Tag: Shreyas Iyer

ഐ.പി.എല്ലിൽ രണ്ടാം സ്ഥാനം ഉറപ്പിക്കാനായതിൽ ഒരുപാട് സന്തോഷം ഉണ്ടെന്ന് ഡൽഹി ക്യാപിറ്റൽസ് ക്യാപ്റ്റൻ ശ്രേയസ് അയ്യർ. നാല് തുടർച്ചയായ തോൽവികൾക്ക് ശേഷം അവസാന മത്സരത്തിൽ ആർ.സി.ബിയെ പരാജയപ്പെടുത്തിയാണ് ഡൽഹി ക്യാപിറ്റൽസ് ഐ.പി.എല്ലിൽ രണ്ടാം സ്ഥാനം ഉറപ്പിച്ചത്.

തുടർച്ചയായ തോൽവികൾക്ക് ശേഷമുള്ള ഈ വിജയം തങ്ങൾക്ക് സന്തോഷം തരുന്നുണ്ടെന്നും ആർ.സി.ബിക്കെതിരെ മികച്ച രീതിയിൽ ഡൽഹി ക്യാപിറ്റൽസ് കളിച്ചെന്നും ശ്രേയസ് അയ്യർ പറഞ്ഞു. ടീമിലെ എല്ലാ വിഭാഗവും മികച്ച പ്രകടനമാണ് പുറത്തെടുത്തെന്നും എല്ലാവരുടെയും പ്രകടനത്തിൽ താൻ സന്തുഷ്ടനാണെന്നും മികച്ച പ്രകടനം പുറത്തെടുക്കേണ്ട നിർണ്ണായക സമയത്ത് താരങ്ങൾ എല്ലാം മികച്ച പ്രകടനം പുറത്തെടുത്തെന്നും ശ്രേയസ് അയ്യർ പറഞ്ഞു.

ഐ.പി.എൽ പ്ലേ ഓഫിൽ മുംബൈ ഇന്ത്യൻസാണ് ഡൽഹി ക്യാപിറ്റൽസിന്റെ എതിരാളികൾ. മുംബൈ ഇന്ത്യൻസ് മികച്ച ടീം ആണെന്നും എന്നാൽ അവരെ ഭയപെടുന്നില്ലെന്നും ശ്രേയസ് അയ്യർ പറഞ്ഞു. ആർ.സി.ബിക്കെതിരെ മികച്ച പ്രകടനം പുറത്തെടുത്ത അജിങ്കെ രഹാനെയുടെ പ്രകടനത്തെയും ശ്രേയസ് അയ്യർ അഭിനന്ദിച്ചു.

സൺറൈസേഴ്‌സ് ഹൈദെരാബാദിനെതിരായ മത്സരത്തിൽ പവർ പ്ലേയിൽ തന്നെ ഡൽഹി ക്യാപിറ്റൽസ് മത്സരം തോറ്റിരുന്നെന്ന് ടീം ക്യാപ്റ്റൻ ശ്രേയസ് അയ്യർ. മത്സരത്തിന്റെ ആദ്യ 6 ഓവറിൽ തന്നെ സൺറൈസേഴ്‌സ് 70 റൺസ് എടുത്തത് അവർക്ക് മത്സരത്തിൽ വലിയ മുൻ‌തൂക്കം നൽകിയെന്നും ശ്രേയസ് അയ്യർ പറഞ്ഞു. മത്സരത്തിൽ സൺറൈസേഴ്‌സ് ഹൈദെരാബാദിനെതിരെ 88 റൺസിന്റെ കനത്ത പരാജയം ഡൽഹി ക്യാപിറ്റൽസ് ഏറ്റുവാങ്ങിയിരുന്നു.

നിർണ്ണായകമായ ഈ സമയത്തെ തോൽവി ടീമിന് കനത്ത തിരിച്ചടിയാണെന്നും ബാക്കിയുള്ള രണ്ട്‌ മത്സരങ്ങളിൽ ഒന്ന് എങ്കിലും ജയിക്കേണ്ടത് അനിവാര്യമാണെന്നും കഴിഞ്ഞ മൂന്ന് മത്സരങ്ങളിൽ അതിന് വേണ്ടിയാണ് കാത്തിരിക്കുന്നതെന്നും അയ്യർ പറഞ്ഞു. തുടർച്ചയായ പരാജയങ്ങൾ ടീമിന് സമ്മർദ്ദത്തിൽ ആകുമെങ്കിലും തന്റെ ടീം മാനസികമായി വളരെ ശക്തരാണെന്നും ഈ പരാജയം ടീമിനെ ഉണർത്തുമെന്നും ശ്രേയസ് അയ്യർ പറഞ്ഞു.

എന്നാൽ പരാജയങ്ങൾ ടീമിനെ താഴോട്ട് കൊണ്ടുപോവില്ലെന്നും ഒരു ടീമെന്ന നിലയിൽ ഐ.പി.എല്ലിൽ ഡൽഹി ക്യാപിറ്റൽസ് മികച്ച പ്രകടനമാണ് പുറത്തെടുത്തതെന്നും അയ്യർ പറഞ്ഞു. ഈ തോൽവികൾ ഒരിക്കലും ടീമിനെ തളർത്തില്ലെന്നും അടുത്ത മത്സരം ജയിക്കാൻ ടീം മികച്ച ശ്രമം നടത്തുമെന്നും ശ്രേയസ് അയ്യർ പറഞ്ഞു. മികച്ച ഫോമിലുള്ള മുംബൈ ഇന്ത്യൻസിനും റോയൽ ചലഞ്ചേഴ്‌സ് ബാംഗ്ലൂരിനുമെതിരായാണ് ഡൽഹി ക്യാപിറ്റൽസിന്റെ ബാക്കിയുള്ള രണ്ട് മത്സരങ്ങൾ.

രാജസ്ഥാൻ റോയല്സിനെതിരെ ജയിച്ച് ഐ.പി.എൽ പോയിന്റ് പട്ടികയിൽ ഒന്നാം സ്ഥാനത്ത് എത്തിയെങ്കിലും ഡൽഹി ക്യാപിറ്റൽസിന് വമ്പൻ തിരിച്ചടി. ഡൽഹി ക്യാപിറ്റൽസ് ക്യാപ്റ്റൻ ശ്രേയസ് അയ്യരുടെ പരിക്കാണ് ഡൽഹി ക്യാപിറ്റൽസിന് തിരിച്ചടിയായത്.

രാജസ്ഥാൻ റോയഴ്‌സിനെതിരായ മത്സരത്തിനിടെ ബൗണ്ടറി തടയാനുള്ള ശ്രമത്തിനിടെയാണ് ശ്രേയസ് അയ്യരുടെ തോളിന് പരിക്കേറ്റത്. തുടർന്ന് ശ്രേയസ് അയ്യർ ഗ്രൗണ്ട് വിടുകയും ചെയ്തിരുന്നു. ശ്രേയസ് അയ്യരുടെ അഭാവത്തിൽ ശിഖർ ധവാൻ ആണ് തുടർന്ന് മത്സരത്തിൽ ഡൽഹി ക്യാപിറ്റൽസിനെ നയിച്ചത്.

ശ്രേയസ് അയ്യരുടെ തോളിന് വേദനയുണ്ടെന്നും പരിക്കിന്റെ വ്യാപ്തി കൂടുതൽ പരിശോധനകൾക്ക് ശേഷം മാത്രമേ മനസ്സിലാവൂ എന്നും മത്സര ശേഷം ശിഖർ ധവാൻ പറഞ്ഞിരുന്നു. മത്സരത്തിൽ രാജസ്ഥാൻ റോയൽസിനെ തോൽപ്പിച്ച് ഡൽഹി ക്യാപിറ്റൽസ് ഐ.പി.എൽ പോയിന്റ് പട്ടികയിൽ ഒന്നാം സ്ഥാനത്ത് എത്തിയിരുന്നു.

രാജസ്ഥാന്‍ റോയല്‍സിനെതിരെയുള്ള മത്സരത്തിന്റെ രണ്ടാം പകുതിയില്‍ ഡല്‍ഹി കളിച്ച രീതിയില്‍ താന്‍ ഏറെ സംതൃപ്തനാണെന്ന് വ്യക്തമാക്കി ടീം ക്യാപ്റ്റന്‍. ടീം ബാറ്റിംഗ് കഴിഞ്ഞപ്പോള്‍ 15-20 റണ്‍സ് കുറവാണ് തന്റെ ടീം നേടിയതെന്നാണ് താന്‍ കരുതിയതെന്നും ഷിമ്രണ്‍ ഹെറ്റ്മ്യറും വാലറ്റവും ചേര്‍ന്ന് നടത്തിയ പോരാട്ടത്തിന്റെ ഭാഗമായാണ് ടീം 184 റണ്‍സിലേക്ക് എത്തിയതെന്നും അയ്യര്‍ വ്യക്തമാക്കി.

തന്റെ ബൗളര്‍മാര്‍ ടീമിന് 46 റണ്‍സ് വിജയം ഒരുക്കുവാന്‍ സഹായിച്ച പ്രകടനത്തെ വാനോളം പുകഴ്ത്തുവാന്‍ അയ്യര്‍ മറന്നില്ല. തങ്ങളുടെ പദ്ധതികള്‍ ബൗളര്‍മാര്‍ കൃത്യമായി പാലിച്ചപ്പോള്‍ ടീമിന് മികച്ച വിജയമാണ് ലഭിച്ചതെന്നും അയ്യര്‍ വ്യക്തമാക്കി. ടോസ് ലഭിച്ചിരുന്നേല്‍ താനും ബൗളിംഗ് എടുത്തേനെയെന്നും എന്നാല്‍ ഇപ്പോള്‍ ഫലം ഭാഗ്യത്തിന് തനിക്ക് അനുകൂലമായെന്നും അയ്യര്‍ അഭിപ്രായപ്പെട്ടു.

തന്റെ ക്യാപ്റ്റന്‍സി താന്‍ ഏറെ ആഹ്ലാദിക്കുകയും ആസ്വദിക്കുന്നുമുണ്ടെന്നും അതിന് കാരണം താരങ്ങള്‍ തനിക്ക് കാര്യങ്ങള്‍ എളുപ്പമാക്കുന്നതിനാലാണെന്നും അയ്യര്‍ വ്യക്തമാക്കി. ടീം മീറ്റിംഗുകള്‍ സപ്പോര്‍ട്ട് സ്റ്റാഫുകള്‍ കൈകാര്യം ചെയ്യുന്ന രീതിയും ഏറെ പ്രശംസനീയമാണെന്ന് ശ്രേയസ്സ് അയ്യര്‍ പറഞ്ഞു.

പോയിന്റ് പട്ടികയില്‍ അഞ്ചില്‍ നാല് വിജയങ്ങളുമായി ഒന്നാം സ്ഥാനത്താണ് ഐപിഎലില്‍ യുവ നിരയായ ഡല്‍ഹി ക്യാപിറ്റല്‍സ്. ഭയമില്ലാതെ പൂര്‍ണ്ണ സ്വാതന്ത്ര്യത്തോടെ കളിക്കുവാനാണ് തങ്ങളുടെ ടീമിന്റെ ലക്ഷ്യമെന്നും ടീമിലെ യുവനിര അത് നടപ്പിലാക്കി വരികയാണെന്നും മത്സര ശേഷം സംസാരിക്കവേ ടീം ക്യാപ്റ്റന്‍ ശ്രേയസ്സ് അയ്യര്‍ അഭിപ്രായപ്പെട്ടു.

ഇതുവരെ കാര്യങ്ങള്‍ സംഭവിച്ച രീതിയില്‍ തനിക്കും ടീം മാനേജ്മെന്റിനും ഏറെ പ്രതീക്ഷയുണ്ടെന്നും ബയോ ബബിളില്‍ കഴിയുന്നത് അത്ര മികച്ച കാര്യമല്ലാത്തതിനാല്‍ തന്നെ ടീമംഗങ്ങള്‍ എപ്പോഴും ഒപ്പം നില്‍ക്കുവാന്‍ ശ്രമിക്കാറുണ്ടെന്നും അയര്‍ വ്യക്തമാക്കി. മികച്ച പ്രകടനം പുറത്തെടുക്കുകയായിരുന്നു അമിത് മിശ്രയുടെ പരിക്ക് സങ്കടകരമാണെങ്കിലും താരത്തിന് പകരം താരങ്ങള്‍ ടീമിലുണ്ടെന്നുള്ളത് ആശ്വാസമാണെന്നും ശ്രേയസ്സ് പറഞ്ഞു.

ഒട്ടനവധി മാറ്റങ്ങള്‍ ടീമില്‍ വരുത്തുന്നതും ടീമിന്റെ സന്തുലിതാവസ്ഥയെ ബാധിക്കുമെന്നും അതിനാല്‍ തന്നെ അധികം മാറ്റമില്ലാതെ ടൂര്‍ണ്ണമെന്റില്‍ മുന്നോട്ട് പോകുകയെന്നതാണ് തങ്ങളുടെ ലക്ഷ്യമെന്നും ശ്രേയസ്സ് അയ്യര്‍ വ്യക്തമാക്കി.

സണ്‍റൈസേഴ്സ് ഹൈദ്രാബാദിനെതിരെ നേരിട്ട തോല്‍വിയ്ക്ക് പിന്നാലെ ശ്രേയസ്സ് അയ്യരിനു അടുത്ത തിരിച്ചടി. മത്സരത്തിലെ മോശം ഓവര്‍ റേറ്റ് കാരണം താരത്തിനെതിരെ പിഴ ചുമത്തുവാന്‍ ഐപിഎല്‍ ഗവേണിംഗ് കൗണ്‍സില്‍ തീരുമാനിക്കുകയായിരുന്നു. ആദ്യം ഫീല്‍ഡ് ചെയ്യുവാന്‍ തീരുമാനിച്ച ഡല്‍ഹിയ്ക്കെതിരെ സണ്‍റൈസേഴ്സ് 162/4 എന്ന സ്കോറാണ് നേടിയത്. 15 റണ്‍സിന്റെ തോല്‍വിയാണ് ഡല്‍ഹി നേരിടേണ്ടി വന്നത്.

23 മിനുട്ടുകളാണ് ഡല്‍ഹി ക്യാപിറ്റല്‍സ് അധികമായി എടുത്തത്. 12 ലക്ഷം രൂപയാണ് പിഴയായി അയ്യര്‍ക്കെതിരെ വിധിച്ചത്. മൂന്ന് മത്സരങ്ങളില്‍ നിന്ന് രണ്ട് വിജയമുള്ള ഡല്‍ഹി ക്യാപിറ്റല്‍സ് ഇപ്പോള്‍ പോയിന്റ് പട്ടികയില്‍ രണ്ടാം സ്ഥാനത്താണ്.

ചെന്നൈയ്ക്കെതിരെയുള്ള മത്സരത്തില്‍ ഷിമ്രണ്‍ ഹെറ്റ്മ്യര്‍ ഷെയിന്‍ വാട്സണെ പുറത്താക്കുവാന്‍ മികച്ചൊരു ക്യാച്ച് നേടിയെങ്കിലും പിന്നീട് ഫാഫ് ഡു പ്ലെസിയുടെ അവസരങ്ങള്‍ രണ്ട് തവണ താരം നഷ്ടപ്പെടുത്തി. എന്നാല്‍ അത് മുതലാക്കി വലിയ സ്കോര്‍ നേടുവാന്‍ ഫാഫ് ഡു പ്ലെസിയ്ക്ക് സാധിച്ചില്ല. വിജയത്തിന് ശേഷം സംസാരിക്കുമ്പോള്‍ ആണ് ശ്രേയസ്സ് അയ്യര്‍ യുഎഇയിലെ സാഹചര്യങ്ങളില്‍ ക്യാച്ച് കൈപ്പിടിയിലൊതുക്കുക ദുഷ്കരമാണെന്നാണ്.

പന്ത് മിസ് ജഡജ് ചെയ്യുക ഏറെ പ്രയാസമാണെന്നും ലൈറ്റും പ്രശ്നമാണെന്ന് ശ്രേയസ്സ് അയ്യര്‍ വ്യക്തമാക്കി. ഐപിഎല്‍ ആരംഭിച്ച ശേഷം മികച്ച ഫീല്‍ഡര്‍മാര്‍ പോലും ക്യാച്ചുകള്‍ കൈവിടുന്നത് സ്ഥിരമായി മാറിയിട്ടുണ്ട്. കഴിഞ്ഞ ദിവസം കെഎല്‍ രാഹുലിന്റെ ക്യാച്ച് വിരാട് കോഹ്‍ലി കൈവിട്ടപ്പോള്‍ അത് മുതലാക്കി ഐപിഎലില്‍ ഒരു ഇന്ത്യന്‍ താരം നേടുന്ന ഏറ്റവും വലിയ സ്കോറായ 132 റണ്‍സിലേക്ക് രാഹുല്‍ നീങ്ങിയിരുന്നു.