Tag: Shubman Gill

ഇന്ത്യന്‍ ഓപ്പണര്‍ ശുഭ്മന്‍ ഗിൽ ഇംഗ്ലണ്ട് പരമ്പരയിലെ ഒരു മത്സരത്തിലും കളിക്കില്ലെന്ന് അറിയിച്ച് ബിസിസിഐ. താരത്തെ ഉടന്‍ നാട്ടിലേക്ക് മടക്കി അയയ്ക്കുമെന്നും ബിസിസിഐ അറിയിച്ചു. പകരം ഓപ്പണറായി ഇന്ത്യ പൃഥ്വി ഷായെ പരിഗണിക്കുന്നുണ്ട്. നേരത്തെ ആദ്യ രണ്ട് ടെസ്റ്റുകളിൽ ഗിൽ കളിക്കില്ലെന്നായിരുന്നു പറഞ്ഞിരുന്നത്.

ഇന്ത്യ കരുതൽ താരമായി അഭിമന്യു ഈശ്വരനെ സ്ക്വാഡിൽ ഉള്‍പ്പെടുത്തിയിട്ടുണ്ടെങ്കിലും ഇപ്പോള്‍ പൃഥ്വി ഷാ, ദേവ്ദത്ത് പടിക്കൽ എന്നിവരെ ഇംഗ്ലണ്ടിലെത്തിക്കുവാന്‍ ടീം മാനേജ്മെന്റ് ശ്രമിക്കുകയാണെന്നാണ് അറിയുന്നത്. അതേ സമയം ഈശ്വരന് മോശം രഞ്ജി സീസണായിരുന്നു 2019-20 സീസണില്‍ ഉണ്ടായത്. അത് കൂടാതെ ഇന്ത്യയുടെ എ ടീമിനൊപ്പം ന്യൂസിലാണ്ടിലും താരം റൺസ് കണ്ടെത്തുവാന്‍ ബുദ്ധിമുട്ടി.

ശുഭ്മന്‍ ഗിൽ മാച്ച് ഫിറ്റ് ആകുവാന്‍ മൂന്ന് മാസത്തോളം സമയം എടുക്കുമെന്നാണ് അറിയുന്നതെന്നും ബിസിസിഐ വക്താവ് അറിയിച്ചു. ടീം മാനേജര്‍ രണ്ട് ഓപ്പണര്‍മാരെ ഇംഗ്ലണ്ടിലേക്ക് അയയ്ക്കണമെന്നാണ് ആവശ്യപ്പെട്ടിരിക്കുന്നതെന്നും ഈ വ്യക്തി വെളിപ്പെടുത്തി.

ഇംഗ്ലണ്ടിനെതിരെയുള്ള ആദ്യ ടെസ്റ്റിൽ ഇന്ത്യയ്ക്ക് ശുഭ്മന്‍ ഗില്ലിന്റെ സേവനം ലഭിയ്ക്കില്ലെന്ന് സൂചന. താരത്തിന് ഇന്റേണൽ ഇഞ്ച്വറിയുണ്ടെന്നും അത് അത്യാവശ്യം പ്രശ്നം സൃഷ്ടിക്കുന്ന ഒന്നാണെന്നുമാണ് ലഭിയ്ക്കുന്ന വിവരം.

ഓഗസ്റ്റ് 4ന് നോട്ടിംഗാമിലാണ് ആദ്യ ടെസ്റ്റ്. ആദ്യ രണ്ട് ടെസ്റ്റുകളിൽ താരം കളിച്ചേക്കില്ലെന്നാണ് അറിയുന്നത്. താരം ടൂറിംഗ് സംഘത്തോടൊപ്പം തുടരുമെന്നും അറിയുന്നു. അതിനര്‍ത്ഥം പരമ്പരയിൽ ഏതെങ്കിലും ടെസ്റ്റിൽ ഗില്ലിനെ കളിപ്പിക്കാനാകുമെന്ന് മാനേജ്മെന്റ് കരുതുന്നുണ്ടെന്നാണ്.

മയാംഗ് അഗര്‍വാൽ, കെഎൽ രാഹുല്‍ എന്നിവരുടെ സേവനം ടീമിന് ഉറപ്പിക്കാനാകും എന്നതിനാൽ തന്നെ ഗില്ലിന്റെ അഭാവം ടീമിന് വലിയ പ്രശ്നം സൃഷ്ടിക്കില്ലെന്നാണ് പ്രതീക്ഷിക്കുന്നത്.

ലോക ടെസ്റ്റ് ചാമ്പ്യന്‍ഷിപ്പിലും തുടര്‍ന്നുള്ള ഇംഗ്ലണ്ട് പരമ്പരയിലും തന്റെ ലക്ഷ്യം റൺസ് സ്കോര്‍ ചെയ്യുക എന്നത് തന്നെയാണെന്ന് പറഞ്ഞ് ഇന്ത്യയുടെ യുവ ഓപ്പണര്‍ ശുഭ്മന്‍ ഗിൽ. താന്‍ ഒരിക്കലും ബാക്ക് സീറ്റിലേക്ക് പോകുകയില്ലെന്നും ക്രീസിൽ സമയം ചെലവഴിക്കുമ്പോളും റൺസ് സ്കോര്‍ ചെയ്യണമെന്നാണ് ഇപ്പോള്‍ ലക്ഷ്യമിടുന്നതെന്നും ഗിൽ പറഞ്ഞു.

സാഹചര്യങ്ങളുമായി പൊരുത്തപ്പെടുവാന്‍ അല്പം സമയം ക്രീസിൽ ചെലവഴിക്കുന്നത് നല്ലതാണ്, എന്നാൽ റൺസ് വരികയാണെങ്കിൽ ബൗളര്‍മാര്‍ ബാക്ക് ഫുടിൽ പോകുമെന്നും അത് അവരെ സമ്മര്‍ദ്ദത്തിലാക്കുമെന്നും ഗിൽ വ്യക്തമാക്കി. എങ്ങനെയും കടിച്ച് തൂങ്ങുകയാണ് എന്നതാണ് ലക്ഷ്യമെങ്കിൽ പ്രതീക്ഷിച്ചതിലും കൂടുതൽ പന്തുകള്‍ കളിക്കേണ്ട സാഹചര്യം വരുമെന്നും ഗിൽ സൂചിപ്പിച്ചു.

ഇംഗ്ലണ്ടില്‍ മികവ് പുലര്‍ത്തുവാന്‍ താരങ്ങള്‍ ആദ്യം ചെയ്യേണ്ടത് അവിടുത്തെ സാഹചര്യവുമായി ഏറ്റവും വേഗത്തില്‍ പുറത്തെടുക്കുകയെന്നതാണെന്ന് പറഞ്ഞ് ശുഭ്മന്‍ ഗില്‍. ലോക ടെസ്റ്റ് ചാമ്പ്യന്‍ഷിപ്പ് ഫൈനല്‍ ഉള്‍പ്പെടെ ആറ് ടെസ്റ്റ് മത്സരങ്ങളാണ് ഇന്ത്യ ഇംഗ്ലണ്ടില്‍ കളിക്കുന്നത്.

ഇംഗ്ലണ്ടില്‍ മികച്ച രീതിയില്‍ ബാറ്റ് ചെയ്യുവാനായി എത്രയും വേഗത്തില്‍ അവിടുത്തെ സാഹചര്യവുമായി പരുത്തപ്പെടുകയാണെന്നും ഓപ്പണറെന്ന നിലയില്‍ സെഷനുകള്‍ അതിജീവിക്കുവാന്‍ പഠിക്കേണ്ടിയിരിക്കുന്നുവെന്നും ഗില്‍ പറഞ്ഞു. ഓപ്പണര്‍മാര്‍ ആദ്യ സെഷനെ വിജയകരമായി നേരിടുകയെന്നത് ഇംഗ്ലണ്ടില്‍ മാത്രമല്ല ഏത് സാഹചര്യത്തിലും ചെയ്യേണ്ട കാര്യമാണെന്നും ഗില്‍ പറഞ്ഞു.

ഇംഗ്ലണ്ടില്‍ ക്ലൗഡി സാഹചര്യമാണെങ്കില്‍ ബോള്‍ കൂടുതല്‍ സ്വിംഗ് ചെയ്യും സൂര്യന്‍ പുറത്ത് വരുമ്പോള്‍ ബാറ്റിംഗ് അനായാസമാകും അപ്പോള്‍ സാഹചര്യം മനസ്സിലാക്കുക എന്നത് ഏറെ പ്രധാനമാണെന്നും ഗില്‍ പറഞ്ഞു.