Tag: Smriti Mandhana

ഇംഗ്ലണ്ടിനെതിരായ തകർപ്പൻ പ്രകടനത്തിന് പിന്നാലെ ഇന്ത്യൻ വനിതാ താരങ്ങൾ ഏകദിന റാങ്കിംഗിൽ മുന്നോട്ട്‌‌‌. ഇന്ത്യൻ ക്യാപ്റ്റൻ ഹർമൻപ്രീത് കൗർ ഐസിസി വനിതാ ഏകദിന പ്ലെയർ റാങ്കിംഗിൽ നാല് സ്ഥാനങ്ങൾ മെച്ചപ്പെടുത്തി അഞ്ചാം സ്ഥാനത്തെത്തി. ഹർമൻപ്രീത് ആണ് ബാറ്റിങിൽ ഏറ്റവും മുന്നിൽ ഉള്ള ഇന്ത്യൻ താരം.

ഇംഗ്ലണ്ടിന് എതിരാറ്റ രണ്ടാം മത്സരത്തിൽ 111 പന്തിൽ പുറത്താകാതെ 143 റൺസാണ് കൗർ അടിച്ചുകൂട്ടിയിരുന്നത്.

സ്മൃതി മന്ദാന ഒരു സ്ഥാനം മെച്ചപ്പെടുത്തി ആറാം സ്ഥാനത്തെത്തി. ലോർഡ്സിൽ നടന്ന മൂന്നാം മത്സരത്തിൽ പുറത്താകാതെ 68 റൺസ് നേടിയ ദീപ്തി ശർമ്മ എട്ട് സ്ഥാനങ്ങൾ ഉയർത്തി 24-ാം സ്ഥാനത്തും എത്തി.

വിരമിച്ച ഫാസ്റ്റ് ബൗളർ ജൂലൻ ഗോസ്വാമി ബൗളിംഗിൽ അഞ്ചാം സ്ഥാനത്ത് നിൽക്കുന്നു.

തന്റെ അവസാന അന്താരാഷ്ട്ര ക്രിക്കറ്റ് മത്സരം കളിക്കുന്ന ജൂലന്‍ ഗോസ്വാമിയ്ക്ക് ഗാര്‍ഡ് ഓഫ് ഓണ‍ർ നൽകി ഇംഗ്ലണ്ട്. താരം എട്ടാമതായി ബാറ്റ് ചെയ്യാനെത്തി നേരിട്ട ആദ്യ പന്തിൽ പുറത്തായപ്പോള്‍ ഇന്ത്യയ്ക്ക് മൂന്നാം മത്സരത്തിൽ ബാറ്റിംഗ് തകര്‍ച്ചയായിരുന്നു ഫലം.

അഞ്ച് ഇന്ത്യന്‍ താരങ്ങള്‍ പൂജ്യത്തിന് പുറത്തായപ്പോള്‍ കേറ്റ് ക്രോസ് നാല് വിക്കറ്റുമായി ഇന്ത്യയുടെ ബാറ്റിംഗിനെ തകര്‍ത്തു. 68 റൺസ് നേടിയ ദീപ്തി ശര്‍മ്മ പുറത്താകാതെ നിന്ന് ടീമിന്റെ ടോപ് സ്കോറര്‍ ആയപ്പോള്‍ സ്മൃതി മന്ഥാന 50 റൺസ് നേടി. പൂജ വസ്ട്രാക്കര്‍ 22 റൺസാണ് നേടിയത്.

ഇംഗ്ലണ്ടിനായി ക്രോസിനൊപ്പം ഫ്രെയ കെംപ്, സോഫി എക്ലെസ്റ്റോൺ എന്നിവര്‍ രണ്ട് വീതം വിക്കറ്റും നേടി.

ആദ്യ രണ്ട് മത്സരങ്ങളും വിജയിച്ച ഇന്ത്യ ഇന്ന് 45.4 ഓവറിൽ 169 റൺസ് നേടുന്നതിനിടെ ഓള്‍ഔട്ട് ആകുകയായിരുന്നു.

ഇന്ത്യൻ വനിതകളും ഇംഗ്ലണ്ട് വനിതകളും തമ്മിലുള്ള രണ്ടാം ഏകദിന മത്സരത്തിൽ സ്മൃതി മന്ദാന ഒരു റെക്കോർഡ് കുറിച്ചു. വനിതാ ഏകദിന ക്രിക്കറ്റിൽ ഏറ്റവും വേഗത്തിൽ 3000 റൺസ് തികയ്ക്കുന്ന ഇന്ത്യൻ താരമായി ഇന്ത്യൻ വൈസ് ക്യാപ്റ്റൻ സ്മൃതി മന്ദാന മാറി. എകദിനത്തിൽ 3000 റൺസ് തികയ്ക്കുന്ന മൂന്നാമത്തെ വനിതാ താരം മാത്രമാണ് മന്ദാന.

തന്റെ 76-ാം ഏകദിന ഇന്നിംഗ്‌സിലാണ് സ്മൃതി 3000 റൺസിൽ എത്തിയത്. 88 ഇന്നിംഗ്‌സുകളിൽ നിന്ന് ഈ നേട്ടം കൈവരിച്ച മിതാലി രാജിനെ ആണ് മന്ദാന മറികടന്നത്.

ഏറ്റവും പുതിയ ടി20 റാങ്കിംഗിൽ രണ്ടാം സ്ഥാനത്തേക്കുയര്‍ന്ന് സ്മൃതി മന്ഥാന. 731 റേറ്റിംഗ് പോയിന്റ് നേടിയ താരം ഓസ്ട്രേലിയയുടെ മെഗ് ലാന്നിംഗിനെ മൂന്നാം സ്ഥാനത്തേക്ക് പിന്തള്ളിയാണ് രണ്ടാമതെത്തിയത്. 725 റേറ്റിംഗ് പോയിന്റാണ് ലാന്നിംഗ്സിന്റെ കൈവശമുള്ളത്.

ഒന്നാം സ്ഥാനത്ത് 743 റേറ്റിംഗ് പോയിന്റുമായി ഓസ്ട്രേലിയയുടെ തന്നെ ബെത്ത് മൂണിയാണുള്ളത്. ഇംഗ്ലണ്ടിനെതിരെയുള്ള മൂന്ന് ടി20 മത്സരങ്ങളിൽ നിന്ന് നേടിയ 111 റൺസ് ആണ് ഇന്ത്യന്‍ താരത്തിന്റെ റാങ്കിംഗ് മെച്ചപ്പെടുത്തുവാന്‍ സഹായിച്ചത്.

ഏകദിന പരമ്പരിലെ ആദ്യ മത്സരത്തിൽ 91 റൺസ് നേടിയ മന്ഥാന ഏകദിന റാങ്കിംഗിൽ 3 സ്ഥാനം മെച്ചപ്പെടുത്തി 7ാം സ്ഥാനത്തേക്ക് എത്തിയിട്ടുണ്ട്. 698 റേറ്റിംഗ് പോയിന്റാണ് താരത്തിനുള്ളത്.

ഇംഗ്ലണ്ടിനെതിരെ ആദ്യ ഏകദിനത്തിലെ തകര്‍പ്പന്‍ വിജയത്തിന് പ്ലേയര്‍ ഓഫ് ദി മാച്ച് പുരസ്കാരമായി ലഭിച്ച മെഡൽ താന്‍ ജുന്നു ദീദിയ്ക്ക് നൽകുന്നുവെന്ന് പറഞ്ഞ് സ്മൃതി മന്ഥാന. ഈ പരമ്പരയോടെ അന്താരാഷ്ട്ര ക്രിക്കറ്റിൽ നിന്ന് വിരമിക്കുന്ന ജൂലന്‍ ഗോസ്വാമിയെയാണ് ജുന്നു ദീദിയെന്ന് സ്മൃതി പരാമര്‍ശിച്ചത്.

സ്മൃതി മന്ഥാനയും ഹര്‍മ്മന്‍പ്രീത് കൗറും യാസ്തിക ഭാട്ടിയയും ബാറ്റിംഗ് മികവ് പുലര്‍ത്തിയപ്പോള്‍ മികച്ച വിജയം ആണ് ഇംഗ്ലണ്ടിനെതിരെ ഇന്ത്യ നേടിയത്. ഈ പരമ്പരയിലെ ഓരോ മത്സരവും കളിക്കുന്നത് അത് ജുന്നു ദീദിയ്ക്ക് സമര്‍പ്പിക്കുവാന്‍ വേണ്ടിയാണെന്നും സ്മൃതി കൂട്ടിചേര്‍ത്തു.

ഇന്നലെ ഇംഗ്ലണ്ടിന് എതിരായ ടി20 മത്സരത്തിൽ ഇന്ത്യ എട്ടു വിക്കറ്റിന്റെ വിജയം നേടിയപ്പോൾ സ്റ്റാർ ആയത് സ്മൃതി മന്ദാന ആയിരുന്നു. 53 പന്തിൽ 79 റൺസ് എടുക്കാൻ സ്മൃതിക്ക് ആയിരുന്നു. ആ ഇന്നിങ്സിന്റെ ഹൈലൈറ്റ് സോണി നെറ്റ്‌വർക്ക് ഇന്ന് യൂട്യൂബിലൂടെ പങ്കുവെച്ചു.

വീഡിയോ ചുവടെ:

https://youtu.be/9meDGfgHwJ0