Tag: Shubhman Gill

ശുഭ്മൻ ഗിൽ ഒരു വലിയ താരമായി ഉയരുമെന്ന വാദങ്ങൾ ഉന്നയിക്കാൻ ഇപ്പോൾ ആകില്ല എന്ന് കപിൽ ദേവ്. സുനിൽ ഗവാസ്‌കർ, സച്ചിൻ ടെണ്ടുൽക്കർ, രാഹുൽ ദ്രാവിഡ്, വിവിഎസ് ലക്ഷ്മൺ, വീരേന്ദർ സെവാഗ്, വിരാട് കോഹ്‌ലി തുടങ്ങിയ മഹാന്മാരുടെ പാതയാണ് 23-കാരൻ പിന്തുടരുന്നതെന്ന് പറഞ്ഞ കപിൽ ദേവ് എന്നിരുന്നാലും, യുവ ക്രിക്കറ്റ് താരത്തിന് കൂടുതൽ പക്വത ആവശ്യമാണെന്ന് പറഞ്ഞു

“സുനിൽ ഗവാസ്‌കർ വന്നു, സച്ചിൻ ടെണ്ടുൽക്കർ വന്നു, പിന്നെ രാഹുൽ ദ്രാവിഡ്, വിവിഎസ് ലക്ഷ്മൺ, വീരേന്ദർ സെവാഗ്, വിരാട് കോഹ്‌ലി, ഇപ്പോൾ അദ്ദേഹം കാണിക്കുന്ന ബാറ്റിംഗിലൂടെ ശുഭ്‌മാൻ ഗിലും അവരുടെ പാത പിന്തുടരുന്നതായി തോന്നുന്നു, പക്ഷേ വലിയ അവകാശ വാദങ്ങൾ ഉന്നയിക്കും മുമ്പ് അദ്ദേഹത്തിന് ഒരു സീസൺ കൂടെ സമയം നൽകാൻ ഞാൻ ആഗ്രഹിക്കുന്നു. അദ്ദേഹത്തിന് തീർച്ചയായും കഴിവും കഴിവ് ഉണ്ട്, പക്ഷേ അദ്ദേഹത്തിന് കൂടുതൽ പക്വത ആവശ്യമാണ്,” കപിൽ പറഞ്ഞു.

“ഇതുപോലെ മറ്റൊരു സീസൺ കൂടി കളിച്ചാൽ, അദ്ദേഹവും മികച്ച കളിക്കാരുടെ പട്ടികയിൽ ഉൾപ്പെടുമെന്നതിൽ സംശയമില്ല. പക്ഷേ, അദ്ദേഹത്തെ ആ ലീഗിലേക്ക് ഇപ്പോൾ കൊണ്ടുപോകാൻ ഞാൻ ആഗ്രഹിക്കുന്നില്ല. ഒരുപക്ഷേ അയാൾക്ക് ഒരു വർഷം കൂടി സമയം നൽകേണ്ടിവരും.” കപിൽ കൂട്ടിച്ചേർത്തു

വെള്ളിയാഴ്ച അഹമ്മദാബാദിൽ നടന്ന ഐപിഎൽ പോരാട്ടത്തിൽ മുംബൈ ഇന്ത്യൻസിന് എതിരെ 129 റൺസ് അടിച്ച ശുഭ്മൻ ഗില്ലിനെ പ്രശംസിച്ച് ഇതിഹാസം സുനിൽ ഗവാസ്‌കർ.

“ക്രിക്കറ്റ് ലോകം അവന്റെ കാൽച്ചുവട്ടിലാണെന്ന് പറയുന്നതിന് പുറമെ കൂടുതൽ വിശേഷണങ്ങൾ അവനെ പ്രശംസിക്കാൻ കണ്ടെത്തുന്നത് വളരെ ബുദ്ധിമുട്ടാണ്. ആകാശമാണ് അവന് പരിധി. അത്രയേ എനിക്ക് പറയാനുള്ളൂ.” ഗവാക്സർ പറയുന്നു.

“അവൻ ഈ പ്രകടനം തുടർന്നുകൊണ്ടേയിരിക്കുകയാണെങ്കിൽ, റൺസ് ഒഴുകും. കാരണം അവന്റെ ക്രിക്കറ്റിൽ ഒരു കൃത്യതയുണ്ട്” അദ്ദേഹം പറയുന്നു. “ഈ ഐപിഎല്ലിലെ ഗില്ലിന്റെ മൂന്നാമത്തെ സെഞ്ച്വറിയാണിത്. ഓരോ ഇന്നിംഗ്‌സിലും അവൻ മെച്ചപ്പെട്ടു. ഇപ്പോൾ ഈ വർഷത്തെ ഐപിഎല്ലിലെ ഏറ്റവും ഉയർന്ന സ്‌കോറായ 129 ആണ് അയാൾ നേടിയത്. അതിനാൽ സ്കൈ ആണ് അവന്റെ ലിമിറ്റ്‌. ഗുജറാത്ത് ടൈറ്റൻസിന് മാത്രമല്ല, ഇന്ത്യൻ ക്രിക്കറ്റിനും ഇത് സന്തോഷവാർത്തയാണ്” ഗവാസ്‌കർ പറഞ്ഞു

ശുഭ്മൻ ഗിൽ ഇന്ന് നടത്തിയ പ്രകടനം ഐ പി എല്ലിലെ പല റെക്കോർഡുകളും തകർത്തെന്നു പറയാം. ഇമ്മ് അഹമ്മദാബാദിൽ നടന്ന മുംബൈ ഇന്ത്യൻസിനെതിരായ മത്സരത്തിൽ ഗുജറാത്ത് ടൈറ്റൻസിനായി 60 പന്തിൽ 129 റൺസ് നേടാൻ ശുഭ്മാൻ ഗില്ലിനായിരുന്നു. ഈ സീസണിലെ താരത്തിന്റെ മൂന്നാമത്തെ സെഞ്ച്വറി ആയിരുന്നു ഇത്.

തന്റെ ഇന്നിംഗ്‌സിനിടെ ഗിൽ നിരവധി റെക്കോർഡുകൾ ഇന്ന് തകർത്തു. ഗില്ലിന്റെ 129 റൺസ് എന്നത് ഐപിഎൽ പ്ലേഓഫിലെ ഏറ്റവും ഉയർന്ന വ്യക്തിഗത സ്‌കോറാണ്. വീരേന്ദർ സെവാഗിന്റെ 122 റൺസ് ആണ് അദ്ദേഹം മറികടന്നത്. 2014 Q2-ൽ മുംബൈയിൽ നടന്ന സി എസ് കെക്ക് എതിരായ പോരാട്ടത്തിൽ ആയിരുന്നു സെവാഗ് ഈ സ്കോർ നേടിയത്.

ഐപിഎല്ലിൽ ഒരു ഇന്ത്യൻ താരം നേടുന്ന ഏറ്റവും ഉയർന്ന രണ്ടാമത്തെ സ്കോർ കൂടിയാണ് ഇന്ന് ഗിൽ നേടിയത്‌. കെഎൽ രാഹുലിന്റെ 132* മാത്രമാണ് ഗില്ലിന് മുന്നിലുള്ളത്. 10 സിക്‌സറുകളാണ് ശുഭ്‌മാൻ ഗിൽ നേടിയത്. പ്ലേ ഓഫ് മത്സരത്തിൽ ഏറ്റവും കൂടുതൽ സിക്സുകൾ അടിക്കുന്ന താരമായി ഗിൽ ഇതോടെ മാറു. വൃദ്ധിമാൻ സാഹ, ക്രിസ് ഗെയ്ൽ, വീരേന്ദർ സെവാഗ്, ഷെയ്ൻ വാട്‌സൺ എന്നിവർ നേടിയ 8 സിക്‌സറുകൾ ആയിരുന്നു ഇതുവരെയുള്ള റെക്കോർഡ്.

ഐപിഎല്ലിൽ ഗുജറാത്ത് ടൈറ്റൻസിനായി മികച്ച ഫോം തുടരുന്ന ശുഭ്മൻ ഗിൽ ഭാവിയിൽ വിരാട് കോഹ്‌ലിയെപ്പോലെയോ സച്ചിൻ ടെണ്ടുൽക്കറെപ്പോലെയോ വലിയ കളിക്കാരനാകാൻ ആയി മാറും എന്ന് മുൻ ഇന്ത്യൻ ക്രിക്കറ്റ് താരം റോബിൻ ഉത്തപ്പ.

“വിരാട് കോഹ്‌ലിയെപ്പോലെയോ സച്ചിൻ ടെണ്ടുൽക്കറെപ്പോലെയോ വലിയ താരമാകാ കഴിവ് അദ്ദേഹത്തിന് ഉണ്ടെന്ന് ഞാൻ തീർച്ചയായും വിശ്വസിക്കുന്നു. തീർച്ചയായും അയാൾക്ക് അതിനുള്ള സ്കില്ലുകൾ ലഭിച്ചിട്ടുണ്ടെന്ന് ഞാൻ കരുതുന്നു. അസാധാരണമായ ഫോമിലുള്ള ഒരു മികച്ച കളിക്കാരനാണ് അദ്ദേഹം, ഇപ്പോൾ അസാധാരണമായ ക്രിക്കറ്റ് കളിക്കുകയാണ്, ”ഉത്തപ്പ പറഞ്ഞു.

ശുഭ്മാൻ ഗില്ലും യശസ്വി ജയ്‌സ്വാളുമാണ് ഇന്ത്യൻ ക്രിക്കറ്റിലെ അടുത്ത രണ്ട് വലിയ കാര്യങ്ങൾ എന്ന് എനിക്ക് വ്യക്തിപരമായി തോന്നുകയും വിശ്വസിക്കുകയും ചെയ്യുന്നു എന്നും ഉത്തപ്പ പറഞ്ഞു.