Tag: Sergio Ramos

ക്രിസ്റ്റ്യാനോ റൊണാൾഡോയെ സ്വന്തമാക്കി സൗദി അറേബ്യൻ ക്ലബായ അൽ നാസർ കൂടുതൽ വലിയ സൈനിംഗുകൾ നടത്താനുള്ള ശ്രമങ്ങൾ തുടരുന്നു. അവർ അടുത്തതായി ലക്ഷ്യമിടുന്നത് പി എസ് ജി താരം സെർജിയോ റാമോസിനെ ആണ്. മുമ്പ് റാമോസും ക്രിസ്റ്റ്യാനോ റൊണാൾഡോയും ഒമ്പത് വർഷത്തോളം റയൽ മാഡ്രിഡിൽ ഒരുമിച്ചു കളിച്ചിട്ടുണ്ട്. റാമോസിനെ വരുന്ന സമ്മറിൽ പി എസ് ജിയിൽ നിന്ന് സ്വന്തമാക്കാൻ ആകും എന്ന് അൽ നാസർ ഉടമകൾ വിശ്വസിക്കുന്നു.

അൽ നാസറിന്റെ ലക്ഷ്യം വെറും റാമോസ് മാത്രമല്ല. അവർ ലൂക മോഡ്രിചിന് മുന്നിലും ഓഫർ വെച്ചിട്ടുണ്ട്. എന്നാൽ ലൂക മോഡ്രിച് അൽ നാസറിന്റെ ഓഫർ നിരസിച്ചതായി മാഴ്സ റിപ്പോർട്ട് ചെയ്യുന്നു. മോഡ്രിച് റയൽ മാഡ്രിഡിൽ തന്നെ തുടരാൻ ആണ് ആഗ്രഹിക്കുന്നത്. റയൽ മാഡ്രിഡ് വിടുമ്പോൾ മോഡ്രിച് വിരമിക്കുകയും ചെയ്യും.

ഈ സീസൺ അവസാനം ബാഴ്സലോണ വിടും എന്ന് പ്രതീക്ഷിക്കപ്പെടുന്ന സെർജിയോ ബുസ്കറ്റ്സിനെ സ്വന്തമാക്കാനും അൽ നാസർ ശ്രമിക്കും. റൊണാൾഡോക്ക് ചുറ്റും വലിയ ടീമിനെ തന്നെ ഒരുക്കാൻ ആണ് അവർ ആഗ്രഹിക്കുന്നത്.

റയൽ മാഡ്രിഡ് ക്യാപ്റ്റൻ സെർജിയോ റാമോസ് ബലോൺ ഡി ഓർ പുരസ്‌കാരം അർഹിക്കുന്നുണ്ടെന്ന് മുൻ റയൽ മാഡ്രിഡ് താരവും പോർച്ചുഗൽ താരവുമായിരുന്ന ലൂയിസ് ഫിഗോ. അതെ സമയം പ്രതിരോധ താരങ്ങൾ ബലോൺ ഡി ഓർ പുരസ്‌കാരം ജയിക്കാൻ കുറച്ചധികം പ്രയാസപ്പെടേണ്ടി വരുമെന്നും ഫിഗോ പറഞ്ഞു.

പ്രതിരോധ താരങ്ങൾ ബലോൺ ഡി ഓർ പുരസ്‌കാരം നേടുകയെന്നത് ബുദ്ധിമുട്ടുള്ള കാര്യമാണ്. എന്നാൽ മുൻ ഇറ്റാലിയൻ താരം കന്നവരോ അത് സാധിച്ചെടുത്തിരുന്നെന്നും ഫിഗോ പറഞ്ഞു. ഓരോ വർഷത്തെയും സന്ദർഭത്തിന് അനുസരിച്ചാണ് ബലോൺ ഡി ഓർ വിജയിക്കാനാവുകയെന്നും റാമോസ് അത് അർഹിച്ചിരുന്നെന്നും ഫിഗോ പറഞ്ഞു.

റയൽ മാഡ്രിഡിന്റെ കൂടെ തുടർച്ചയായി മൂന്ന് ചാമ്പ്യൻസ് ലീഗ് കിരീടങ്ങൾ റാമോസ് നേടിയിരുന്നു. റയൽ മാഡ്രിഡിൽ റാമോസിന്റെ സഹ താരമായിരുന്ന ലുക്കാ മോഡ്രിച്ചാണ് കഴിഞ്ഞ വർഷം ബലോൺ ഡി ഓർ ജേതാവായത്. ലോകകപ്പിൽ ക്രോയേഷ്യയെ ഫൈനലിൽ എത്തിച്ച പ്രകടനവും റയൽ മാഡ്രിഡിനെ ചാമ്പ്യൻസ് ലീഗ് കിരീടം നേടികൊടുത്തതുമാണ് മോഡ്രിച്ചിനെ ബലോൺ ഡി ഓർ വിജയിയാക്കിയത്.