Tag: Sam Kerr

വനിത ലോകകപ്പിൽ ആതിഥേയരായ ഓസ്‌ട്രേലിയക്ക് വമ്പൻ തിരിച്ചടി. അവരുടെ സൂപ്പർ താരവും ക്യാപ്റ്റനും ആയ സാം കെർ ആദ്യ രണ്ടു ഗ്രൂപ്പ് മത്സരങ്ങൾ കളിക്കില്ല എന്നു അവർ അറിയിച്ചു. പരിശീലനത്തിന് ഇടയിൽ കാഫിന് പരിക്കേറ്റത് ആണ് താരത്തിന് വിനയായത്.

ലോകത്തിലെ തന്നെ ഏറ്റവും മികച്ച താരങ്ങളിൽ ഒരാൾ ആയ ചെൽസി താരത്തിന്റെ അഭാവം ഓസ്‌ട്രേലിയക്ക് വലിയ നഷ്ടം ആണ്. ഇന്ന് 3.30 നു നടക്കുന്ന ഗ്രൂപ്പ് ബിയിലെ ആദ്യ മത്സരത്തിൽ അയർലന്റ് ആണ് ഓസ്‌ട്രേലിയയുടെ ആദ്യ എതിരാളികൾ. ഈ മത്സരവും 27 നു നടക്കുന്ന നൈജീരിയക്ക് എതിരായ മത്സരവും ഇതോടെ സാം കെറിനു നഷ്ടമാകും.

വനിതാ സൂപ്പർ ലീഗ് ചാമ്പ്യൻമാരായ ചെൽസി ഓസ്‌ട്രേലിയൻ ഫോർവേഡ് സാം കെറുമായി പുതിയ കരാർ ഒപ്പുവെച്ചു. രണ്ട് വർഷത്തെ കരാറിൽ ആണ് താരം ഒപ്പുവച്ചത്. 28കാരിയായ കെർ ചെൽസിക്കായി ഇതുവരെ 47 മത്സരങ്ങൾ കളിച്ചിട്ടുണ്ട്. 39 ഗോളുകൾ താരം ഈ കുറച്ച് മത്സരങ്ങളിൽ നിന്ന് നേടി.

2019 നവംബറിൽ രണ്ടര വർഷത്തെ കരാറിൽ ആയിരുന്നു കെർ ചെൽസിയിലേക്ക് എത്തിയത്. ചെൽസിക്ക് ഒപ്പം രണ്ടു WSL കിരീടങ്ങൾ നേടിയ താരം‌ കഴിഞ്ഞ തവണ ചെൽസിയെ ചാമ്പ്യൻസ് ലീഗിൽ എത്തിക്കുന്നതിൽ വലിയ പങ്കുവഹിച്ചിരുന്നു. ലോകത്തെ ഏറ്റവും കൂടുതൽ പ്രതിഫലം വാങ്ങുന്ന വനിതാ ഫുട്ബോൾ താരങ്ങളിൽ ഒരാളായി ഈ പുതിയ കരാറോടെ കെർ മാറും