ഇന്ത്യൻ അഭിമാനം രോഹൻ ബൊപ്പണ്ണ ഓസ്ട്രേലിയൻ ഓപ്പൺ ഡബിൾസ് കിരീടം സ്വന്തമാക്കി. മാറ്റ് എബ്ഡനും രോഹൻ ബൊപ്പണ്ണയും ചേർന്ന സഖ്യം നേരിട്ടുള്ള സെറ്റുകൾക്ക് ആണ് കിരീടം നേടിയത്. ഇറ്റാലിയൻ താരങ്ങളായ സിമോൺ ബൊല്ലെലി-ആൻഡ്രിയ വവസോറി സഖ്യത്തെ ആണ് തോൽപ്പിച്ചത്. 7-6, 7-5 എന്ന സ്കോറിനായിരിന്നു വിജയം.
എബ്ഡന് ഇത് രണ്ടാം ഗ്രാൻഡ് സ്ലാം കിരീടമാണ്. ഇന്ത്യൻ താരം രോഹൻ ബൊപ്പണ്ണയ്ക്ക് ഇത് കരിയറിലെ ആദ്യ ഗ്രാൻഡ് സ്ലാം പുരുഷ ഡബിൾസ് കിരീടമാണ്. രോഹൻ ബൊപ്പണ്ണ ഈ ആഴ്ചയാണ് ലോക ഒന്നാം നമ്പർ താരമായി മാറിയത്.
ഇന്ത്യൻ താരം രോഹൻ ബൊപ്പണ്ണ ഓസ്ട്രേലിയൻ ഓപ്പണിന്റെ ഫൈനലിൽ പ്രവേശിച്ചു. ഇന്ന് നടന്ന സെമി ഫൈനലിൽ രോഹൻ ബൊപ്പണ്ണ/മാത്യൂ എബ്ഡൻ സഖ്യം ജോങ്/മച്ചാക്ക് സഖ്യത്തെ ആണ് തോൽപ്പിച്ചത്. ആവേശകരമായ മത്സരത്തിൽ 6-3,3-6,7(10)-6(7) എന്ന സ്കോറിന് ആയിരുന്നു ബൊപ്പണ്ണയുടെ വിജയം.
ഓസ്ട്രേലിയ ഓപ്പണിൽ രോഹൻ ബൊപ്പണ്ണയുടെ കന്നി പുരുഷ ഡബിൾസ് ഫൈനൽ ആണിത്. രോഹന്റെ ഗ്രാൻഡ് സ്ലാമുകളിലെ ആറാം ഫൈനലാണ് ഇത്.
രോഹൻ ബൊപ്പണ്ണ/മാത്യൂ എബ്ഡൻ സഖ്യം ഇനെ ക്വാർട്ടറിൽ മോൾട്ടെനി / ഗോൺസാല സഖ്യത്തെ ആണ് തോല്പ്പിച്ചിരുന്നു. 6-4, 7-6 എന്ന സ്കോറിനായിരുന്നു ആ വിജയം. രോഹൻ ബൊപ്പണ്ണ ഡബിൾസ് റാങ്കിംഗിൽ ഇപ്പോൾ ഒന്നാം സ്ഥാനത്താണ്.
ഇന്ത്യൻ താരം രോഹൻ ബൊപ്പണ്ണ ഓസ്ട്രേലിയൻ ഓപ്പണിൽ സെമി ഫൈനലിലേക്ക് മുന്നേറി. രണ്ടാം സീഡ് ആയ രോഹൻ ബൊപ്പണ്ണ/മാത്യൂ എബ്ഡൻ സഖ്യം മോൾട്ടെനി / ഗോൺസാല സഖ്യത്തെ ആണ് തോല്പ്പിച്ചത്. 6-4, 7-6 എന്ന സ്കോറിനായിരുന്നു വിജയം. ഈ വിജയത്തോടെ രോഹൻ ബൊപ്പണ്ണ ഡബിൾസ് റാങ്കിംഗിൽ ഒന്നാം സ്ഥാനത്തും എത്തി.
14-ാം സീഡ് വെസ്ലി/മെക്റ്റിക്ക് സഖ്യത്തെ പ്രീക്വാർട്ടറിൽ രോഹൻ ബൊപ്പണ്ണ പരാജയപ്പെടുത്തിയിരുന്നു. നേരിട്ടുള്ള സെറ്റുകൾക്ക് ആയിരുന്നു അന്നും വിജയം. 7-6(10-8),7-6(7-4) എന്ന സ്കോറിനായിരുന്നു വിജയം. രോഹൻ ബൊപ്പണ്ണ ഇതാദ്യമായാണ് ഓസ്ട്രേലിയൻ ഓപ്പണിന്റെ സെമിയിലേക്ക് എത്തുന്നത്.
ഇന്ത്യൻ താരം ഓസ്ട്രേലിയൻ ഓപ്പണിൽ ക്വാർട്ടർ ഫൈനലിലേക്ക് മുന്നേറി. രണ്ടാം സീഡ് ആയ രോഹൻ ബൊപ്പണ്ണ/മാത്യൂ എബ്ഡൻ സഖ്യം 14-ാം സീഡ് വെസ്ലി/മെക്റ്റിക്ക് സഖ്യത്തെ ആണ് ഇന്ന് പ്രീക്വാർട്ടറിൽ പരാജയപ്പെടുത്തിയത്. നേരിട്ടുള്ള സെറ്റുകൾക്ക് ആയിരുന്നു വിജയം. 7-6(10-8),7-6(7-4) എന്ന സ്കോറിനായിരുന്നു വിജയം.
രോഹൻ ബൊപ്പണ്ണ ഇതാദ്യമായാണ് ഓസ്ട്രേലിയൻ ഓപ്പണിന്റെ ക്വാർട്ടറിലേക്ക് എത്തുന്നത്. ഇനി ക്വാർട്ടർ ഫൈനലിൽ ആറാം സീഡായ ബോപ്സി/എബ്ഡൻ ജോഡിയെ ആകും ബൊപ്പണ്ണ സഖ്യം നേരിടുക.
രോഹൻ ബൊപ്പണ്ണ പാരീസ് മാസ്റ്റേഴ്സ് ഫൈനലിൽ. ബൊപ്പണ്ണയും മാത്യു എബ്ഡനും ചേർന്നുള്ള സഖ്യമാണ് പാരീസ് മാസ്റ്റേഴ്സിന്റെ ഫൈനലിൽ കടന്നത്.സെമിയിൽ ക്രൊയേഷ്യ-ഫിൻലൻഡ് ജോഡിയായ മേറ്റ് പാവിക്-ഹാരി ഹെലിയോവാര സഖ്യത്തെ അവർ തോൽപ്പിച്ചു. 6-7, 6-4, 10-6 എന്നായിരുന്നു സ്കോർ.
ബൊപ്പണ്ണ എബ്ഡൻ സഖ്യത്തിന്റെ ഈ സീസണിലെ നാലാം ATP 1000 ഫൈനലാകും ഇത്. പാരീസ് മാസ്റ്റേഴ്സ് കിരീടം നേടിയാൽ അവർ ലോകത്തിലെ ഒന്നാം നമ്പർ ജോഡിയാകും. 43കാരന് ഇത് അഭിമാനം നേട്ടമാകും. ഇതുവരെ ഈ സീസണിൽ ഇരുവരും ചേർന്ന് മൂന്ന് കിരീടങ്ങൾ നേടിയിട്ടുണ്ട്.
ഷാങ്ഹായ് മാസ്റ്റേഴ്സിൽ ഇന്ത്യൻ ടെന്നീസ് താരം രോഹൻ ബൊപണ്ണ ഫൈനലിൽ. രോഹൻ ബൊപ്പണയും ഓസ്ട്രേലിയൻ താരം മാത്യു എബ്ഡനും ചേർന്ന സഖ്യം പുരുഷ ഡബിൾസിൽ ഫൈനലിൽ കടന്നു. നാലാം സീഡായ ഇന്തോ-ഓസ്ട്രേലിയൻ ടീം റെബൗൾ- ഡൗബിയ സഖ്യത്തെ ആണ് തോൽപ്പിച്ചത്. 7-6, 4-6, 10-2 എന്ന സ്കോറിനാണ് റെബൗൾ/ ഡൗംബിയയെ പരാജയപ്പെടുത്തിയത്.
രോഹൻ ബൊപണ്ണയുടെ ഈ സീസണിലെ മൂന്നാം മാസ്റ്റേഴ്സ് ഫൈനൽ ആകും ഇത്. ബൊപണ്ണ നേരത്തെ യു എസ് ഓപ്പൺ ഫൈനലിലും എത്തിയിരുന്നു.
ചൈനയിലെ ഹാങ്ഷൗവിൽ നടന്ന ഏഷ്യൻ ഗെയിംസിൽ മിക്സഡ് ഡബിൾസിൽ ഇന്ത്യൻ ടെന്നീസ് ജോഡികളായ രോഹൻ ബൊപ്പണ്ണയും റുതുജ ഭോസാലെയും സ്വർണം നേടി. ഹാങ്ഷൂ ഒളിമ്പിക് സ്പോർട്സ് സെന്ററിൽ നടന്ന ആവേശകരമായ ഫൈനലിൽ 2-6, 6-3, 10-4 എന്ന സ്കോറിന് തായ്വാൻ ജോഡികളായ സുങ്-ഹാവോ ഹുവാങ്-എൻ-ഷുവോ ലിയാങ് സഖ്യത്തെ തകർത്ത് ആണ് ഇന്ത്യ സ്വർണ്ണം ഉറപ്പിച്ചത്.
ആദ്യ സെറ്റ് 2-6ന് നഷ്ടപ്പെട്ട ഇന്ത്യൻ ടീം ഗംഭീര തിരിച്ചുവരവ് നടത്തി. 2018ലെ ജക്കാർത്തയിൽ പുരുഷ ഡബിൾസിൽ സ്വർണം നേടിയ ബൊപ്പണ്ണക്ക് ഏഷ്യൻ ഗെയിംസിലെ തന്റെ രണ്ടാം മെഡൽ ആണിത്. ഈ ഏഷ്യൻ ഗെയിംസിൽ ഇന്ത്യയുടെ രണ്ടാം മെഡലുമാണ് ഇത്.
പുരുഷ ഡബിൾസിൽ രാംകുമാർ രാമനാഥൻ-സാകേത് മൈനേനി സഖ്യം നേരത്തെ വെള്ളി മെഡൽ നേടിയിരുന്നു.
യു.എസ് ഓപ്പൺ പുരുഷ ഡബിൾസ് ഫൈനലിൽ ഇന്ത്യയുടെ രോഹൻ ബോപ്പണ്ണ, ഓസ്ട്രേലിയയുടെ മാത്യു എബ്ഡൻ സഖ്യത്തിന് പരാജയം. അമേരിക്കയുടെ രാജീവ് റാം, ബ്രിട്ടന്റെ ജോ സാലിസ്ബറി സഖ്യത്തോട് ആണ് അവർ പരാജയപ്പെട്ടത്. തുടർച്ചയായ മൂന്നാം യു.എസ് ഓപ്പൺ കിരീടം ആണ് അമേരിക്കൻ, ബ്രിട്ടീഷ് സഖ്യത്തിന് ഇത്.
മൂന്നാം സീഡ് ആയ രാജീവ് റാം, ജോ സാലിസ്ബറി സഖ്യം ആദ്യ സെറ്റ് 2-6 നു നഷ്ടമായ ശേഷം തിരിച്ചു വന്നു രണ്ടും മൂന്നും സെറ്റുകൾ 6-3, 6-4 എന്ന സ്കോറിന് നേടിയാണ് ആറാം സീഡ് ആയ ബോപ്പണ്ണ സഖ്യത്തിന് എതിരെ വിജയം നേടിയത്. ഓപ്പൺ യുഗത്തിൽ ഇത് ആദ്യമായാണ് ഒരു ടീം തുടർച്ചയായി മൂന്നു യു.എസ് ഓപ്പൺ കിരീടങ്ങൾ നേടുന്നത്. തോറ്റെങ്കിലും ഗ്രാന്റ് സ്ലാം ഫൈനൽ കളിക്കുന്ന ഏറ്റവും പ്രായം കൂടിയ താരമായി ചരിത്രം എഴുതി ബോപ്പണ്ണ.
13 വർഷത്തിന് ശേഷം രോഹൻ ബൊപ്പണ്ണ വീണ്ടും യുഎസ് ഓപ്പൺ ഫൈനലിൽ. ഗ്രാൻഡ്സ്ലാം ഫൈനലിലെത്തുന്ന ഏറ്റവും പ്രായംകൂടിയ പുരുഷനായി 43കാരനായ ഇന്ത്യക്കാരൻ ഇന്ന് മാറി. ഡാനിയൽ ബെസ്റ്ററിന്റെ 43 വയസ്സും മൂന്ന് മാസവും പ്രായം ഉള്ളപ്പോൾ ഫൈനലിൽ എത്തിയ റെക്കോർഡ് ആണ് 43 വയസ്സും 6 മാസവും പ്രായമുള്ള ബൊപ്പണ്ണ തകർത്തത്. ഹെർബർട്ട്-മഹട്ട് എന്നിവരെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് ബൊപ്പണ്ണ എബ്ഡൻ സഖ്യം ഫൈനലിലെത്തിയത്. 7-6, 6-2 എന്നായിരുന്നു സ്കോർ.
ക്വാർട്ടർ ഫൈനലിൽ അവർ 15ാം സീഡ് ലാമൺസ് – വിത്രോ സഖ്യത്തെയും നേരിട്ടുള്ള ഗെയിമുകളിലാണ് തോൽപ്പിച്ചത്.7-6, 6-1 എന്ന സ്കോറിനായിരുന്നു അന്നത്തെ വിജയം. രോഹന് ബൊപ്പണ്ണ യുഎസ് ഓപ്പൺ പുരുഷ ഡബിള്സിൽ ഇത് രണ്ടാം തവണയാണ് ഫൈനലിൽ.
യുഎസ് ഓപ്പൺ 2023ന്റെ പുരുഷ ഡബിള്സ് സെമിയിലെത്തി രോഹന് ബൊപ്പണ്ണ – മാത്യു എബ്ഡന് സഖ്യം. 15ാം സീഡ് ലാമൺസ് – വിത്രോ സഖ്യത്തെ നേരിട്ടുള്ള ഗെയിമുകളിലാണ് ബൊപ്പണ്ണയും പങ്കാളിയും പരാജയപ്പെടുത്തിയത്. ആദ്യ സെറ്റിൽ എതിരാളികളിൽ നിന്ന് കടുത്ത വെല്ലുവിളി അതിജീവിച്ചുവെങ്കില് രണ്ടാം ഗെയിമിൽ അനായാസ വിജയം ആണ് ടീം നേടിയത്.
7-6, 6-1 എന്ന സ്കോറിനാണ് രോഹന് – എബ്ഡന് ജോഡി വിജയിച്ചത്. രോഹന് ബൊപ്പണ്ണ യുഎസ് ഓപ്പൺ പുരുഷ ഡബിള്സിൽ ഇത് രണ്ടാം തവണയാണ് സെമിയിലെത്തുന്നത്.
മൂന്ന് സെറ്റ് നീണ്ട പോരാട്ടത്തിനൊടുവിൽ ജൂലിയൻ കാഷിനെയും ഹെൻറി പാറ്റനെയും തോൽപ്പിച്ച് ഇന്ത്യയുടെ രോഹൻ ബൊപ്പണ്ണയും ഓസ്ട്രേലിയൻ പങ്കാളി മാത്യു എബ്ഡനും യുഎസ് ഓപ്പണിൽ പുരുഷ ഡബിൾസ് ക്വാർട്ടറിലെത്തി.
ആറാം സീഡായ ഇന്തോ-ഓസ്ട്രേലിയൻ ജോഡി ബ്രിട്ടീഷ് ജോഡികളായ ക്യാഷ് ആൻഡ് പാറ്റൻ സഖ്യത്തിൽ നിന്ന് വലിയ വെല്ലുവിളി തന്നെ നേരിട്ടു. 6-4, 6-7(5), 7-6(10-6) എന്ന സ്കോറിനായിരുന്നു വിജയം. രണ്ട് മണിക്കൂറിനും 22 മിനുട്ടും മത്സരം നീണ്ടു നിന്നു.
ടോപ്പ് സീഡുകളായ നെതർലൻഡ്സിന്റെ വെസ്ലി കൂൾഹോഫും യുണൈറ്റഡ് കിംഗ്ഡത്തിന്റെ നീൽ സ്കുപ്സ്കിയും പ്രാദേശിക ജോഡികളായ നഥാനിയൽ ലാമൺസും ജാക്സൺ വിത്രോയും തമ്മിലുള്ള മൂന്നാം റൗണ്ട് മത്സരത്തിലെ വിജയികളെ ആകും ബൊപ്പണ്ണ ഇനി നേരിടുക.
വിംബിൾഡൺ ഡബിൾസ് സെമിയിൽ ഇന്ത്യൻ താരം രോഹൻ ബൊപ്പണ്ണയ്ക്കും സഖ്യത്തിനു തോൽവി. ബൊപ്പണ്ണയും മാത്യു എബ്ഡനും ടോപ് സീഡായ കൂൾഹോഫ് & സ്കുപ്സ്കിയോട് ആണ് പരാജയപ്പെട്ടത്. 5-7, 4-6 എന്ന സ്കോറിനാണ് ഇന്ത്യ-ഓസ്ട്രേലിയൻ ജോഡി പരാജയപ്പെട്ടത്.
ഇന്നലെ നടന്ന ക്വാർട്ടർ ഫൈനലിൽ 6-7, 7-5, 6-2 എന്ന സ്കോറിന് സ്റ്റീവൻസിനെ – ഗ്രിക്സ്പൂറിനെ സഖ്യത്തെ തോൽപ്പിച്ച് ആയിരുന്നു ബൊപ്പണ്ണയും എബ്ഡനും സെമിയിലേക്ക് എത്തിയത്. സെമിയിൽ പ്രവേശിച്ചതിന് ഇരുവരും 1,50,000 (1.61 കോടി രൂപ) പ്രതിഫലമായി നേടും.
#വിംബിൾഡൺ
