Tag: Saff u17

കൊളംബോ: SAFF അണ്ടർ-17 ചാമ്പ്യൻഷിപ്പ് കിരീടം ഇന്ത്യയുടെ അണ്ടർ-17 പുരുഷ ഫുട്ബോൾ ടീമിന്. ശനിയാഴ്ച കൊളംബോയിൽ നടന്ന ആവേശകരമായ ഫൈനലിൽ ബംഗ്ലാദേശിനെയാണ് യുവ ഇന്ത്യൻ താരങ്ങൾ തോൽപ്പിച്ചത്. നിശ്ചിത സമയത്തും അധിക സമയത്തും ഇരുടീമുകളും 2-2 സമനില പാലിച്ചതോടെ മത്സരം പെനാൽറ്റി ഷൂട്ടൗട്ടിലേക്ക് നീങ്ങുകയായിരുന്നു. പെനാൽറ്റിയിൽ 4-1 ന് വിജയിച്ചാണ് ഇന്ത്യ തങ്ങളുടെ ഏഴാം SAFF അണ്ടർ-17 കിരീടം നേടിയത്.

നാലാം മിനിറ്റിൽ ദല്ലാൽമുൻ ഗാങ്‌ടെ നേടിയ ഗോളിലൂടെ ഇന്ത്യ മുന്നിലെത്തി. പിന്നീട് മുഹമ്മദ് മണിക്ക് നേടിയ ഗോളിലൂടെ ബംഗ്ലാദേശ് സമനില പിടിച്ചെങ്കിലും, ആദ്യ പകുതി അവസാനിക്കുന്നതിന് തൊട്ടുമുമ്പ് അസ്‌ലാൻ ഷാ ഖാൻ വീണ്ടും ഗോൾ നേടി ഇന്ത്യയ്ക്ക് ലീഡ് തിരികെ നൽകി. കളി അവസാനിപ്പിക്കാൻ ലഭിച്ച അവസരങ്ങൾ ഇന്ത്യ പാഴാക്കിയപ്പോൾ, 97-ാം മിനിറ്റിൽ ഇഹ്‌സാൻ ഹബീബ് റിദ്വാൻ നേടിയ സമനില ഗോളിലൂടെ ബംഗ്ലാദേശ് മത്സരം കൂടുതൽ നാടകീയമാക്കി.

എങ്കിലും, പെനാൽറ്റി ഷൂട്ടൗട്ടിൽ യുവ ‘ബ്ലൂ കോൾട്‌സ്’ തങ്ങളുടെ മനസ്സാന്നിധ്യം കൈവിട്ടില്ല. ഗാങ്‌ടെ, കൊറോ മെയ്‌തേയ് കോന്തൗജം, ഇന്ദ്ര റാണ മാഗർ, ശുഭം പൂനിയ എന്നിവരെല്ലാം പെനാൽറ്റി ലക്ഷ്യത്തിലെത്തിച്ചു. ഗോൾകീപ്പർ മനഷ്ജ്യോതി ബറുവ ബംഗ്ലാദേശിന്റെ ഒരു ശ്രമം രക്ഷിക്കുകയും മറ്റൊന്ന് ക്രോസ് ബാറിൽ തട്ടിത്തെറിക്കുകയും ചെയ്തതോടെ ഇന്ത്യ വിജയം ഉറപ്പിച്ചു.
പരിശീലകൻ ബിബിയാനോ ഫെർണാണ്ടസിന് ഈ വിജയം മൊത്തത്തിൽ അഞ്ചാമത്തെ SAFF കിരീടവും ഈ വർഷം അണ്ടർ-19 വിജയം നേടിയ ശേഷം അഞ്ചുമാസത്തിനുള്ളിൽ ലഭിക്കുന്ന രണ്ടാമത്തെ കിരീടവുമാണ്.

സാഫ് അണ്ടർ 17 വനിതാ ചാമ്പ്യൻഷിപ്പ് 2025-ൽ ഭൂട്ടാനെതിരെ തകർപ്പൻ ജയവുമായി ഇന്ത്യൻ വനിതാ ടീം. ഞായറാഴ്ച തിംഫുവിലിൽ നടന്ന മത്സരത്തിൽ ആതിഥേയരായ ഭൂട്ടാനെ എതിരില്ലാത്ത 8 ഗോളുകൾക്കാണ് ഇന്ത്യ തകർത്തത്. ഇന്ത്യയ്ക്ക് വേണ്ടി അനുഷ്ക കുമാരി ഹാട്രിക് നേടി (53’, 61’, 73’).

അഭിസ്ത ബസ്നെറ്റ് (23’, 89’) രണ്ട് ഗോളുകൾ നേടിയപ്പോൾ പേൾ ഫെർണാണ്ടസ് (71’), ദിവ്യാനി ലിൻഡ (77’), വലൈന ഫെർണാണ്ടസ് (90+2’) എന്നിവരും ഓരോ ഗോൾ നേടി.

ഈ വിജയത്തോടെ, മൂന്ന് മത്സരങ്ങളിൽ നിന്ന് മൂന്ന് വിജയങ്ങൾ നേടിയ ഇന്ത്യ തങ്ങളുടെ മികച്ച പ്രകടനം തുടരുകയാണ്. 17 ഗോളുകൾ നേടിയ ഇന്ത്യൻ പെൺകുട്ടികൾ ഒരു ഗോൾ പോലും വഴങ്ങിയിട്ടില്ല. ഒൻപത് പോയിൻ്റുമായി പോയിന്റ് പട്ടികയിൽ ഒന്നാം സ്ഥാനത്തുള്ള അവർ കിരീടം നേടാനുള്ള സാധ്യത വർദ്ധിപ്പിക്കുന്നു.

ഭൂട്ടാനിലെ തിംഫുവിൽ നടന്ന ഫൈനലിൽ ബംഗ്ലാദേശിനെ 2-0ന് തോൽപ്പിച്ച് ഇന്ത്യ SAFF U17 ചാമ്പ്യൻഷിപ്പ് 2024 കിരീടം ഉറപ്പിച്ചു. ഗോൾ രഹിതമായ ആദ്യ പകുതിക്ക് ശേഷം, 58-ാം മിനിറ്റിൽ, ഒരു കോർണറിൽ നിന്ന് മുഹമ്മദ് കൈഫ് ഒരു കൃത്യമായ ഹെഡ്ഡറിലൂടെ ഗോൾ നേടി. 95-ാം മിനിറ്റിൽ എംഡി അർബാഷ് വിജയം ഉറപ്പിച്ച രണ്ടാം ഗോൾ നേടി.

ആദ്യ പകുതിയിലുടനീളം അത്യന്തം പ്രതിരോധാത്മക സമീപനത്തോടെ കളിച്ച ബംഗ്ലാദേശ് അവസരങ്ങൾ സൃഷ്ടിക്കാൻ കിണഞ്ഞു പരിശ്രമിച്ചു. 67-ാം മിനിറ്റിൽ ഏതാണ്ട് സമനില പിടിച്ചു. എന്നാൽ, ഇന്ത്യയുടെ ഗോൾകീപ്പർ അഹിബാം സൂരജ് സിംഗ് നിർണായക സേവ് നടത്തി. SAFF U17 ചാമ്പ്യൻഷിപ്പിൽ ഇന്ത്യയുടെ Md Arbash പ്ലെയർ ഓഫ് ദ ടൂർണമെൻ്റായി തിരഞ്ഞെടുക്കപ്പെട്ടു, അതേസമയം Aheibam Suraj Singh ടൂർണമെൻ്റിലെ മികച്ച ഗോൾകീപ്പർ ബഹുമതി നേടി.

സാഫ് അണ്ടർ 17 കിരീടം ഇന്ത്യ നിലനിർത്തി. ഇന്ന് നടന്ന ഫൈനലിൽ നേപ്പാളിനെ എതിരില്ലാത്ത നാലു ഗോളുകൾക്ക് തോൽപ്പിച്ച് ആണ് ഇന്ത്യ കിരീടം സ്വന്തമാക്കിയത്.17ആം മിനുട്ടിൽ ആയിരുന്നു ആദ്യ ഗോൾ വന്നത്.

റിക്കി മീതേയുടെ പാസ് വൻലാൽപെക ഗുയ്റ്റെയിൽ എത്തുന്നു‌. താരം അത് ഫാർ പോസ്റ്റിൽ മാർക്ക് ചെയ്യപ്പെടാതെ കിടക്കുന്ന ബോബി സിംഗിന് കൈമാറി. ബോബി സിംഗ് പന്ത് ലക്ഷ്യത്തിൽ എത്തിച്ചു. 30ആം മിനുട്ടിൽ വീണ്ടും ഗുയ്റ്റെ ഒരു ഗോൾ ഒരുക്കി. ഇത്തവണ കൊറോ ആണ് ഗോൾ നേടിയത്. രണ്ടാം പകുതിയിൽ ഗുയ്റ്റെ ഒരു ഗോൾ നേടുകയും കൂടെ ചെയ്തതോടെ ഇന്ത്യയുടെ ലീഡ് മൂന്ന് ആയി.

അവസാനം 94ആം മിനുട്ടിൽ അമൻ കൂടെ ഗോൾ നേടിയതോടെ വിജയവും കിരീടവും ഉറപ്പായി.

SAFF U17 ടൂർണമെന്റിൽ ഇന്ത്യ ഫൈനലിൽ‌

സാഫ് U17 ടൂർണമെന്റിൽ ഇന്ത്യ ഫൈനലിൽ‌. ഇന്ന നടന്ന മത്സരത്തിൽ ബംഗ്ലാദേശിനെ ഒന്നിനെതിരെ രണ്ടു ഗോളുകൾക്ക് തോൽപ്പിച്ച് ആണ് ഇന്ത്യ ഫൈനൽ ഉറപ്പിച്ചത്. ഗാങ്തെയുടെ ഇരട്ട ഗോളുകൾ ആണ് ഇന്ത്യക്ക് ജയം നൽകിയത്. 51, 59 മിനുട്ടുകളിൽ ആയിരുന്നു ഗാങ്തെയുടെ ഗോളുകൾ. ഒരു പെനാൾട്ടിയിൽ നിന്ന് ഇസ്ലാമിലൂടെ ഒരു ഗോൾ ബംഗ്ലാദേശ് മടക്കി എങ്കിലും ഇന്ത്യ വിജയിച്ചു.

മത്സരം ജയിച്ചു എങ്കിലും ഇന്ത്യയുടെ പ്രകടനം അത്ര ഭേദമായിരുന്നില്ല. കഴിഞ്ഞ മത്സരത്തിൽ നേപ്പാളിനോട് പരാജയപ്പെട്ട ഇന്ത്യക്ക് ഫൈനലിൽ ഇതിനേക്കാൾ ഭേദപ്പെട്ട പ്രകടനം നടത്തിയാലെ കിരീടം ഉറപ്പിക്കാൻ ആവുകയുള്ളൂ.

ഒരൊന്നൊന്നര ഗിഫ്റ്റ്! കല്യാണ സമ്മാനമായി കേരള ബ്ലാസ്റ്റേഴ്സ് ക്ലബിന്റെ സീസൺ ടിക്കറ്റ്

മാച്ച് റിപ്പോർട്ട് By AIFF