കൊളംബിയയിൽ നടക്കുന്ന അണ്ടര് 20 ലോക അത്ലറ്റിക്സ് ചാമ്പ്യന്ഷിപ്പ്സിൽ വെങ്കലം നേടി ഇന്ത്യയുടെ രുപാൽ ചൗധരി. 51.85 സമയം ക്ലോക്ക് ചെയ്താണ് താരം ഈ നേട്ടം സ്വന്തമാക്കിയത്.
താരത്തിന്റെ പേഴ്സണൽ ബെസ്റ്റ് സമയം ആണ് ഇത്. ബ്രിട്ടന്റെ യെമി മേരി ജോൺ ആണ് 51.50 സമയത്തിന് സ്വര്ണ്ണം കരസ്ഥമാക്കിയത്. 51.71 എന്ന സമയം കുറിച്ച് കെനിയയുടെ ദമാരിസ് മുടുംഗ വെള്ളി മെഡലും നേടി.
അണ്ടര് 20 ലോക അത്ലറ്റിക്സ് ചാമ്പ്യന്ഷിപ്പ്സിൽ വനിതകളുടെ 400 മീറ്റര് ഓട്ടത്തിൽ ഇന്ത്യയുടെ രുപാൽ ചൗധരി ഫൈനലിലേക്ക് കടന്നു. തന്റെ സെമി ഫൈനൽ ഹീറ്റ്സിൽ 52.27 സെക്കന്ഡോടെ താരം ഒന്നാമതെത്തുകയായിരുന്നു. മൂന്ന് ഹീറ്റ്സിലുമായി താരം രണ്ടാം സ്ഥാനം ആണ് സ്വന്തമാക്കിയത്.
എന്നാൽ മറ്റൊരു ഹീറ്റ്സിൽ പ്രിയ മോഹന് 53.22 സെക്കന്ഡോടെ അഞ്ചാം സ്ഥാനത്ത് മാത്രമേ എത്താനായുള്ളു. താരം ആകെ 10ാം സ്ഥാനത്താണ് എത്തിയത്. ഇതോടെ ഫൈനലിലേക്ക് പ്രിയയ്ക്ക് യോഗ്യത നേടാനായില്ല.
