തന്റെ കരിയറില് വളരെയധികം സ്വാധീനിച്ച വ്യക്തിയാണ് മുന് ന്യൂസിലാണ്ട് ഇതിഹാസം മാര്ട്ടിന് ക്രോ എന്ന് റോസ് ടെയിലര്. തങ്ങളോട് വിട പറഞ്ഞുവെങ്കിലും തന്റെ നേട്ടത്തില് അദ്ദേഹം അഭിമാനം കൊള്ളുന്നുണ്ടാകുമെന്നും റോസ് ടെയിലര് പറഞ്ഞു. അദ്ദേഹത്തിന്റെ വളരെയധികം അനുഭവസമ്പത്തും വിവേകും അദ്ദേഹം തനിക്ക് കൈമാറിയിട്ടുണ്ടെന്നും അത് തന്റെ കരിയറില് വലിയ പ്രഭാവം ഉണ്ടാക്കിയിട്ടുണ്ടെന്നും ടെയിലര് അഭിപ്രായപ്പെട്ടു.
തന്നോട് എന്നും റെക്കോര്ഡുകള് മറികടക്കുവാന് ക്രോ പ്രോത്സാഹിപ്പിക്കുമായിരുന്നുവെന്ന് റോസ് ടെയിലര് വ്യക്തമാക്കി. അദ്ദേഹം പ്രതീക്ഷിച്ചതിലും മികവ് താന് നേടിയിട്ടുണ്ടെന്നും അതില് അദ്ദേഹത്തിന് വരെ അത്ഭുതം തോന്നിയിട്ടുണ്ടാകാം എന്ന് റോസ് ടെയിലര് വ്യക്തമാക്കി. ഈ വര്ഷങ്ങളിലെല്ലാം തന്നെ ആരെങ്കിലുമെല്ലാം പിന്തുണച്ചിട്ടുണ്ടെന്നും അതിന് താന് ഭാഗ്യം ചെയ്ത വ്യക്തിയാണെന്നും റോസ് ടെയിലര് പറഞ്ഞു.
