ത്രിരാഷ്ട്ര ടി20 പരമ്പരയില് നാല് മത്സരങ്ങളിൽ നാലിലും പരാജയം ആയിരുന്നു ഫലമെങ്കിലും ബംഗ്ലാദേശിന്റെ ടീം കോമ്പിനേഷന് എന്താകണം എന്നതിൽ വ്യക്തതയുണ്ടെന്ന് പറഞ്ഞ് ബംഗ്ലാദേശിന്റെ ടെക്നിക്കൽ ടി20 കൺസള്ട്ടന്റ് ശ്രീധരന് ശ്രീറാം.
പരമ്പരയിൽ ഓപ്പണിംഗ് കോമ്പിനേഷനിൽ പലവിധ പരീക്ഷണങ്ങളാണ് ബംഗ്ലാദേശ് നടത്തിയത്. നാല് ഓപ്പണിംഗ് കോമ്പിനേഷനുകളാണ് പരമ്പരയിൽ ബംഗ്ലാദേശ് പരീക്ഷിച്ചത്. മെഹ്ബി – സബീര് റഹ്മാന്, മെഹ്ദി – നസ്മുള് ഹൊസൈന് , ലിറ്റൺ ദാസ് – നസ്മുള് ഹൊസൈന്, നസ്മുള് – ലിറ്റൺ ദാസ് കോമ്പിനേഷനുകളെയാണ് ബംഗ്ലാദേശ് പരീക്ഷിച്ചത്.
പരീക്ഷണങ്ങളുടെ കാര്യത്തിൽ താനും ക്യാപ്റ്റനും ഡയറക്ടറും ഒരേ പേജിലാണെന്നും ശ്രീധരന് ശ്രീറാം വ്യക്തമാക്കി. രണ്ട് -മൂന്ന് കോമ്പിനേഷനുകള് മനസ്സിലുണ്ടെന്നും സാഹചര്യവും ടീം അനുസരിച്ച് മാറ്റങ്ങള് കൊണ്ടുവരുമെന്നും ശ്രീറാം വ്യക്തമാക്കി.
