Tag: Sevens

പെരിന്തൽമണ്ണ: നാൽപ്പത്തി ഒമ്പതാമത് ഖാദറലി ഫുട്ബോൾ ടൂർണമെന്റ് വളരെ വിജയകരമായി ഒന്നാം റൗണ്ട് പൂർത്തിയാക്കുകയും എന്നാൽ കോവിഡ് മഹാമാരി നമ്മുടെ സംസ്ഥാനത്ത് ഗാണ്ണ്യമായി വർധിച്ച സാഹചര്യത്തിൽ സംസ്ഥാന ഗവണ്മെന്റിന്റെയും ജില്ലാ കളക്ടറുടെയും പോലീസിന്റെയുമെല്ലാം നിർദേശാനുസരണം നിർത്തിവെക്കുകയും ചെയ്യേണ്ടി വന്നിരുന്നു.

എന്നാൽ കോവിഡ് ദിനംപ്രധി അധികരിക്കുന്ന സാഹചര്യത്തിൽ ഇനി ടൂർണമെന്റ് എന്ന് തുടങ്ങുമെന്ന് അറിയാൻ കഴിയാത്ത അവസ്ഥാവിശേഷം നില നിൽക്കുകയാണ് എന്നും അതുകൊണ്ട് തന്നെ ടൂർണമെന്റിനോട് സഹകരിച്ച് സീസൺ ടിക്കറ്റ് എടുത്ത നല്ലവരായ ഫുട്ബാൾ പ്രേമികൾക്ക്‌ ഖാദറലി ഫുട്ബോൾ ടൂർണമെന്റ് കമ്മിറ്റിയുടെ തീരുമാനപ്രകാരം അവരുടെ സീസൺ ടിക്കറ്റിന്റെ സാമ്പത്തിക വിഹിതം 1,2 (ചൊവ്വ, ബുധൻ) തിയ്യതികളിൽ രാവിലെ 10 മണി മുതൽ 5 മണി വരെ പട്ടാമ്പി റോട്ടിലെ ക്ലബ്‌ ഓഫീസിൽ വെച്ച് തിരിച്ച് നൽകും എന്നും ടൂർണമെന്റ് കമ്മിറ്റി അറിയിച്ചു.

സീസൺ ടിക്കറ്റുമായി അതാതു ആളുകൾ മാത്രം വന്നാൽ സാമ്പത്തികം വിഹിതം തിരിച്ച് നൽകുന്നതാണ് എന്ന് ടൂർണമെന്റ് കമ്മിറ്റി അറിയിച്ചു.

പെരിന്തൽമണ്ണ കാദറലി സെവൻസിന്റെ മൂന്നാം ദിവസം നടന്ന മത്സരത്തിൽ എ വൈ സി ഉച്ചാരക്കടവിന് വിജയം. ഇന്ന് അഭിലാഷ് കുപ്പൂത്തിനെ നേരിട്ട എ വൈ സി ഉച്ചാരക്കടവ് ഏകപക്ഷീയമായ മൂന്ന് ഗോളുകൾക്കാണ് വിജയിച്ചത്. മികച്ച താരങ്ങൾ ഇരു ഭാഗത്തും അണിനിരന്നിട്ടും മത്സരം ഏകപക്ഷീയമായത് കാണികളിൽ നിരാശ ഉണ്ടാക്കി. ഇരു ടീമുകളുടെയും സീസണിലെ ആദ്യ മത്സരമായിരുന്നു ഇത്. പെരിന്തൽമണ്ണയിൽ നാളെ നടക്കുന്ന മത്സരത്തിൽ ശാസ്ത മെഡിക്കൽസ് തൃശ്ശൂർ റിയൽ എഫ് സി തെന്നലയെ നേരിടും.

വിദേശ താരങ്ങൾ ഇല്ലായെങ്കിൽ ഫിഫാ മഞ്ചേരി പിറകിലേക്ക് പോകും എന്ന് പറഞ്ഞവർക്ക് വിജയത്തോടെ മറുപടി പറഞ്ഞിരിക്കുകയാണ് ഫിഫാ മഞ്ചേരി. ഇന്ന് പെരിന്തൽമണ്ണ കാദറലി അഖിലേന്ത്യാ സെവൻസിൽ ഫിഫാ മഞ്ചേരി കെ ആർ എസ് കോഴിക്കോടിനെ അനായാസം മറികടന്നു. എതിരില്ലാത്ത രണ്ടു ഗോളുകൾക്കായിരുന്നു ഫിഫാ മഞ്ചേരിയുടെ വിജയം. ഇന്ന് മത്സരം ആരംഭിച്ച് രണ്ടാം മിനുട്ടിൽ തന്നെ ഫിഫ മഞ്ചേരി ലീഡ് എടുത്തിരുന്നു. കെ ആർ എസ് കോഴിക്കോടിന് ഫിഫയ്ക്ക് മേൽ അധികം സമ്മർദ്ദം ഉയർത്താൻ ഇന്ന് ആയില്ല. ഫിഫയുടെ സീസണിലെ ആദ്യ മത്സരമായിരുന്നു ഇത്.

നാളെ പെരിന്തൽമണ്ണയിൽ നടക്കുന്ന മത്സരത്തിൽ എ വൈ സി ഉച്ചാരക്കടവ് അഭിലാഷ് കുപ്പൂത്തിനെ നേരിടും.

സെവൻസ് ഫുട്ബോൾ അസോസിയേഷൻ പാലക്കാട് ജില്ലാ കമ്മിറ്റി യോഗം ഇന്നലെ (നവംബർ 9) ഷൊർണ്ണൂർ ജ്വാല ക്ലബ്ബിൽ വെച്ച് ചേർന്നു. യോഗം SFA സംസ്ഥാന പ്രസിഡണ്ട് കെ എം ലെനിൻ ഉദ്ഘാടനം ചെയ്തു. SFA പാലക്കാട് ജില്ലാ പ്രസിഡണ്ട് ചേറുക്കുട്ടി മുഹമ്മദ് അദ്ധ്യക്ഷത വഹിച്ചു. SFA പാലക്കാട് ജില്ലാ ട്രഷറർ കൃഷ്ണൻ കുട്ടി, SFA സംസ്ഥാന ജോയിന്റ് സെക്രട്ടറി ജിംഖാന അൻവർ എന്നിവർ സംസാരിച്ചു. SFA പാലക്കാട് ജില്ലാ സെക്രട്ടറി വാഹീദ് കുപ്പൂത്ത് സ്വാഗതവും, SFA സംസ്ഥാന കമ്മിറ്റി അംഗം ഹാരീസ് ചെർപ്പുള്ളശ്ശേരി നന്ദിയും രേഖപ്പെടുത്തി.
സംസ്ഥാന സർക്കാരിന്റെ അനുമതി ലഭിക്കുകയാണെങ്കിൽ ഒറ്റപ്പാലം, മണ്ണാർക്കാട്, കുപ്പൂത്ത്, ചെർപ്പുള്ളശ്ശേരി, എടത്തനാട്ടുകര എന്നിവടങ്ങിൽ സെവൻസ് ഫുട്ബോൾ ടൂർണ്ണമെന്റുകൾ 2021 ഡിസംബർ മുതൽ , ആരംഭിക്കുവാൻ യോഗത്തിൽ തീരുമാനമായി. SFAയിൽ അഫിലേയ്റ്റ് ചെയ്ത ക്ലബ്ബുകളായ സോക്കർ ഷൊർണ്ണൂർ, അൽ മദീന ചെർപ്പുള്ളശ്ശേരി , FC കൂപ്പൂത്ത്, ലിൻഷ മണ്ണാർക്കാട് എന്നീ ടീമുകൾ ടൂർണ്ണമെന്റുകളുടെ ഭാഗമാകും