നേപ്പാള് സ്പിന് ബൗളര് സന്ദീപ് ലാമിച്ചാനെ ബിഗ് ബാഷ് ലീഗിലേക്ക്. ഐപിഎലില് ഡല്ഹിയ്ക്ക് വേണ്ടിയും കരീബിയന് പ്രീമിയര് ലീഗില് സെയിന്റ് കിറ്റ്സ് ആന്ഡ് നെവിസ് പാട്രിയറ്റ്സിനു വേണ്ടിയും കളിച്ച താരം ബിഗ് ബാഷില് മെല്ബേണ് സ്റ്റാര്സിനു വേണ്ടിയാവും കളിക്കുക. ഡിസംബര് പത്തിനു സ്റ്റാര്സിനു വേണ്ടി കളിക്കാന് ഓസ്ട്രേലിയയില് എത്തുന്ന താരം സീസണ് മുഴുവനുണ്ടാകില്ല. ജനുവരി 5നു അരംഭിക്കുന്ന ബംഗ്ലാദേശ് പ്രീമിയര് ലീഗില് സില്ഹെറ്റ് സിക്സേഴ്സിനു വേണ്ടി കളിക്കുവാനായി താരം ഓസ്ട്രേലിയയില് നിന്ന് മടങ്ങും.
എന്നാല് ഫെബ്രുവരിയില് താരം തിരികെ ബിഗ് ബാഷിലേക്ക് എത്തും. സന്ദീപ് ബംഗ്ലാദേശ് പ്രീമിയര് ലീഗില് കളിക്കുമ്പോള് പകരം താരമായി ലാങ്കാഷയറിന്റെ മാറ്റ് പാര്ക്കിന്സണ് മെല്ബേണ് സ്റ്റാര്സിലെത്തും. ടി20 ഫ്രാഞ്ചൈസി ക്രിക്കറ്റ് ലോകത്തെ സ്ഥിരം സാന്നിധ്യമായി മാറുകയാണ് ഈ നേപ്പാള് യുവ താരം.
