Tag: Sourav Ganguly

കൊറോണ വൈറസ് ബാധ പടരുന്നതിനെ തുടർന്ന് നീട്ടിവെച്ച ആഭ്യന്തര സീസൺ പുനരാരംഭിക്കാൻ ബി.സി.സി.ഐ പറ്റുന്നത് എല്ലാം ചെയ്യുമെന്ന് ബി.സി.സി.ഐ പ്രസിഡണ്ട് സൗരവ് ഗാംഗുലി. ബി.സി.സി.ഐ അഫിലിയേറ്റ് അംഗങ്ങൾക്ക് അയച്ച കത്തിലാണ് ആഭ്യന്തര സീസൺ പുനരാരംഭിക്കാൻ വേണ്ടതെല്ലാം ചെയ്യുമെന്ന് സൗരവ് ഗാംഗുലി അറിയിച്ചത്.

കഴിഞ്ഞ ദിവസമാണ് കൊറോണ വൈറസ് ബാധ പടരുന്നതിന് തുടർന്ന് രഞ്ജി ട്രോഫി അടക്കമുള്ള ആഭ്യന്തര മത്സരങ്ങൾ നീട്ടിവെച്ചത്. നിരവധി ടീമുകളിൽ കൊറോണ വൈറസ് ബാധ റിപ്പോർട്ട് ചെയ്യപ്പെട്ടിട്ടുണ്ടെന്നും അതുകൊണ്ടാണ് മത്സരങ്ങൾ മാറ്റിവെച്ചതെന്നും സൗരവ് ഗാംഗുലി പറഞ്ഞു. രഞ്ജി ട്രോഫിയും സി.കെ നായ്ഡു ട്രോഫിയും ഈ മാസം തുടങ്ങാനിരിക്കെയാണ് മത്സരങ്ങൾ മാറ്റിവെച്ചത്.

ബി.സി.സി.ഐ പ്രസിഡണ്ട് സൗരവ് ഗാംഗുലിക്ക് കൊറോണ വൈറസ് ബാധ. വൈറസ് ബാധയെ തുടർന്ന് ഗാംഗുലിയെ കൊൽക്കത്തയിലെ വുഡ്ലാൻഡ്‌സ് ഹോസ്പിറ്റലിൽ പ്രവേശിപ്പിച്ചിട്ടുണ്ട്. ഓമിക്രോൺ വൈറസ് ബാധയാണോഎന്നത് പരിശോധിക്കാൻ ഗാംഗുലിയുടെ രക്തം പരിശോധനക്കായി അയച്ചിട്ടുണ്ട്.

നിലവിൽ ചെറിയ ലക്ഷണങ്ങൾ ഉണ്ടെങ്കിലും താരത്തിന്റെ ആരോഗ്യ നില തൃപ്തികരമാണെന്ന് ഹോസ്പിറ്റൽ അധികൃതർ വ്യക്തമാക്കി. ഡിസംബർ 25ന് ബംഗ്ലസിനിയമയുടെ പ്രീമിയർ കാണാൻ ഗാംഗുലി പോയിരുന്നു. നേരത്തെ ഹൃദയ സംബദ്ധമായ അസുഖത്തെ തുടർന്നും സൗരവ് ഗാംഗുലിയെ ആശുപത്രിയിൽ പ്രവേശിപ്പിച്ചിരുന്നു.

കഴിഞ്ഞ ടി20 ലോകകപ്പിൽ ഇന്ത്യ കളിച്ച രീതിയിൽ നിരാശയുണ്ടെന്ന് ബി.സി.സി.ഐ പ്രസിഡന്റ് സൗരവ് ഗാംഗുലി. യു.എ.ഇയിൽ നടന്ന ലോകകപ്പിൽ ഇന്ത്യ സെമി ഫൈനൽ കാണാതെ പുറത്തായിരുന്നു. ആദ്യ രണ്ട് മത്സരങ്ങളിൽ പാകിസ്താനോടും ന്യൂസിലാൻഡിനോടും തോറ്റതാണ് ടൂർണമെന്റിൽ ഇന്ത്യക്ക് തിരിച്ചടിയായത്.

കഴിഞ്ഞ 4-5 വർഷത്തെ ഏറ്റവും മോശം പ്രകടനങ്ങളിൽ ഒന്നാണ് ഇന്ത്യ പുറത്തെടുത്തതെന്നും സൗരവ് ഗാംഗുലി. 2017ലെ ചാമ്പ്യൻസ് ലീഗ് ഫൈനലിൽ എത്തിയ ഇന്ത്യ മികച്ച പ്രകടനമാണ് പുറത്തെടുത്തതെന്നും ഗാംഗുലി പറഞ്ഞു. അന്ന് ഫൈനലിൽ പാകിസ്താനോട് ഇന്ത്യ പരാജയപ്പെട്ടിരുന്നു. 2019ലെ ലോകകപ്പിൽ ഇന്ത്യ മികച്ച പ്രകടനമാണ് പുറത്തെടുത്തെന്നും ഒരെറ്റ മത്സരത്തിലെ മോശം പ്രകടനം കാരണം 2 മാസത്തെ ഇന്ത്യയുടെ മികച്ച പ്രകടനം ഇല്ലാതാക്കിയെന്നും ഗാംഗുലി പറഞ്ഞു.

അനിൽ കുംബ്ലെയ്ക്ക് പകരം ഐസിസിയുടെ ടെക്നിക്കൽ കമ്മിറ്റി ചെയര്‍മാന്‍ സ്ഥാനത്തേക്ക് ബിസിസിഐ പ്രസിഡന്റെ സൗരവ് ഗാംഗുലിയെ നിയമിച്ചു. മൂന്ന് മൂന്ന് വര്‍ഷത്തെ കാലാവധി കുംബ്ലെ പൂര്‍ത്തിയാക്കിയതിനാലാണ് മുന്‍ ഇന്ത്യന്‍ താരം സ്ഥാനം ഒഴിയുന്നത്.

2012ലും 2016ലും 2019ലും കുംബ്ലെ ഈ സ്ഥാനം വഹിച്ച് വരികയായിരുന്നു. ഐസിസി ടെക്നിക്കൽ കമ്മിറ്റിയാണ് ക്രിക്കറ്റിലെ നിയമങ്ങളുടെയും മാനദണ്ഡങ്ങളുടെയും കാര്യങ്ങള്‍ തീരുമാനിക്കുന്നത്.

ഇംഗ്ലണ്ടും ഇന്ത്യയും തമ്മിലുള്ള ടെസ്റ്റ് പരമ്പരയിലെ മാറ്റി വെച്ച അഞ്ചാം മത്സരം ഈ പരമ്പരയുടെ ഭാഗമായി നടത്തുമെന്ന് സൗരവ് ഗാംഗുലി. അടുത്ത വർഷം മാറ്റിവെച്ച ടെസ്റ്റ് നടക്കുമ്പോൾ ഈ പരമ്പരയുടെ ഭാഗമായി നടത്താനാണ് ശ്രമമെന്നും സൗരവ് ഗാംഗുലി പറഞ്ഞു. 2007ന് ശേഷം ഇംഗ്ലണ്ടിൽ ഇന്ത്യയുടെ ആദ്യ ടെസ്റ്റ് വിജയമാവും ഇതെന്നും സൗരവ് ഗാംഗുലി പറഞ്ഞു. പരമ്പരയിൽ ഇന്ത്യ 2-1ന് മുൻപിൽ നിൽക്കെയാണ് ഇന്ത്യൻ ക്യാമ്പിലെ കൊറോണ വൈറസ് ബാധമൂലം അവസാന ടെസ്റ്റ് റദ്ദാക്കിയത്.

ഇന്ത്യൻ ക്യാമ്പിൽ കൊറോണ വൈറസ് ബാധ റിപ്പോർട്ട് ചെയ്തതോടെ താരങ്ങൾ എല്ലാം ഭയപ്പെട്ടെന്നും അതാണ് ടെസ്റ്റ് മത്സരം മാറ്റിവെക്കാൻ തീരുമാനിച്ചതെന്നും സൗരവ് ഗാംഗുലി പറഞ്ഞു. ഫിസിയോ യോഗേഷ് പർമാറുമായി എല്ലാവരും അടുത്ത ഇടപഴകിയിരുന്നെന്നും അത്കൊണ്ട് താരങ്ങൾ കളിക്കാൻ വിസമ്മതിച്ചതിന് അവരെ കുറ്റം പറയാൻ കഴിയില്ലെന്നും സൗരവ് ഗാംഗുലി പറഞ്ഞു.

ഇന്ത്യയും ന്യൂസിലാണ്ടും തമ്മിലുള്ള ലോക ടെസ്റ്റ് ചാമ്പ്യൻഷിപ്പ് ഫൈനലിന് സൗരവ് ഗാംഗുലിയും ജയ് ഷായും കളി കാണാനുണ്ടാകില്ല. നേരത്തെ ഇരുവരും മത്സരം കാണുവാൻ സൗത്താംപ്ടണിലുണ്ടാകുമെന്നാണ് ലഭിച്ച വിവരമെങ്കിലും ആ തീരുമാനത്തിൽ നിന്നവര്‍ പിന്നോട്ട് പോയെന്നാണ് അറിയുന്നത്.

ബിസിസിഐയുടെ ഒരു അധികാരികളും മത്സരം കാണുവാനുണ്ടാകില്ല എന്നാണ് ഇപ്പോൾ അറിയുവാൻ സാധിക്കുന്നത്. ഇരുവരും ക്വാറന്റീനിൽ ഇരിക്കേണ്ടി വരുമെന്നും താരങ്ങൾ അല്ലാത്തതിനാൽ ഇളവ് നൽകാനാകില്ലെന്ന് ഇംഗ്ലണ്ട് ബോ‍ര്‍ഡ് അറിയിച്ചതിനാലാണ് ഇരുവരും ഈ തീരുമാനത്തിലെത്തിയതെന്നാണ് അറിയുന്നത്.

ടീമിനുള്ള നിയമങ്ങൾ സെക്രട്ടറിയ്ക്കും പ്രസിഡന്റിനും ബാധകമല്ലെന്നാണ് ഇംഗ്ലണ്ട് ബോ‍ര്‍ഡിലെ ഒരു വ്യക്തി പറഞ്ഞത്. ഇവര്‍ രണ്ട് പേരും പത്ത് ദിവസത്തെ ഹാര്‍ഡ് ക്വാറന്റീന് വിധേയരാകണമെന്നാണ് ഇംഗ്ലണ്ട് ബോര്‍ഡ് അറിയിച്ചതെന്നാണ് ലഭിയ്ക്കുന്ന വിവരം.