ഷാക്കിബ് അല് ഹസന്റെ ഓള്റൗണ്ട് മികവില് 36 റണ്സിന്റെ ജയം സ്വന്തമാക്കി വിന്ഡീസിനെതിരെ ടി20 പരമ്പരയില് ഒപ്പമെത്തി ബംഗ്ലാദേശ്. ഇന്ന് നടന്ന രണ്ടാം മത്സരത്തില് ബംഗ്ലാദേശ് ആദ്യം ബാറ്റ് ചെയ്ത് 4 വിക്കറ്റ് നഷ്ടത്തില് 211 റണ്സ് നേടുകയായിരുന്നു. ലിറ്റണ് ദാസ്(60) ടോപ് സ്കോറര് ആയപ്പോള് ഷാക്കിബ് അല് ഹസനും(42*) മഹമ്മദുള്ളയും(43*) പുറത്താകാതെ നിന്ന് ബംഗ്ലാദേശിനെ മുന്നോട്ട് നയിച്ചു. കൂടാതെ സൗമ്യ സര്ക്കാര് 32 റണ്സ് നേടി. വിന്ഡീസിനായി ഷെല്ഡണ് കോട്രെല് 2 വിക്കറ്റ് നേടി.
മറുപടി ബാറ്റിംഗിനിറങ്ങിയ വിന്ഡീസ് 19.2 ഓവറില് 175 റണ്സിനു ഓള്ഔട്ട് ആകുകയായിരുന്നു. 50 റണ്സ് നേടിയ റോവ്മന് പവലും 36 റണ്സ് നേടിയ ഷായി ഹോപുമാണ് ടീമിന്റെ പ്രധാന സ്കോറര്മാര്. 5 വിക്കറ്റുമായി ഷാക്കിബ് അല് ഹസനാണ് വിന്ഡീസ് ചെയിസിംഗിനു തടയിട്ടത്. തന്റെ നാലോവറില് 20 റണ്സ് മാത്രം വിട്ട് നല്കിയാണ് ഷാക്കിബിന്റെ 5 വിക്കറ്റ് നേട്ടം.
