Tag: Sergio Rico

മുൻ പാരീസ് സെൻ്റ് ജെർമെയ്ൻ ഗോൾകീപ്പർ സെർജിയോ റിക്കോ ഖത്തർ ക്ലബ് അൽ ഗരാഫയിലേക്ക് ചേക്കേറാനൊരുങ്ങുകയാണ്. 2023 മെയ് മാസത്തിൽ മാരകമായ കുതിരസവാരി അപകടത്തെ അതിജീവിക്കുകയും കോമയിൽ ആവുകയും ചെയ്ത 31 കാരനായ സ്പെയിൻകാരൻ ഇപ്പോൾ ഫുട്ബോളിലേക്ക് മടങ്ങാൻ ഒരുങ്ങുകയാണ്.

അപകടം നടന്ന ശേഷം ഇതുവരെ അദ്ദേഹം ഫുട്ബോൾ കളിച്ചിട്ടില്ല. നിലവിൽ ആൻഡലൂഷ്യയിലുള്ള റിക്കോ, ഖത്തർ ലീഗിൽ നാലാമതുള്ള അൽ ഗരാഫയുമായി വിപുലമായ ചർച്ചകൾ നടത്തിവരികയാണെന്നാണ് റിപ്പോർട്ട്. ട്രാൻസ്ഫർ പൂർത്തിയാക്കാൻ അദ്ദേഹം ഉടൻ ദോഹയിലേക്ക് പറക്കുമെന്ന് പ്രതീക്ഷിക്കുന്നു. 2022 മെയ് മാസത്തിൽ മയ്യോർക്കയ്ക്ക് ആയി ലോണിൽ കളിച്ചതായിരുന്നു അദ്ദേഹത്തിൻ്റെ അവസാന പ്രൊഫഷണൽ പ്രകടനം.

പി എസ് ജി ഗോൾ കീപ്പർ സെർജിയോ റിക്കോയെ വീണ്ടും ആർട്ടിഫിഷൽ കോമയിൽ പ്രവേശിപ്പിച്ചു. കുതിരസവാരിക്ക് ഇടയിൽ ഉണ്ടായ അപകടത്തെത്തുടർന്ന് തലയ്ക്ക് ഗുരുതരമായി പരിക്കേറ്റ പാരീസ് സെന്റ്-ജെർമെയ്ൻ ഗോൾകീപ്പർ സെർജിയോ റിക്കോ ഇപ്പോഴും തീവ്രപരിചരണ വിഭാഗത്തിൽ തുടരുകയാണെന്ന് ആശുപത്രിയാറിയിച്ചു. സെഡേഷൻ വീണ്ടും നൽകിയതായും അദ്ദേഹം വീണ്ടും കോമയിൽ ആണെന്നും മെഡിക്കൽ റിപ്പോർട്ടിൽ പറയുന്നു.

രണ്ട് ദിവസം മുമ്പ് താരത്തെ സെഡേഷനിൽ നിന്ന് പൂർണ്ണമായും മാറ്റിയിരുന്നു. എന്നാൽ ആരോഗ്യ നില മോശമായതോടെ 29-കാരന് വീണ്ടും സെഡേഷൻ നൽകുകയും അദ്ദേഹം ആർട്ടിഫിഷൽ കോമയിലേക്ക് പോവുകയും ചെയ്തു. അദ്ദേഹത്തിന്റെ നില ഗുരുതരമായി തുടരുന്നുവെന്നു ആശുപത്രി അധികൃതർ സൂചിപ്പിച്ചു.

പിഎസ്‌ജിയുടെ അവസാന മത്സരത്തിൽ ഗോൾകീപ്പർക്ക് ആരാധകരും സഹതാരങ്ങളും പിന്തുണ അറിയിച്ചിരുന്നു. അന്ന് മത്സരത്തിന്റെ ആദ്യ പകുതിയിൽ കളിക്കാർ സെർജിയോ റിക്കോയുടെ ജേഴ്സി ധരിച്ചായിരുന്നു കളിച്ചിരുന്നത്. താരം പെട്ടെന്ന് തന്നെ ആരോഗ്യ നില വീണ്ടെടുക്കുമെന്നുള്ള പ്രതീക്ഷയിലാണ് ഫുട്ബോൾ ലോകം.

പി എസ് ജി ഗോൾ കീപ്പർ സെർജിയോ റിക്കോയ്ക്ക് അപകടം. ഇന്ന് സ്പെയിനിൽ ഒരു കുതിരയുമായി കൂട്ടിയിടിച്ച് തലയ്ക്ക് പരിക്കേറ്റതിനെ തുടർന്ന് പാരീസ് സെന്റ് ജെർമെയ്ൻ ഗോൾകീപ്പറെ ആശുപത്രിയിൽ പ്രവേശിപ്പിച്ചതായി മാർക്ക ഉൾപ്പെടെയുള്ള മാധ്യമങ്ങൾ റിപ്പോർട്ട് ചെയ്യുന്നു. താരം ഗുരുതരാവസ്ഥയിൽ ആണെന്നും ഐ സി യുവിൽ ആണ് ഇപ്പോൾ ഉള്ളത് എന്നും സ്പാനിഷ് മാധ്യമങ്ങൾ പറയുന്നു.

ഇന്നലെ രാത്രി സ്ട്രാസ്ബർഗിനെതിരെ സമനില നേടി പി എസ് ജി ലീഗ് 1 കിരീടം ഉറപ്പിച്ചപ്പോൾ ബെഞ്ചിൽ റിക്കോ ഉണ്ടായിരുന്നു. കിരീടം ജയിച്ചതിനാൽ ഇന്ന് കളിക്കാർക്ക് വിശ്രമം നൽകാൻ പി എസ് ജി തീരുമാനിച്ചിരുന്നു. അതിനാൽ തന്റെ ജന്മനാടായ സെവില്ലെയിലേക്ക് വന്നതായിരുന്നു റിക്കോ.

നിയന്ത്രണം ഭേദിച്ച് ഓടിവന്ന ഒരു കുതിര റിക്കോ ഓടിച്ചിരുന്ന കുതിരയുമായി കൂട്ടിയിടിച്ചാണ് അദ്ദേഹത്തിന് പരിക്കേറ്റത്. 29കാരനായ ഉടൻ തന്നെ ആശുപത്രിയിലേക്ക് കൊണ്ടുപോയി. സ്പാനിഷ് ഇന്റർനാഷണൽ 2019ൽ ആയി പി എസ് ജിയിൽ എത്തിയത്. ക്ലബിനായി 24 മത്സരങ്ങൾ കളിച്ചിട്ടുണ്ട്.