Ross Barkley News in Malayalam

റോസ് ബാർക്ലി ആസ്റ്റൺ വില്ലയിൽ, പ്രഖ്യാപനം വന്നു

റോസ് ബാർക്‌ലിയെ ആസ്റ്റൺ ഇല്ല സ്വന്തമാക്കി. ആസ്റ്റൺ വില്ലയും ലൂട്ടൺ ടൗണുമായി കരാർ ധാരണയിൽ എത്തിയതായി ക്ലബ് അറിയിച്ചു. ഏകദേശം £5 മില്യൺ ആണ് ട്രാൻസ്ഫർ ഫീ.

മുമ്പ് ചെൽസിയിൽ ഇരിക്കെ 2020/21 സീസണിൽ ലോണിൽ ബാർക്ക്ലി ആസ്റ്റൺ വില്ലക്കായി കളിച്ചിരുന്നു. അന്ന് ഡീൻ സ്മിത്തിൻ്റെ കീഴിൽ 18 പ്രീമിയർ ലീഗ് മത്സരങ്ങളിൽ അദ്ദേഹം വില്ലക്ക് ആയി സ്റ്റാർട്ട് ചെയ്തിരുന്നു.

ചെൽസിയിൽ മുമ്പ് നാലര വർഷത്തോളം ബാർക്ലി കളിച്ചിട്ടുണ്ട്. 2022-ൽ OGC നീസിന് കളിച്ച ബാർക്ലി കഴിഞ്ഞ സീസണിലാണ് ലൂടണിലേക്ക് എത്തിയത്. ലൂടണായി 33 മത്സരങ്ങൾ കളിച്ച ഇംഗ്ലണ്ട് ഇൻ്റർനാഷണൽ അഞ്ച് ഗോളുകളും നാല് അസിസ്റ്റുകളും സംഭാവന ചെയ്തു.

ബാർക്ലിയെ ആസ്റ്റൺ വില്ല സ്വന്തമാക്കും

റോസ് ബാർക്‌ലിയെ ആസ്റ്റൺ ഇല്ല സ്വന്തമാക്കുന്നു. ഇതിനായി ആസ്റ്റൺ വില്ലയും ലൂട്ടൺ ടൗണുമായി കരാർ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. ഇനി മെഡിക്കൽ ടെസ്റ്റുകളും കരാർ ഒപ്പുവെക്കാനും മാത്രമേ വാക്കിയുള്ളൂ എന്ന് റിപ്പോർട്ടുകൾ പറയുന്നു. ഏകദേശം £5 മില്യൺ ആകും ട്രാൻസ്ഫർ ഫീ.

മുൻ ചെൽസി താരം റോസ് ബാർക്കിലി ലൂറ്റൺ ടൗണിൽ

മുൻ ചെൽസി താരം റോസ് ബാർക്കിലി ഈ സീസണിൽ ഇംഗ്ലീഷ് പ്രീമിയർ ലീഗിൽ സ്ഥാനക്കയറ്റം നേടി വന്ന ലൂറ്റൺ ടൗണിൽ ചേർന്നു. 29 കാരനായ താരം ഫ്രീ ഏജന്റ് ആയാണ് ലൂറ്റണിൽ ചേർന്നത്. ലൂറ്റണിൽ ആറാം നമ്പർ ജേഴ്‌സി ആണ് മധ്യനിര താരമായ ബാർക്കിലി അണിയുക. ജൂണിൽ ഫ്രഞ്ച് ക്ലബ് നീസും ആയുള്ള താരത്തിന്റെ കരാർ അവസാനിച്ചിരുന്നു. എവർട്ടൺ അക്കാദമിയിൽ കളി തുടങ്ങിയ ബാർക്കിലി അവർക്ക് ആയി 179 മത്സരങ്ങളിൽ ആണ് കളിച്ചത്.

തുടർന്ന് 2018 ൽ താരം 15 മില്യൺ പൗണ്ടിനു ചെൽസിയിൽ എത്തി. എന്നാൽ ചെൽസിയിൽ പ്രതീക്ഷിച്ച പോലെ തിളങ്ങാൻ ആവാത്ത താരം അവിടെ 100 മത്സരങ്ങൾ കളിച്ചു. 2020-21 സീസണിൽ ആസ്റ്റൺ വില്ലയിൽ ലോണിൽ പോയ താരത്തിന്റെ കരാർ 2022 ൽ ചെൽസി റദ്ദാക്കുക ആയിരുന്നു. തുടർന്ന് ആണ് താരം നീസിൽ ചേർന്നത്. അവർക്ക് ആയി 28 കളികൾ ആണ് കഴിഞ്ഞ സീസണിൽ ബാർക്കിലി കളിച്ചത്. 2013 ൽ ഇംഗ്ലണ്ടിന് ആയി അരങ്ങേറ്റം കുറിച്ച ബാർക്കിലി 33 തവണ ദേശീയ ടീമിന് ആയും കളിച്ചിട്ടുണ്ട്. ബാർക്കിലിയുടെ വലിയ പരിചയസമ്പത്ത് ലൂറ്റൺ ടൗണിനു പ്രീമിയർ ലീഗിൽ നിലനിൽക്കാനുള്ള പോരാട്ടത്തിൽ കരുത്ത് പകരും എന്നുറപ്പാണ്.

റോസ് ബാർക്കിലിയുടെ കരാർ ചെൽസി റദ്ദാക്കി

തങ്ങളുടെ ഇംഗ്ലീഷ് മധ്യനിര താരം റോസ് ബാർക്കിലിയുടെ കരാർ റദ്ദാക്കി ചെൽസി. താരത്തിന്റെ സമ്മതത്തോടെയാണ് ചെൽസി കരാർ റദ്ദ് ചെയ്തത്. ഇതോടെ താരം ഫ്രീ ഏജന്റ് ആയി മാറി. നിലവിൽ ഏതെങ്കിലും പുതിയ കണ്ടത്താനുള്ള ശ്രമത്തിൽ ആണ് താരം.

എവർട്ടണലിൽ നിന്നു വലിയ പ്രതീക്ഷകളോടെ ചെൽസിയിൽ എത്തിയ ബാർക്കിലിക്ക് ചെൽസിയിൽ പക്ഷെ തിളങ്ങാൻ ആയില്ല. ഇതോടെ ടീമിൽ സ്ഥാനം നഷ്ടപ്പെട്ട താരം ഇടക്ക് ആസ്റ്റൺ വില്ല അടക്കമുള്ള ക്ലബുകളിൽ ലോണിൽ കളിച്ചിരുന്നു. വരും ദിനങ്ങളിൽ ഏതെങ്കിലും ക്ലബ് കണ്ടത്താം എന്ന പ്രതീക്ഷയാണ് താരത്തിന് ഉള്ളത്.

Story Highlight : Chelsea terminated Ross Barnsley contract.

റോസ് ബാർക്ലി ചെൽസിയിലേക്ക് തന്നെ മടങ്ങും

ചെൽസിയിൽ നിന്നും ലോണിൽ ആസ്റ്റൺ വില്ലയിൽ എത്തിയ മിഡ്ഫീൽഡർ റോസ് ബാർക്ലി ഈ സീസണിന്റെ അവസത്തോടെ ചെൽസിയിലേക്ക് തന്നെ മടങ്ങും. താരത്തെ സ്ഥിരം കരാറിൽ സ്വന്തമാക്കാൻ ആസ്റ്റൺ വില്ല ശ്രമിക്കുന്നില്ലെന്നും അതുകൊണ്ട് തന്നെ ലോൺ കാലാവധി കഴിഞ്ഞാൽ ബാർക്ലി ചെൽസിയിലേക്ക് തന്നെ മടങ്ങുമെന്നും ആസ്റ്റൺ വില്ല പരിശീലകൻ ഡീൻ സ്മിത്ത് പറഞ്ഞു.

ചെൽസിയിൽ ഫ്രാങ്ക് ലമ്പാർഡ് പരിശീലകനായി ഇരിക്കുന്ന സമയത്താണ് ബാർക്ലി ലോണിൽ ആസ്റ്റൺ വില്ലയിൽ എത്തിയത്. സീസണിന്റെ തുടക്കത്തിൽ ആസ്റ്റൺ വില്ലക്ക് വേണ്ടി മികച്ച പ്രകടനം പുറത്തെടുത്ത ബാർക്ലിക്ക് തുടർന്ന് മികച്ച ഫോം തുടരാൻ ആയിരുന്നില്ല. ആസ്റ്റൺ വില്ലക്ക് വേണ്ടി ഈ സീസണിൽ 20 മത്സരങ്ങൾ കളിച്ച ബാർക്ലി മൂന്ന് ഗോളുകളും ഒരു അസിസ്റ്റും സ്വന്തമാക്കിയിട്ടുണ്ട്. ചെൽസിയിൽ 2 വർഷത്തെ കരാർ കൂടി ബാക്കിയുള്ള റോസ് ബാർക്ലി ചെൽസിയിലേക്ക് തിരിച്ചെത്തിയാലും പുതിയ പരിശീലകൻ തോമസ് ടൂഹലിന് കീഴിൽ അവസരങ്ങൾ കിട്ടുമോ എന്ന് ഉറപ്പില്ല.

ചെൽസി വിട്ട് റോസ് ബാർക്ലി ആസ്റ്റൺ വില്ലയിൽ

ചെൽസി മിഡ്‌ഫീൽഡർ റോസ് ബാർക്ലി ആസ്റ്റൺ വില്ലയിൽ. 2020/21 സീസണിൽ ലോൺ അടിസ്ഥാനത്തിലാണ് മുൻ എവർട്ടൺ താരം ആസ്റ്റൺ വില്ലയിൽ എത്തുന്നത്. ചെൽസി ഈ സീസൺ പുതിയ താരങ്ങളെ സ്വന്തമാക്കിയതോടെ താരത്തിന് ടീമിൽ അവസരങ്ങൾ കുറഞ്ഞിരുന്നു. തുടർന്നാണ് പ്രീമിയർ ലീഗ് ക്ലബായ ആസ്റ്റൺ വില്ലയിലേക്ക് ബാർക്ലി ലോണിൽ പോയത്.

ഈ സീസണിൽ പ്രീമിയർ ലീഗിലെ ആദ്യ മത്സരത്തിൽ ആദ്യ ഇലവനിൽ ഇറങ്ങിയ ബാർക്ലി തുടർന്ന് രണ്ട് മത്സരങ്ങളിലും പകരക്കാരുടെ ബെഞ്ചിൽ നിന്നാണ് മത്സരം തുടങ്ങിയത്. നേരത്തെ മറ്റൊരു ചെൽസി താരമായ റൂബൻ ലോഫ്റ്റസ് ചീകിനെ ആസ്റ്റൺ വില്ല സ്വന്തമാക്കിയേക്കുമെന്ന് റിപ്പോർട്ടുകൾ ഉണ്ടായിരുന്നു.

2018 ജനുവരിയിലാണ് എവർട്ടണിൽ നിന്ന് ബാർക്ലി ചെൽസിയിൽ എത്തുന്നത്. കഴിഞ്ഞ ആഴ്ച കാരബവോ കപ്പിൽ ചെൽസിക്ക് വേണ്ടി കളിച്ച ബാർക്ലി ആ മത്സരത്തിൽ ഗോളും നേടിയിരുന്നു.