Tag: Sourav Ganguly

ഇന്ത്യക്ക് നാലാം നമ്പറിൽ കളിക്കാൻ ഒരു ബാറ്റ്സ്മാൻ ഇല്ല എന്ന് പറയുന്നത് ശരിയല്ല എന്നും താം അതിനോട് യോജിക്കുന്നില്ല എന്നും സൗരവ് ഗാംഗുലി. “നമുക്ക് നമ്പർ 4 ഇല്ലെന്ന് ആരാണ് പറഞ്ഞത്? ഞങ്ങൾക്ക് ആ സ്ഥലത്ത് ബാറ്റ് ചെയ്യാൻ കഴിയുന്ന നിരവധി താരങ്ങൾ ഉണ്ട്. ഞാൻ വ്യത്യസ്തമായി ചിന്തിക്കുന്നു; എന്റെ ചിന്താഗതി വേറെയാണ്. ഇതൊരു ഗംഭീര ടീമാണ്” കൊൽക്കത്തയിൽ നടന്ന ഒരു പരിപാടിയിൽ ഗാംഗുലി പറഞ്ഞു.

“തിലക് വർമ്മയെ നാലാം നമ്പറിൽ ഒരു ഓപ്‌ഷനായാണ് ഞാൻ കാണുന്നു, അദ്ദേഹം ഒരു ഇടംകൈയ്യനുമാണ്,” ഗാംഗുലി പറഞ്ഞു. “അവൻ വളരെ മികച്ച ഒരു യുവ കളിക്കാരനാണ്, കൂടുതൽ പരിചയസമ്പത്തില്ല, പക്ഷേ അതിൽ കാര്യമില്ല.” മുൻ ക്യാപ്റ്റൻ പറഞ്ഞു.

“യുവ ഇടംകയ്യൻ ജയ്സ്വാളിനെയും ടീമിൽ കാണാൻ ഞാൻ ആഗ്രഹിക്കുന്നു. അവർ ടീമിന്റെ ടോപ് ഓർഡറിൽ ഉണ്ടാകണം. അദ്ദേഹത്തിന് അപാരമായ കഴിവുണ്ട്, അവൻ നിർഭയനാണ്.” ഗാംഗുലി പറഞ്ഞു.

സീനിയർ താരങ്ങളും യുവതാരങ്ങളും ഇടകലർന്ന ഒരു ടീമിനെയാണ് ഇന്ത്യ ലോകകപ്പിനായി തിരഞ്ഞെടുക്കേണ്ടതെന്നും ഗാംഗുലി പറഞ്ഞു.

“അനുഭവപരിചയമുള്ളവരുടെയും ജയ്സ്വാൾ, വർമ്മ, ഇഷാൻ കിഷൻ എന്നിവരെപ്പോലെയുള്ള യുവതാരങ്ങളുടെയും ഒരു ടീമായിരിക്കണം ഇന്ത്യ ലോകകപ്പിലേക്ക് അയക്കേണ്ടത്. അവർക്ക് പേടിയില്ലാത്ത ക്രിക്കറ്റ് കളിക്കാൻ ആകും.” മുൻ ബിസിസിഐ പ്രസിഡന്റ് പറഞ്ഞു.

വെസ്റ്റിന്‍ഡീസിലെ ഇന്ത്യയുടെ ടെസ്റ്റ് പരമ്പരയിലേക്ക് അജിങ്ക്യ രഹാനെയെ ഇന്ത്യ വൈസ് ക്യാപ്റ്റനായി നിയമിച്ചിരുന്നു. ഇതിനെ ചോദ്യം ചെയ്ത് സൗരവ് ഗാംഗുലി. 18 മാസമായി ടീമിലിടം ലഭിയ്ക്കാതിരുന്ന രഹാനെയെ വൈസ് ക്യാപ്റ്റനായി നിയമിച്ചതിന് പിന്നിലെ ചിന്ത എന്താണെന്ന് മനസ്സിലാകുന്നില്ലെന്നാണ് ഗാംഗുലി പറഞ്ഞത്.

സ്ഥിരതയും കൺടിന്യുവിറ്റിയും ആവശ്യമാണെങ്കിൽ ഇത്തരം നീക്കങ്ങള്‍ ഇന്ത്യന്‍ സെലക്ടര്‍മാര്‍ നടത്തരുതെന്നും അദ്ദേഹം കൂട്ടിചേര്‍ത്തു. ഒന്നര വര്‍ഷത്തോളം ടീമിലിടം ലഭിച്ചില്ലെങ്കിലും ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഇടം ലഭിച്ച താരം മികച്ച പ്രകടനം ആണ് പുറത്തെടുത്തത്. ഇന്ത്യന്‍ ടീമിലെ ഏറ്റവും മികച്ച ബാറ്റ്സ്മാന്‍ രഹാനെ ആയിരുന്നു. താരം 89, 46 എന്നീ സ്കോറുകളാണ് ഓവലിലെ മത്സരത്തിൽ നേടിയത്.

ഇത് പിന്നോട്ടുള്ള നീക്കമാണെന്ന് താന്‍ പറയില്ല, എന്നാൽ ഇത് ഭാവിയിലേക്കുള്ള നീക്കമല്ലെന്ന് തീര്‍ച്ചയായും പറയാനാകും. രവീന്ദ്ര ജഡേജയെ പോലുള്ള താരങ്ങളെ ഈ റോളിലേക്ക് പരിഗണിക്കാവുന്നതാണെന്നും ഗാംഗുലി കൂട്ടിചേര്‍ത്തു.

പരിക്കേറ്റ് ദക്ഷിണാഫ്രിക്ക പരമ്പരയിൽ നിന്ന് പുറത്ത് പോയ ജസ്പ്രീത് ബുംറ ലോകകപ്പിനും ഉണ്ടാകില്ലെന്ന തരത്തിലാണ് വാര്‍ത്തകള്‍ പുറത്ത് വന്നത്. എന്നാൽ ബുംറ ഇതുവരെ റൂള്‍ഡ് ഔട്ട് ആയിട്ടില്ലെന്നാണ് ബിസിസിഐ പ്രസിഡന്റ് സൗരവ് ഗാംഗുലി വ്യക്തമാക്കിയത്. ബുംറ ബിസിസിഐ മെഡിക്കൽ ടീമിന്റെ നിരീക്ഷണത്തിലാണെന്നും താരത്തിന്മേൽ പ്രതീക്ഷയായി ഇനിയും സമയം ഉണ്ടെന്നാണ് സൗരവ് ഗാംഗുലി വ്യക്തമാക്കിയത്.

ബാക്ക് സ്ട്രെസ് ഫ്രാക്ച്ചര്‍ കാരണം ജസ്പ്രീത് ബുംറ ഇന്ത്യയ്ക്കായി ലോകകപ്പിനുണ്ടാകില്ലെന്നും ഷമി, ദീപക് ചഹാര്‍, സിറാജ് എന്നിവരിൽ ഒരാള്‍ പ്രധാന ടീമിലേക്ക് വരുമെന്ന തരത്തിലാണ് വാര്‍ത്തകള്‍ വന്നത്. വേള്‍ഡ് കപ്പിന് ഇനിയും സമയം ഉണ്ടെന്നും ഇപ്പോളെ നമ്മള്‍ മുന്‍വിധികളോടെ ഈ വിഷയത്തെ സമീപിക്കേണ്ടെന്നുമാണ് ഗാംഗുലി പറഞ്ഞത്.