Tag: Sandesh Jhingan

സന്ദേശ് ജിങ്കന് പരിക്ക്. താരം ദീർഘകാലം പുറത്തിരിക്കും എന്ന് എഫ് സി ഗോവ ഇന്ന് അറിയിച്ചു. 2023ലെ എഎഫ്‌സി ഏഷ്യൻ കപ്പിൽ ഇന്ത്യക്ക് ആയി കളിക്കുന്നതിന് ഇടയിൽ ആണ് ഡിഫൻഡർ സന്ദേശ് ജിങ്കന് പരിക്കേറ്റത്. വലതു കാൽമുട്ടിന് ഏറ്റ പരിക്ക് സാരമുള്ളതാണ്. ഈ സീസൺ അവസാനം വരെ ജിങ്കൻ പുറത്തിരിക്കും എന്നാണ് സൂചനകൾ.

എഫ് സി ഗോവയെ സംബന്ധിച്ചെടുത്തോളം ഇത് വലിയ തിരിച്ചടിയാണ്‌. ഈ സീസണിൽ 10 ഐ എസ് എൽ മത്സരങ്ങൾ കളിച്ച ജിങ്കൻ 6 ക്ലീൻ ഷീറ്റ് സ്വന്തമാക്കിയിരുന്നു. ജിങ്കന് പകരം ഗോവ പുതിയ ഡിഫൻഡറെ സൈൻ ചെയ്യും എന്നാണ് സൂചന.

കേരളത്തോട് തനിക്ക് എന്നും സ്നേഹം ആണെന്നും എനിക്ക് അവിടെ നിന്ന് ഒരുപാട് സ്നേഹം കിട്ടിയിട്ടുണ്ട് എന്നും സന്ദേശ് ജിങ്കൻ. ഇപ്പോൾ താനും കേരള ബ്ലാസ്റ്റേഴ്സ് ആരാധകരും തമ്മിലുള്ള ബന്ധം അത്ര നല്ലതല്ല. അത് ഞാൻ മനസ്സിലാക്കുന്നു എന്നും തന്റെ ഭാഗത്ത് തെറ്റുണ്ട് എന്നും താരം പറഞ്ഞു. ഇന്ത്യൻ സൂപ്പർ ലീഗിന് നൽകിയ അഭിമുഖത്തിലാണ് ജിങ്കൻ കേരള ബ്ലാസ്റ്റേഴ്സിനെ കുറിച്ച് സംസാരിച്ചത്. കേരള ബ്ലാസ്റ്റേഴ്സ് വിട്ട ശേഷം ജിങ്കൻ ബ്ലാസ്റ്റേഴ്സിനെതിരെ ഒരു മത്സര ശേഷം നടത്തിയ കമന്റ് വലിയ വിവാദമായിരുന്നു. അന്ന് മുതൽ ജിങ്കനും ബ്ലാസ്റ്റേഴ്സ് ആരാധകരും തമ്മിൽ നല്ല ബന്ധമല്ല ഉള്ളത്.

“ഓരോ തവണയും ഞാൻ കൊച്ചി സ്റ്റേഡിയത്തിൽ കാലുകുത്തുമ്പോൾ എനിക്ക് ലഭിച്ച സ്നേഹം ഓർമ്മ വരും, ഇപ്പോൾ തീർച്ചയായും ആ ബന്ധത്തിൽ മാറ്റമുണ്ട്, പക്ഷേ ഇപ്പോഴും എനിക്ക് വ്യക്തിപരമായി ആ നഗരത്തെ ഇഷ്ടമാണ്, എന്റെ അമ്മ കേരളത്തെ സ്നേഹിക്കുന്നു, പക്ഷേ ആ ബന്ധം തകർന്നത് എന്റെ തെറ്റാണെന്ന് ഞാൻ മനസ്സിലാക്കുന്നു, അത് ഞാൻ പറയരുതായിരുന്നു. ആ വാക്ക് ഞാൻ പറയരുതായിരിന്നു. എന്റെ തെറ്റ് അംഗീകരിക്കുന്നു” – ജിങ്കൻ പറഞ്ഞു.

താൻ ദൈവമല്ല എന്നും മനുഷ്യനാണെന്നും തെറ്റ് പറ്റാം എന്നും അദ്ദേഹം പറഞ്ഞു. അദ്ദേഹം ബ്ലാസസ്റ്റേഴ്സിനൊപ്പം ഉള്ള നല്ല ഓർമ്മകളും അഭിമുഖത്തിൽ പങ്കുവെച്ചു.

“എനിക്ക് കേരള ബ്ലാസ്റ്റേഴ്സിനൊപ്പം നല്ല ഓർമ്മകളുണ്ടായിരുന്നു. അന്ന് ഞാൻ റൈറ്റ് ബാക്ക് ആയി കളിക്കാറുണ്ടായിരുന്നു, ഞങ്ങളുടെ ടീമിൽ നിന്ന് ഒരാൾ അന്ന് ഒരു ഗോൾ നേടി, അക്ഷരാർത്ഥത്തിൽ എനിക്ക് ഒരു ഭൂകമ്പം സ്റ്റേഡിയത്തുൽ അനുഭവപ്പെട്ടു. എന്നെപ്പോലെയുള്ള 21 വയസ്സുകാരന് അത് അത്ഭുതകരമായ കാര്യമായിരുന്നു.” അദ്ദേഹം പറഞ്ഞു.

കേരള ബ്ലാസ്റ്റേഴ്സ് നാളെ ബെംഗളൂരു എഫ് സിയെ നേരിടുമ്പോൾ കേരള ബ്ലാസ്റ്റേഴ്സ് ആരാധകരിൽ നിന്ന് ഏറെ പ്രതിഷേധങ്ങൾ നേരിടാൻ പോകുന്നത് ജിങ്കൻ ആകും. ക്ലബ് വിട്ട ശേഷം ജിങ്കൻ കേരള ബ്ലാസ്റ്റേഴ്സിനെ നടത്തിയ പരാമർശങ്ങൾ ക്ലബിന്റെ ആരാധകർ മറന്നു കാണില്ല. ജിങ്കൻ നാളെ വീണ്ടും കൊച്ചിയിൽ എത്തുന്നത് കൊണ്ട് തന്നെ ജിങ്കനെ കുറിച്ച് ഇന്ന് പരിശീലകൻ ഇവാൻ വുകമാനോവിചിനോട് ചോദ്യങ്ങൾ ഉയർന്നു.

ജിങ്കനെ നേരിടുന്നതിനെ കുറിച്ച് ചർച്ചകൾ നടന്നിരുന്നോ എന്നായിരുന്നു ചോദ്യം. എന്നാൽ ജിങ്കനെ കുറിച്ച് പ്രത്യേകിച്ച് ഒരു ചർച്ചയും നടന്നില്ല എന്ന് കോച്ച് പറഞ്ഞു. ഞങ്ങൾ ഒരു താരത്തെയല്ല നേരിടുന്നത് എന്നും ഒരു ടീമിനെ ആണെന്നും കോച്ച് പറഞ്ഞു. ജിങ്കൻ അവരുടെ പ്രധാന താരമാണ് എന്ന് ഞങ്ങൾക്ക് അറിയാം. അദ്ദേഹം ഇന്ത്യൻ ടീമിലെയും പ്രധാന താരമാണ്. ജിങ്കനും കേരള ബ്ലാസ്റ്റേഴ്സിനും ഇടയിൽ സംഭവിച്ചത് എല്ലാം കഴിഞ്ഞു പോയതാണ്. അതിൽ ശ്രദ്ധ കൊടുക്കുന്നില്ല. നാളെ മികച്ച പ്രകടനം നടത്തി ആരാധകർക്ക് വിരുന്ന് ഒരുക്കുന്നതിൽ ആണ് ടീമിന്റെ ശ്രദ്ധ എന്നും ഇവാൻ പറഞ്ഞു.

ബെംഗളൂരു എഫ് സിയിൽ എത്തിയ ശേഷം ഇതാദ്യമായാണ് ജിങ്കൻ ബ്ലാസ്റ്റേഴ്സിനെ നേരിടുന്നത്. കേരള ബ്ലാസ്റ്റേഴ്സിന്റെ പ്രധാന വൈരികൾക്ക് ഒപ്പം ജിങ്കൻ എത്തുമ്പോൾ ആരാധകരിൽ നിന്ന് വലിയ രീതിയിൽ ഉള്ള ചാന്റ്സുകൾ പ്രതീക്ഷിക്കാം.