സിഡ്നി ടെസ്റ്റില് ഓസ്ട്രേലിയ ഭേദപ്പെട്ട സ്കോറിലേക്ക് നീങ്ങുന്നു. രണ്ടാം ദിവസം ലഞ്ചിനായി ടീമുകള് പിരിയുമ്പോള് ഓസ്ട്രേലിയ 5 വിക്കറ്റ് നഷ്ടത്തില് 249/5 എന്ന നിലയിലാണ്. 91 റണ്സ് നേടിയ മാര്നസ് ലാബൂഷാനെയെയും 13 റണ്സ് നേടിയ മാത്യു വെയിഡിനെയും രവീന്ദ്ര ജഡേജ പുറത്താക്കിയപ്പോള് കാമറൂണ് ഗ്രീനിനെ പൂജ്യത്തിന് പുറത്താക്കി ജസ്പ്രീത് ബുംറ രണ്ടാം ദിവസത്തെ ലഞ്ചിന് ആരംഭം കുറിയ്ക്കുകയായിരുന്നു. 76 റണ്സുമായി സ്മിത്ത് ആണ് ഓസ്ട്രേലിയയ്ക്കായി ക്രീസിലുള്ളത്.
ലാബൂഷാനെ-സ്മിത്ത് കൂട്ടുകെട്ട് തകര്ന്ന ശേഷം മത്സരത്തിലേക്ക് ഇന്ത്യ മികച്ച തിരിച്ചുവരവ് നടത്തുകയായിരുന്നു. മൂന്നാം വിക്കറ്റിലും നൂറ് റണ്സ് നേടി മത്സരത്തില് ഓസ്ട്രേലിയയെ കൂറ്റന് സ്കോറിലേക്ക് സ്മിത്ത്-ലാബൂഷാനെ കൂട്ടുകെട്ട് നയിക്കുമെന്ന് തോന്നിപ്പിച്ച നിമിഷത്തിലാണ് ഇന്ത്യയ്ക്ക് ബ്രേക്ക്ത്രൂവായി രവീന്ദ്ര ജഡേജ ലാബൂഷാനെയുടെ വിക്കറ്റ് സ്വന്തമാക്കുന്നത്.
