വെസ്റ്റ് ഇന്ഡീസിനെതിരായ രണ്ടാം ട്വന്ട്വി ട്വന്ട്വിയില് ഇന്ത്യയെ പരമ്പര ജയത്തിലേക്കു നയിച്ച പ്രകടനത്തിനിടെ രോഹിത് ശര്മ പിന്നിട്ടത് ഒരു പറ്റം റെക്കോര്ഡുകള്
4 : 20-20 അന്താരാഷ്ട്ര മത്സരത്തിലെ ശതകങ്ങളുടെ എണ്ണത്തില് ഒറ്റക്ക് മുന്നിലെത്തി. മൂന്ന് തവണ മൂന്നക്കം കടന്നിട്ടുള്ള കോളിന് മണ്റോയെ ആണു മറികടന്നത്. മറ്റുള്ള എല്ലാ ഇന്ത്യന്താരങ്ങളുടേയും ആകെ സെഞ്ചുറികളുടെ എണ്ണം മൂന്നാണെന്ന് (സുരേഷ് റെയ്ന -1, കെ എല് രാഹുല് -2) ഓര്ക്കണം.
19 : അന്താരാഷ്ട്ര ട്വന്ട്വി ട്വന്ട്വിയില് ഏറ്റവും അധികം തവണ അമ്പതു റണ്സിലധികം നേടിയതിന്റെ റെക്കോര്ഡ്, 18 അര്ധശതകങ്ങള് നേടിയിട്ടുള്ള കോലിയെ മറികടന്ന് കരസ്തമാക്കി.
111* : 20-20 ലെ ഒരിന്ത്യകാരന്റെ ഏറ്റവും ഉയര്ന്ന രണ്ടാമത്തെ സ്കോറാണിത്. ആദ്യത്തേത് രോഹിത് തന്നെ ശ്രീലങ്കക്കെതിരെ നേടിയ 118 ആണ്.
2203 : വ്യക്തികത സ്കോര് 11 ലെത്തിയപ്പോള് അന്താരാഷ്ട്ര 20-20 യില് ഏറ്റവും അധികം റണ്സ് നേടിയ ഇന്ത്യക്കാരന് ആയി മാറി (2102 റണ്സുള്ള കോലിയെ ആണ് മറികടന്നത്.) വനിതാ ട്വിന്ടി ട്വന്ട്വി ക്രിക്കറ്റില് 2176 റണ്സ് നേടിയിട്ടുള്ള മിതാലി രാജിനേയും രോഹിത് ഈ പ്രകടനത്തിനിടെ മറികടന്നു.
2271 റണ്സുള്ള ന്യൂസിലാന്റ് താരം മാര്ട്ടിന് ഗപ്ടില് മാത്രമാണ് നിലവില് രോഹിതിന് മുന്നിലുള്ളത്. നിലവിലെ ഫോമില് രോഹിത് ഗപ്ടിലിനെ വരുന്ന ഒാസ്ട്രേലിയന് പരമ്പരയിലോ അതിനു മുമ്പോ മറികടന്നാല് അത്ഭുതപ്പെടാനില്ല.