Tag: Sevilla

ജുലൻ ലോപ്പറ്റെഗിക്ക് മുകളിൽ മൂടിക്കെട്ടി നിന്ന കാർമേഘങ്ങൾ ഒടുവിൽ പൊട്ടിത്തെറിച്ചു. ഡോർട്മുണ്ടിനോട് സ്വന്തം തട്ടകത്തിൽ ഏട്ട തോൽവിക്ക് പിറകെ കോച്ചിനെ പുറത്താക്കിയതായി സെവിയ്യയുടെ പ്രഖ്യാപനം എത്തി. മത്സരത്തിന് മുൻപ് തന്നെ സ്പാനിഷ് കോച്ചിന്റെ അവസാന മത്സരം ആയിരിക്കും എന്ന് ഉറപ്പായിരുന്നു. മത്സര ശേഷം അദ്ദേഹം തന്നെ ഈ കാര്യം സൂചിപ്പിച്ചിരുന്നു. ചാമ്പ്യൻസ് ലീഗ് ഗ്രൂപ്പ് ഘട്ടത്തിൽ ഒരു വിജയം പോലും നേടാൻ ടീമിനായിട്ടില്ല. ലാ ലീഗയിൽ ആവട്ടെ ഒരേയൊരു വിജയവുമായി പതിനേഴാം സ്ഥാനത്തും. സെവിയ്യക്ക് എന്നും തന്റെ ഹൃദയത്തിൽ ആയിരിക്കും സ്ഥാനമെന്ന് ലോപ്പറ്റെഗി പ്രതികരിച്ചു. താരങ്ങളോടും ക്ലബ്ബിനോടും ആരാധകരോടും അദ്ദേഹം നന്ദി അറിയിച്ചു.

മികച്ച താരങ്ങളെ നഷ്ടമാവുകയും പരിക്ക് അലട്ടിയതും ടീമിന്റെ പ്രകടനത്തെ കാര്യമായി ബാധിച്ചിരുന്നു. യൂറോപ്പ ലീഗ് നേടിയതും തുടർച്ചയായി മൂന്ന് തവണ ചാമ്പ്യൻസ് ലീഗ് യോഗ്യത നേടിതന്നതും ലോപ്പറ്റെഗിയെ ക്ലബ്ബിന്റെ ചാരിത്രത്തിൽ അടയാളപ്പെടുത്തുമെന്ന് സെവിയ്യ ഔദ്യോഗിക കുറിപ്പിൽ അറിയിച്ചു. മുൻ അർജന്റീന കോച്ച് ജോർജെ സംപോളി ആവും ക്ലബ്ബിന്റെ പുതിയ പരിശീലകൻ എന്നാണ് സൂചനകൾ. സേവിയ്യയെയും മുൻപ് ഇദ്ദേഹം പരിശീലിപ്പിച്ചിട്ടുണ്ട്.

ബെൽജിയൻ താരം അദ്നാൻ യനുസായിനെ ടീമിൽ എത്തിക്കാൻ സെവിയ്യയുടെ നീക്കം. റയൽ സോസിഡാഡുമായുള്ള കരാർ അവസാനിച്ചതോടെ ഫ്രീ ഏജന്റ് ആയ താരം പുതിയ തട്ടകം തേടിക്കൊണ്ടിരിക്കുകയായിരുന്നു. താരത്തിന്റെ മുൻ കോച്ച് കൂടിയായ മോയസ് യനുസായിനെ വെസ്റ്റ്ഹാമിലേക്ക് എത്തിക്കാൻ ശ്രമിക്കുന്നതായും കഴിഞ്ഞ ദിവസങ്ങളിൽ സൂചന ഉണ്ടായിരുന്നു. എന്നാൽ താരവുമായി സെവിയ്യ ചർച്ചകൾ നടത്തി വരുന്നതായി ഫാബ്രിസിയോ റൊമാനോ റിപ്പോർട്ട് ചെയ്യുന്നു. അടുത്ത ദിവസം തന്നെ താരത്തെ ടീമിലേക്ക് എത്തിക്കാൻ സാധിക്കും എന്ന പ്രതീക്ഷയിലാണ് സെവിയ്യ.

തങ്ങളുടെ വിങ്ങർ ലുകാസ് ഒകാമ്പോസിന് വേണ്ടി അയാക്സ് ശ്രമങ്ങൾ ആരംഭിച്ചതിന് പിറകെയാണ് യനുസായിനെ എത്തിക്കാൻ സെവിയ്യ ശ്രമങ്ങൾ ആരംഭിച്ചത് എന്നതും ശ്രദ്ധേയമാണ്. യുനൈറ്റഡിലേക്ക് ചേക്കേറിയ ആന്റണിക്ക് പകരക്കാരൻ ആയി അയാക്‌സ് കാണുന്ന താരമാണ് ഒകാമ്പോസ്. താരം ടീം വിടുകയാണെങ്കിൽ ഫ്രീ ഏജന്റ് ആയ യനുസായിനെ ട്രാൻസ്ഫർ വിൻഡോയുടെ അവസാന ദിവസങ്ങളിൽ വലിയ തലവേദന കൂടാതെ ടീമിൽ എത്തിക്കാൻ സാധിക്കും എന്നതും സെവിയ്യ പരിഗണിച്ചിരിക്കണം.

യുനൈറ്റഡിൽ നിന്നും 2016ൽ സോസിഡാഡിൽ എത്തിയ ശേഷം ടീമിനായി നൂറ്റിയിറുപത്തോളം മത്സരങ്ങൾ കളിച്ചിട്ടുണ്ട്. ഇതോടെ ഇരുപത്തിയേഴുകാരനായ താരത്തിന് ലാ ലീഗയിൽ തന്നെ തുടരാൻ ആവും.