ഒറാക്കിളിനെതിരെ 34 റണ്സിന്റെ മികച്ച വിജയവുമായി എസ്ഐ കലിപ്സ്. ഇന്ന് ടിപിഎല് രണ്ടാം ഘട്ടത്തിന്റെ ഭാഗമായി നടന്ന മത്സരത്തില് ആദ്യം ബാറ്റ് ചെയ്ത എസ്ഐ കലിപ്സ് ആദ്യം ബാറ്റ് ചെയ്ത് 6 വിക്കറ്റ് നഷ്ടത്തില് 83 റണ്സാണ് നേടിയത്. 15 പന്തില് 25 റണ്സ് നേടിയ ബോബി രാജും 6 പന്തില് നിന്ന് 17 റണ്സ് നേടിയ വിടി പ്രവീണും ആണ് കലിപ്സ് നിരയില് തിളങ്ങിയത്. ഒറാക്കിളിനായി രാഹുല് കെ പിള്ള, വിജിന് എന്നിവര് രണ്ട് വീതം വിക്കറ്റ് നേടി.
മറുപടി ബാറ്റിംഗിനിറങ്ങിയ ഒറാക്കിള് 7.5 ഓവറില് 49 റണ്സിന് ഓള്ഔട്ട് ആകുകയായിരുന്നു. ഫൈസല് എസ് ഐ കലിപ്സിന് വേണ്ടി മൂന്ന് വിക്കറ്റ് നേടിയപ്പോള് അമല്, ബോബി രാജ് എന്നിവര് രണ്ട് വീതം വിക്കറ്റ് നേടി. 11 റണ്സ് നേടിയ അരുണ് ദത്ത് ആണ് ഒറാക്കിളിന്റെ ടോപ് സ്കോറര്.