്ടർ ബെൻ സ്റ്റോക്സ് ആണ് ഒന്നാം സ്ഥാനത്ത്.

ക്രെയിഗ് ബ്രാത്‍വൈറ്റിനെ വിക്കറ്റിന് മുന്നില്‍ കുടുക്കി ഇംഗ്ലണ്ട് താരം സ്റ്റുവര്‍ട് ബ്രോഡ് തന്റെ അഞ്ഞൂറാം വിക്കറ്റ് നേടിയപ്പോള്‍ ബ്രോഡിന്റെ സഹതാരം ജെയിംസ് ആന്‍ഡേഴ്സണും തന്റെ അഞ്ഞൂറാം വിക്കറ്റായി വീഴ്ത്തിയത് ക്രെയിഗ് ബ്രാത്‍വൈറ്റിനെ ആയിരുന്നു എന്ന പ്രത്യേകത ഈ പുറത്താകലിനുണ്ട്. ട്രെന്റ് ബോള്‍ട്ടിന്റെ ഇരുനൂറാം വിക്കറ്റിലും ഇരയായി മാറിയത് ഈ വിന്‍ഡീസ് താരമായിരുന്നു.

ഇത്തരത്തില്‍ നാഴികക്കല്ലായ വിക്കറ്റില്‍ ഇരയാവുന്നതിന്റെ റെക്കോര്‍ഡ് കൈവശമുള്ളത് ദക്ഷിണാഫ്രിക്കന്‍ ഓള്‍റൗണ്ടര്‍ ജാക്വസ് കാലിസിനാണ്. അഞ്ച് തവണയാണ് താരം ഇത്തരത്തില്‍ പുറത്തായത്. ജെയിംസ് ആന്‍ഡേഴ്സണിന്റെയും ആന്‍ഡ്രൂ കാഡിക്കിന്റെയും നൂറാം വിക്കറ്റായി പുറത്തായ താരം ഷെയിന്‍ വോണിന്റെയും സഹീര്‍ ഖാന്റെയും മുന്നൂറാം ടെസ്റ്റ് വിക്കറ്റുമാണ്. കോര്‍ട്നി വാല്‍ഷിന്റെ അഞ്ഞൂറെന്ന നാഴിക്കക്കല്ല് നേട്ടത്തിന്റെ അങ്ങേ തലയ്ക്കല്‍ കാലിസ് ഉണ്ടായിരുന്നു.