Tag: Shubhman Gill

ഇന്ത്യൻ ഓപ്പണർ ശുഭ്മാൻ ഗിൽ ഇന്ന് പരിശീലനം പുനരാരംഭിക്കും. ഡെങ്കിപ്പനി ബാധിച്ച ശുഭ്മാൻ ഗിൽ ഒരാഴ്ചത്തെ ഇടവേളക്ക് ശേഷമാണ് പരിശീലന ഗ്രൗണ്ടിലേക്ക് തിരികെയെത്തുന്നത്‌. ഓസ്‌ട്രേലിയയ്ക്കും അഫ്ഗാനിസ്ഥാനുമെതിരായ ഇന്ത്യയുടെ ആദ്യ രണ്ട് മത്സരങ്ങൾ ഗില്ലിന് നഷ്ടമായിരുന്നു‌. പനി ഭേദമായ ഗിൽ ഇന്നമെ ചെന്നൈയിൽ നിന്ന് അഹമ്മദാബാദിലേക്ക് എത്തിയിരുന്നു.

ചെന്നൈയിൽ ഇരിക്കെ ഗിൽ ആരോഗ്യ സ്ഥിതി വഷളായതിനാൽ ആശുപത്രിയിൽ അഡ്മിറ്റ് ചെയ്യപ്പെട്ടിരുന്നു. ഇപ്പോഴും ഗിൽ പാകിസ്താനെതിരായ മത്സരത്തിൽ കളിക്കും എന്ന കാര്യത്തിൽ ഉറപ്പില്ല. ഒക്ടോബർ 14നാണ് ഇന്ത്യ പാകിസ്താൻ മത്സരം നടക്കുന്നത്‌‌. ഗില്ലിന്റെ അഭാവത്തിൽ ഓപ്പണറായ ഇഷാൻ കിഷൻ ലോകകപ്പിലെ ആദ്യ രണ്ട് മത്സരങ്ങളിൽ 0, 47 എന്നീ സ്കോറുകൾ ആണ് നേടിയത്. ഗിൽ ഇല്ലെങ്കിൽ ഇഷൻ തന്നെ പാകിസ്താനെതിരെയും ഓപ്പൺ ചെയ്യും.

ഗിൽ ഇല്ലെങ്കിലും ക്രിക്കറ്റ് ലോകകപ്പിൽ എല്ലാ ടീമുകളെയും തോൽപ്പിക്കാൻ മാത്രം ഇന്ത്യ ശക്തമാണെന്ന് മുൻ ഇന്ത്യൻ താരം സഞ്ജയ് മഞ്ജരേക്കർ. ഗിൽ പനി ആയിട്ട് ഇപ്പോഴും ടീമിന് പുറത്താണ്‌. ഗിൽ ഇല്ലാതെ ഇന്ത്യ ആദ്യ മത്സരത്തിന് ഇറങ്ങി ഓസ്ട്രേലിയയെ തോൽപ്പിച്ചിരുന്നു.

“ടീമിന് ശക്തമായി തുടരാൻ മതിയായ ഓപ്ഷനുകൾ ഉണ്ട്, ആദ്യ മത്സരത്തിലും ഞങ്ങൾ അത് കണ്ടു. ശുഭ്മാൻ ഗിൽ ഇല്ലെങ്കിലും എല്ലാ എതിരാളികളെയും പരാജയപ്പെടുത്താൻ മാത്രം ടീം ശക്തവും മികച്ചതുമാണ്” മഞ്ജരേക്കർ പറഞ്ഞു.

“ഇത് പറയുന്നു എങ്കിലും, ശുഭ്മാൻ ഗിൽ ടീമിനെ കൂടുതൽ ശക്തമാക്കുന്നു, അവൻ അത്ര മികച്ച ഫോമിലായിരുന്നു. നിങ്ങൾ മത്സരങ്ങൾ നഷ്ടപ്പെടുത്താൻ ആഗ്രഹിക്കുന്ന സമയമല്ല” മഞ്ജരേക്കർ കൂട്ടിച്ചേർത്തു.

ഇന്ത്യൻ യുവ ഓപ്പണർ ശുഭ്മാൻ ഗിൽ ആശുപത്രിയിൽ അഡ്മിറ്റ് ചെയ്യപ്പെട്ടു. താരത്തിന്റെ പനി മാറാത്തതും ഒപ്പം പ്ലാറ്റ്ലെറ്റ് കുറഞ്ഞതും ആണ് ആശുപത്രിയിലേക്ക് താരത്തെ മാറ്റാൻ കാരണം. ചെന്നൈയിൻ ഉള്ള താരം പാകിസ്താനെതിരായ മത്സരം കളിക്കുന്നതും ഇതോടെ സംശയത്തിൽ ആയിരിക്കുകയാണ്. അഫ്ഘാനെതിരെ താരം കളിക്കില്ല എന്ന് ഇന്നലെ തന്നെ ബി സി സി ഐ അറിയിച്ചിരുന്നു.

ശുഭ്മൻ ഗില്ലിന് ഡെങ്കിപ്പനി സ്ഥിരീകരിച്ചിരുന്നു. അതുകൊണ്ട് തന്നെ ഓസ്ട്രേലിയക്ക് എതിരെ ഗിൽ കളിച്ചിരുന്നില്ല. അവസാന ഒരു വർഷത്തോളമായി ഇന്ത്യയുടെ ഏറ്റവും മികച്ച ബാറ്റർ ആണ് ഗിൽ. ഓപ്പണിംഗിൽ രോഹിതും ഗില്ലും ചേർന്നുള്ള പ്രകടനങ്ങൾ ഇന്ത്യക്ക് കരുത്തായിരുന്നു. ഗില്ലിന്റെ അഭാവത്തിൽ ഇഷൻ കിഷൻ ഇന്ത്യക്ക് ആയി ഓപ്പൺ ചെയ്യുന്നത് തുടരും.

ലോകകപ്പിലെ ഇന്ത്യയുടെ രണ്ടാം മത്സരത്തിലും ശുഭ്മാൻ ഗിൽ കളിക്കില്ല. താരം അഫ്ഗാനിസ്താനെതിരെ കളിക്കില്ല എന്ന് ഇന്ത്യൻ ടീം അറിയിച്ചു. ഡെൽഹിയിലേക്ക് ഗിൽ യാത്രയും ചെയ്യില്ല. ഇനി പാകിസ്താനെതിരായ അഹമ്മദാബാദിൽ നടക്കുന്ന മത്സരത്തിൽ ആകും ഗിൽ കളിക്കുക. ഇപ്പോൾ ഗിൽ തന്റെ ആരോഗ്യം വീണ്ടെടുക്കുകയാണ്.

ശുഭ്മൻ ഗില്ലിന് ഡെങ്കിപ്പനി സ്ഥിരീകരിച്ചിരുന്നു. അതുകൊണ്ട് തന്നെ കഴിഞ്ഞ ദിവസം ഓസ്ട്രേലിയക്ക് എതിരെ ഗിൽ കളിച്ചിരുന്നില്ല. അവസാന ഒരു വർഷത്തോളമായി ഇന്ത്യയുടെ ഏറ്റവും മികച്ച ബാറ്റർ ആണ് ഗിൽ. ഓപ്പണിംഗിൽ രോഹിതും ഗില്ലും ചേർന്നുള്ള പ്രകടനങ്ങൾ ഇന്ത്യക്ക് കരുത്തായിരുന്നു. ഗില്ലിന്റെ അഭാവത്തിൽ ഇഷൻ കിഷൻ ആകും അഫ്ഗാനെതിരെയും ആദ്യ ഇലവനിൽ എത്തുക.

ലോകകപ്പിലെ ഇന്ത്യയുടെ ഉദ്ഘാടന മത്സരത്തിൽ ഗിൽ കളിക്കില്ല എന്ന് ഉറപ്പിച്ച് പറയാതെ പരിശീലകൻ രാഹുൽ ദ്രാവിഡ്. ഒക്ടോബർ 8 ഞായറാഴ്ച ചെന്നൈയിലെ ചെപ്പോക്ക് സ്റ്റേഡിയത്തിൽ വെച്ച് ഇന്ത്യ ഓസ്‌ട്രേലിയയെ നേരിടാൻ ഇരിക്കുകയാണ്. എന്നാൽ ഓപ്പണർ ഗിൽ ഡെങ്കി പനി ബാധിച്ചതിനാൽ ഇപ്പോൾ പൂർണ്ണ വിശ്രമത്തിലാണ്. ഗിൽ കളിക്കാൻ സാധ്യതയില്ല എന്ന് റിപ്പോർട്ടുകൾ ഉണ്ട്.

ഗില്ലിന്റെ ഫിറ്റ്‌നസിനെ കുറിച്ച് സംസാരിച്ച ദ്രാവിഡ്, ഗില്ലിന്റെ ആരോഗ്യം മെഡിക്കൽ സംഘം നിരീക്ഷിച്ചുവരികയാണെന്ന് പറഞ്ഞു. ഓസ്‌ട്രേലിയൻ മത്സരത്തിൽ ഗില്ലിനെ ഒഴിവാക്കിയിട്ടില്ല എന്ന് ദ്രാവിഡ് പറഞ്ഞു.

“മെഡിക്കൽ ടീം അദ്ദേഹത്തെ നിരീക്ഷിക്കുകയാണ്. ഞങ്ങൾക്ക് 36 മണിക്കൂർ സമയമുണ്ട്, അവർ എന്ത് തീരുമാനമാണ് എടുക്കുന്നതെന്ന് നമുക്ക് നോക്കാം. അവൻ തീർച്ചയായും സുഖം പ്രാപിക്കുന്നു. മെഡിക്കൽ സംഘം ഇതുവരെ അദ്ദേഹത്തെ കളിയിൽ ഒഴിവാക്കിയിട്ടില്ല. ഞങ്ങൾ അവനെ അനുദിനം നിരീക്ഷിച്ചുകൊണ്ടേയിരിക്കും. നാളത്തെ ദിവസം അദ്ദേഹത്തിന് എങ്ങനെ ഉണ്ടാകും എന്ന് നമുക്ക് നോക്കാം, ”ദ്രാവിഡ് പറഞ്ഞു.