Tag: SAFF U16

അണ്ടർ 16 സാഫ് കപ്പ് ഫൈനലിൽ ഇന്ത്യ ബംഗ്ലാദേശിനോട് പരാജയപ്പെട്ടു. പെനാൽറ്റി ഷൂട്ടൗട്ട് വരെ നീണ്ടുനിന്ന മത്സരത്തിനൊടുവിൽ ആയിരുന്നു ഇന്ത്യയുടെ പരാജയം. നിശ്ചിത സമയത്ത് സ്കോർ 1-1 എന്നായിരുന്നു. തുടർന്ന് കളി പെനാൽറ്റി ഷൂട്ടൗട്ടിൽ എത്തിയപ്പോൾ 3-2ന് ബംഗ്ലാദേശ് വിജയിച്ചു കിരീടം നേടി.

ഇന്ന് നാലാം മിനിറ്റിൽ അനുഷ്ക കുമാരിയിലൂടെ ഇന്ത്യ ലീഡ് എടുത്തിരുന്നു. രണ്ടാം പകുതിയിൽ എഴുപതാം മിനിറ്റിൽ ഒരു സെൽഫ് ഗോളിലൂടെ ബംഗ്ലാദേശ് സമനില കണ്ടെത്തി. തുടർന്നാണ് കളി ഷൂട്ടൗട്ടിലേക്ക് എത്തിയത്. നേരത്തെ ഗ്രൂപ്പ് ഘട്ടത്തിലും ഇന്ത്യ ബംഗ്ലാദേശിന് മുന്നിൽ പരാജയപ്പെട്ടിരുന്നു

അണ്ടർ 16 സാഫ് കപ്പിൽ ഇന്ത്യക്ക് പരാജയം. ഇന്ന് ഇന്ത്യയുടെ പെൺകുട്ടികൾ ബംഗ്ലാദേശിനെ നേരിട്ട് 3-1 ന്റെ പരാജയമാണ് എറ്റുവാങ്ങിയത്‌. ടൂർണമെന്റിലെ ഈ എഡിഷനിലെ ഇന്ത്യയുടെ ആദ്യ പരാജയമാണിത്‌ ആദ്യ മത്സരത്തിൽ ഇന്ത്യ ഭൂട്ടാനെ വലിയ സ്കോറിന് പരാജയപ്പെടുത്തിയിരുന്നു.

ഇന്ന് ആദ്യപകുതിയിൽ ഒമ്പതാം മിനിറ്റിൽ ആൽബി അക്തറിലൂടെ ബംഗ്ലാദേശ് ലീഡെടുത്തു. ആദ്യപകുതിയിൽ അവർ 1-0 എന്ന ലീഡ് തുടർന്നു. രണ്ടാം പകുതിയുടെ തുടക്കത്തിൽ ഇന്ത്യക്ക് ഒരു ഗോൾ തിരിച്ചടിച്ച് സമനില നേടാനായി. 55ആൻ മിനിറ്റിൽ അനുഷ്ക കുമാരിയാണ് ഇന്ത്യക്കായി സമനില നേടിയത്‌. എന്നാൽ ഈ സമനിലക്ക് ശേഷം ഇന്ത്യ കളി മറന്നു‌. മികച്ച പ്രകടനം കാഴ്ചവച്ച ബംഗ്ലാദേശ് 78ആം മിനിറ്റിൽ സൗരവി പ്രീതിയിലൂടെ വീണ്ടും ലീഡ് എടുത്തു. 89ആം മിനിറ്റിൽ അർപ്പിത കൂടെ ഗോൾ നേടിയതോടെ ബംഗ്ലാദേശിന്റെ വിജയം പൂർത്തിയായി.

ഇനി ഇന്ത്യ മാർച്ച് 7ന് നേപ്പാളിനെ നേരിടും

സാഫ് അണ്ടർ 16 പെൺകുട്ടികളുടെ ചാമ്പ്യൻഷിപ്പിൽ ആദ്യ മത്സരത്തിൽ ഇന്ത്യക്ക് വലിയ വിജയം. ഭൂട്ടാനെ നേരിട്ട ഇന്ത്യ എതിരില്ലാത്ത ഏഴു ഗോളുകൾക്ക് ആണ് വിജയിച്ചത്. ആദ്യ പകുതിയിൽ തന്നെ ഇന്ത്യ 6 ഗോളുകൾക്ക് മുന്നിൽ എത്തി. അനുഷ്ക ഇന്ത്യക്ക് ആയി ഹാട്രിക്ക് നേടി.

17, 27, 40 മിനുട്ടുകളിൽ ആയിരുന്നു അനുഷ്കയുടെ ഗോളുകൾ. പേൾ ഫെർണാണ്ടസ് രണ്ടു ഗോളുകളും ശിവേത റാണി,അന്വിത രഗുരാമൻ എന്നിവർ ഒരോ ഗോൾ വീതവും നേടി.