Tag: Roma

ജോസെ മൗറീനോയുടെ റോമ സീരി എയിൽ ഒരിക്കൽ കൂടെ പോയിന്റ് നഷ്ടപ്പെടുത്തി. ഇന്ന് എവേ മത്സരത്തിൽ ബൊളോഗ്നയെ നേരിട്ട റോമ ഗോൾ രഹിത സമനിലയാണ് വഴങ്ങിയത്. ഇതോടെ റോമയുടെ ടോപ് 4 സ്വപ്നം വിദൂരത്തായിരിക്കുകയാണ്. ഇനി മൂന്ന് മത്സരങ്ങൾ മാത്രമാണ് ലീഗിൽ ബാക്കിയുള്ളത്‌. റോമ 35 മത്സരങ്ങളിൽ നിന്ന് 59 പോയിന്റുമായി ആറാം സ്ഥാനത്ത് നിൽക്കുകയാണ്.

നാലാം സ്ഥാനത്തുള്ള ലാസിയോക്ക് ആറ് പോയിന്റ് പിറകിൽ ആണ് റോമ ഇപ്പോൾ ഉള്ളത്. ഇനി റോമ എല്ലാ മത്സരങ്ങൾ വിജയിക്കുകയും മുന്നിൽ ഉള്ളവർ മൂന്ന് മത്സരങ്ങളിലും പോയിന്റ് നഷ്ടപ്പെടുത്തുകയും ചെയ്താലെ ചാമ്പ്യൻസ് ലീഗ് യോഗ്യത പ്രതീക്ഷ ഉള്ളൂ. എന്നാൽ അതിനുള്ള സാധ്യത വിദൂരത്ത് മാത്രമാണ്. യുവന്റസ്, ഇന്റർ മിലാൻ, ലാസിയോ എന്നിവർക്ക് എല്ലാം ഒരു വിജയം കൂടെ കിട്ടിയാൽ ടോപ് 4 ഉറപ്പിക്കാൻ ആകും.

ക്രീമോണിസെക്കെതിരായ സെരി എ മത്സരത്തിലെ തോൽവിക്ക് പിന്നാലെ റഫറിയോട് അപമര്യാദയായി പെരുമാറിയ റോമാ പരിശീലകൻ ജോസെ മൗറിഞ്ഞോക്ക് രണ്ട് മത്സരങ്ങളിൽ നിന്ന് വിലക്ക്. കഴിഞ്ഞ ആഴ്ചയിൽ നടന്ന മത്സരത്തിൽ 2-1നാണ് റോമാ ക്രീമോണിസെക്കെതിരെ പരാജയപ്പെട്ടത്.

സീസണിൽ ക്രീമോണിസെയുടെ ആദ്യം ജയം കൂടിയായിരുന്നു ഇത്. തുടർന്ന് നാലാം റഫറിയോട് തർക്കിച്ചു മൗറിഞ്ഞോക്ക് റഫറി ചുവപ്പ് കാർഡ് കാണിച്ചിരുന്നു. കൂടാതെ മത്സരം ശേഷം റഫറിയുടെ റൂമിൽ പ്രവേശിച്ച മൗറിഞ്ഞോ റഫറിമാരോട് മോശം രീതിയിൽ പ്രതികരിക്കുകയും ചെയ്തിരുന്നു. ഇതിന് 10,000 യൂറോ പിഴയും വിധിച്ചിട്ടുണ്ട്.

തുടർന്നാണ് മൗറിഞ്ഞോക്ക് 2 മത്സരങ്ങളിൽ നിന്ന് വിലക്ക് ഏർപ്പെടുത്താൻ സെരി എ തീരുമാനിച്ചത്. ഇത് ഈ സീസണിൽ മൗറിഞ്ഞോയുടെ മൂന്നാമത്തെ ചുവപ്പ് കാർഡ് ആയിരുന്നു. മൗറിഞ്ഞോക്ക് ഏർപ്പെടുത്തിയ വിലക്കിന് പിന്നാലെ ഇനിയുള്ള രണ്ട് മത്സരങ്ങളിൽ മാധ്യമ പ്രവർത്തകരോട് ക്ലബ്ബിന്റെ ഭാഗത്ത്നിന്ന് ഒരു പ്രതികരണവും ഉണ്ടാവില്ലെന്നും റോമാ അറിയിച്ചിട്ടുണ്ട്. കൂടാതെ ഇൻസ്റ്റാഗ്രാമിൽ വിലക്കിനെതിരെ പ്രതികരണവുമായി മൗറിഞ്ഞോ വിലങ്ങ് അണിയിച്ച രീതിയിൽ ഫോട്ടോ പോസ്റ്റ് ചെയ്തു പ്രതിഷേധം അറിയിക്കുകയും ചെയ്തിട്ടുണ്ട്.

യുവന്റസിൽ നിന്നുള്ള തന്റെ മാറ്റത്തെ കുറിച്ച് ദിബാല മനസുതുറന്നു. എസ്‌പിഎന്നിന് നൽകിയ അഭിമുഖത്തിൽ സംസാരിക്കുകയായിരുന്നു താരം. യുവന്റസിലെ അവസാന വർഷങ്ങൾ ഒട്ടും സുഖകരമായിരുന്നില്ലെന്ന ദിബാല വ്യക്തമാക്കി. “ഒരു മാറ്റം തനിക്ക് ആവശ്യമായിരുന്നു. അത് തന്നെ സഹായിച്ചു. മൗറീഞ്ഞോ തന്നെ വിളിച്ചു. അദ്ദേഹത്തിന്റെ പദ്ധതികൾ തനിക്ക് വിശദീകരിച്ചു. ആ സംഭാഷണത്തിന് മിനിട്ടുകൾക്ക് ശേഷം ഭാവിയെ കുറിച്ച് താൻ തീരുമാനവും എടുത്തു” ദിബാല പറഞ്ഞു.

യുവന്റസിൽ വർഷങ്ങളായി കളിക്കുന്ന തനിക്ക് ഇറ്റലിയിൽ തന്നെ മറ്റൊരു ടീമിലേക്ക് പോകുന്നത് ഒട്ടും എളുപ്പമല്ലായിരുന്നു എന്നും താരം പറഞ്ഞു. കോച്ച് മാത്രമല്ല ടീമിന്റെ ഡയറക്ടറും തന്നെ വിളിച്ച് സംസാരിച്ചു എന്നും താരം വ്യക്തമാക്കി.

റോമ ആരാധകർ തന്നെ സ്വാഗതം ചെയ്തത് അത്ഭുതപ്പെടുത്തുന്ന തരത്തിൽ ആയിരുന്നുവെന്ന് ദിബാല പറഞ്ഞു. “റോമാ ഫാൻസും അർജന്റീന. ഫാൻസും തമ്മിൽ ഒരുപാട് സാമ്യങ്ങൾ ഉണ്ട്, ഫുട്ബോൾ അവർക്ക് ഒരു ആവേശമാണ്. തങ്ങളുടെ കുടുംബത്തേക്കാൾ വരെ അവർക്ക് വലുത് ക്ലബ്ബ് ആണ്. അർജന്റീനൻ ആർധകർക്കും അത് പോലെ തന്നെ” താരം തുടർന്നു. ലോകകപ്പിന് വേണ്ടി തങ്ങൾ ഒരുങ്ങുകയാണെന്നും തങ്ങളുടെ എറ്റവും മികച്ച പ്രകടനം തന്നെ പുറത്തെടുക്കാൻ സാധിക്കും എന്നും താരം പറഞ്ഞു.