Tag: RB Leipzig

ജർമ്മൻ ബുണ്ടസ് ലീഗയിൽ വെർഡർ ബ്രമനെ ഒന്നിനെതിരെ രണ്ടു ഗോളുകൾക്ക് തോൽപ്പിച്ചു ആർ.ബി ലൈപ്സിഗ് ലീഗിൽ രണ്ടാം സ്ഥാനത്തേക്ക് ഉയർന്നു. പരാജയത്തോടെ ബ്രമൻ ഒമ്പതാം സ്ഥാനത്തേക്ക് വീണു. പന്ത് കൈവശം വക്കുന്നതിൽ ഇരു ടീമുകളും തുല്യത പാലിച്ച മത്സരത്തിൽ ഏറ്റവും കൂടുതൽ അവസരങ്ങൾ തുറന്നത് ആർ.ബി ലൈപ്സിഗ് ആയിരുന്നു. മത്സരത്തിൽ 13 മത്തെ മിനിറ്റിൽ കൗണ്ടർ അറ്റാക്കിൽ എമിൽ ഫോർസ്ബർഗിന്റെ പാസിൽ നിന്നു ആന്ദ്ര സിൽവ ലൈപ്സിഗിന് മുൻതൂക്കം സമ്മാനിച്ചു.

രണ്ടാം പകുതിയിൽ 56 മത്തെ മിനിറ്റിൽ റൊമാന സ്കിമിഡിന്റെ പാസിൽ നിന്നു ക്രിസ്റ്റിയൻ ഗ്രോസ് ബ്രമനു സമനില സമ്മാനിച്ചു. എന്നാൽ 71 മത്തെ മിനിറ്റിൽ ആന്ദ്ര സിൽവയുടെ പാസിൽ നിന്നു സാവർ സ്ഗലാഗർ ലൈപ്സിഗിന് ജയം സമ്മാനിച്ചു. അതേസമയം ഹോഫൻഹെയിമിനു എതിരെ വോൾവ്ബർഗ് 2-1 നു വിജയം കണ്ടു. എഫ്.സി കോളിനെ എതിരില്ലാത്ത രണ്ടു ഗോളുകൾക്ക് ഹെർത്ത ബെർലിൻ മറികടന്നപ്പോൾ ബയേർ ലെവർകുസൻ സമാനമായ സ്കോറിന് സ്റ്റുഗാർട്ടിനെയും മറികടന്നു.

ജർമ്മൻ ബുണ്ടസ് ലീഗയിൽ മൂന്നാം സ്ഥാനക്കാരായ എസ്.സി ഫ്രയ്ബർഗിനെ ഒന്നിനെതിരെ മൂന്നു ഗോളുകൾക്ക് തോൽപ്പിച്ചു ആർ.ബി ലൈപ്സിഗ് അഞ്ചാം സ്ഥാനത്തേക്ക് കയറി. ഗോൾ രഹിതമായ ആദ്യ പകുതിക്ക് ശേഷം രണ്ടാം പകുതിയിൽ ആണ് മത്സരത്തിലെ ഗോളുകൾ പിറന്നത്. മുഹമ്മദ് സിമകൻ ഗോൾ വേട്ട തുടങ്ങിയപ്പോൾ ലോകകപ്പിനുള്ള ഫ്രാൻസ് ടീമിലേക്ക് എത്തിയത് ക്രിസ്റ്റഫർ എങ്കുങ്കു ഗോളുമായി ആഘോഷിച്ചു. ലൂകാസ് കുബ്‌ളർ ഒരു ഗോൾ ഫ്രയ്ബർഗിനു ആയി മടക്കി. എന്നാൽ എമിൽ ഫോർസ്ബർഗിന്റെ പെനാൽട്ടി ലൈപ്സിഗ് ജയം പൂർത്തിയാക്കുക ആയിരുന്നു.

അതേസമയം ലീഗിൽ രണ്ടാം സ്ഥാനക്കാർ ആയ യൂണിയൻ ബെർലിൻ ഓഗ്സ്ബർഗിനോട് സമനില വഴങ്ങി. ആദ്യ പകുതിയിൽ എല്ലാ ഗോളുകളും പിറന്ന മത്സരത്തിൽ 2-2 നു ബെർലിൻ സമനില വഴങ്ങുക ആയിരുന്നു. അവസാന സ്ഥാനക്കാർ ആയ ഷാൽക മൈൻസിനെ ഒരു ഗോളിന് അട്ടിമറിച്ചപ്പോൾ ഹോഫൻഹെയിമിനെ രണ്ടിനെതിരെ നാലു ഗോളുകൾക്ക് ഫ്രാങ്ക്ഫർട്ട് മറികടന്നു. ജയത്തോടെ ലീഗിൽ നാലാം സ്ഥാനത്തേക്ക് ഉയരാനും അവർക്ക് ആയി.

ജർമ്മൻ ബുണ്ടസ് ലീഗയിൽ ഹോഫൻഹെയിമിനെ ഒന്നിനെതിരെ മൂന്നു ഗോളുകൾക്ക് മറികടന്നു ആർ.ബി ലൈപ്സിഗ്. ആദ്യ പകുതിയിൽ 17 മത്തെ മിനിറ്റിൽ ക്രിസ്റ്റഫർ എങ്കുങ്കുവിന്റെ ഗോളിൽ ലൈപ്സിഗ് മുന്നിൽ എത്തിയപ്പോൾ രണ്ടാം പകുതിയിൽ 50 മത്തെ മിനിറ്റിൽ ആഞ്ചലീന്യോയുടെ പാസിൽ നിന്നു ജോർജീന്യോ റട്ടർ ഗോൾ തിരിച്ചടിച്ചു. 57 മത്തെ മിനിറ്റിൽ എങ്കുങ്കു മുൻതൂക്കം തിരിച്ചു പിടിച്ചപ്പോൾ നേരത്തെ ഒരു ഗോൾ വാർ നിഷേധിച്ച ഡാനി ഓൽമോ 69 മത്തെ മിനിറ്റിൽ ലൈപ്സിഗ് ജയം പൂർത്തിയാക്കുക ആയിരുന്നു.

സീസണിൽ 11 ഗോളുകളും ആയി എങ്കുങ്കു ആണ് ജർമ്മനിയിൽ ഗോൾ വേട്ടയിൽ നിലവിൽ മുന്നിൽ. അതേസമയം ഓഗ്സ്ബർഗിനെതിരെ തിരിച്ചു വന്നു ഫ്രാങ്ക്ഫർട്ട് ജയം കണ്ടു. മത്സരത്തിൽ ആദ്യ മിനിറ്റിൽ തന്നെ ബെറിഷയിലൂടെ ഓഗ്സ്ബർഗ് മത്സരത്തിൽ മുന്നിലെത്തി. എന്നാൽ 13 മത്തെ മിനിറ്റിൽ സെബാസ്റ്റ്യൻ റോഡ് ഫ്രാങ്ക്ഫർട്ടിനു സമനില ഗോൾ സമ്മാനിച്ചു. രണ്ടാം പകുതിയിൽ 64 മത്തെ മിനിറ്റിൽ പകരക്കാരനായി ഇറങ്ങിയ അൻസ്ഗർ നൗഫ്‌ ഫ്രാങ്ക്ഫർട്ടിനു വിജയഗോൾ സമ്മാനിക്കുക ആയിരുന്നു. നിലവിൽ ബുണ്ടസ് ലീഗയിൽ ഫ്രാങ്ക്ഫർട്ട് അഞ്ചാം സ്ഥാനത്തും ലൈപ്സിഗ് ആറാം സ്ഥാനത്തും ആണ്.

ജർമ്മൻ ബുണ്ടസ് ലീഗയിൽ ഒരിടവേളയ്ക്ക് ശേഷം ലീഗിൽ ഒന്നാം സ്ഥാനത്തേക്ക് തിരിച്ചെത്തി ബയേൺ മ്യൂണിക്. മൈൻസിനെ രണ്ടിനെതിരെ ആറു ഗോളുകൾക്ക് തകർത്ത അവർ ഒരു മത്സരം കുറവ് കളിച്ച രണ്ടാമതുള്ള യൂണിയൻ ബെർലിനെ മറികടന്നു ഒന്നാമത് എത്തി. ഇരു പകുതികളിലും ആയി മൂന്നു വീതം ഗോളുകൾ കണ്ടത്തിയ അവർക്ക് ആയി ആറു ഗോളുകളും വ്യത്യസ്ത താരങ്ങൾ ആണ് നേടിയത്. അഞ്ചാം മിനിറ്റിൽ മാനെയുടെ പാസിൽ നിന്നു സെർജ് ഗനാബ്രി ഗോൾ കണ്ടത്തിയപ്പോൾ 28 മത്തെ മിനിറ്റിൽ ചുപോ മോട്ടിങിന്റെ പാസിൽ നിന്നു യുവതാരം ജമാൽ മുസിയാല രണ്ടാം ഗോൾ കണ്ടത്തി.

43 മത്തെ മിനിറ്റിൽ പെനാൽട്ടി എതിർ ഗോൾ കീപ്പർ രക്ഷിച്ചു എങ്കിലും റീബൗണ്ടിൽ സാദിയോ മാനെ ഗോൾ കണ്ടത്തി. ആദ്യ പകുതിയുടെ ഇഞ്ച്വറി സമയത്ത് മൈൻസിന് ലഭിച്ച പെനാൽട്ടി ജോനാഥൻ എടുത്തു, എന്നാൽ പെനാൽട്ടി ന്യൂയറിന്റെ പകരക്കാരൻ ഗോൾ കീപ്പർ ഉൽറെച് തടഞ്ഞു. എന്നാൽ തുടർന്ന് ലഭിച്ച കോർണറിൽ നിന്നു സിൽവൻ വിഡ്മർ മൈൻസിന് ആയി ഒരു ഗോൾ മടക്കി. രണ്ടാം പകുതിയിൽ 58 മത്തെ മിനിറ്റിൽ മാനെയുടെ പാസിൽ നിന്നു ലിയോൺ ഗൊരേസ്ക ബയേണിന്റെ നാലാം ഗോളും കണ്ടത്തി. 79 മത്തെ മിനിറ്റിൽ പകരക്കാരനായ മാർസൽ സാബിറ്റ്സറിന്റെ പാസിൽ നിന്നു ഗോൾ കണ്ടത്തിയ മാനെക്ക് പകരക്കാരനായി ഇറങ്ങിയ 17 കാരൻ യുവതാരം മതിയാസ് ടെൽ ബയേണിന്റെ അഞ്ചാം ഗോളും നേടി.

മൂന്നു മിനിറ്റിനുള്ളിൽ ഡെലാനയുടെ പാസിൽ നിന്നു മാർകസ് മൈൻസിന് ആയി ഒരു ഗോൾ കൂടി മടക്കി. എന്നാൽ മൂന്നു മിനിറ്റിനുള്ളിൽ കിങ്സ്ലി കോമാന്റെ പാസിൽ നിന്നു ഗോൾ കണ്ടത്തിയ ചുപോ മോട്ടിങ് ബയേണിന്റെ വമ്പൻ ജയം പൂർത്തിയാക്കുക ആയിരുന്നു. അതേസമയം ബയേർ ലെവർകുസനെ എതിരില്ലാത്ത രണ്ടു ഗോളുകൾക്ക് ആർ.ബി ലൈപ്സിഗ് മറികടന്നു. ജയത്തോടെ ലീഗിൽ അഞ്ചാമത് എത്താൻ അവർക്ക് ആയി. ക്രിസ്റ്റഫർ എങ്കുങ്കു, തിമോ വെർണർ എന്നിവർ ആണ് ലൈപ്സിഗ് ഗോളുകൾ നേടിയത്. ലീഗിൽ മോശം ഫോമിലുള്ള ലെവർകുസൻ നിലവിൽ ലീഗിൽ പതിനാറാം സ്ഥാനത്താണ്.

ജർമ്മൻ ബുണ്ടസ് ലീഗയിൽ വമ്പൻ തിരിച്ചു വരവിലൂടെ സമനില പിടിച്ചു ആർ.ബി ലൈപ്സിഗ്. ഓഗ്സ്ബർഗിന് എതിരെ 3 ഗോളുകൾ പിറകിൽ നിന്ന ശേഷമാണ് 70 മിനിറ്റുകൾക്ക് ശേഷം ലൈപ്സിഗ് മത്സരത്തിൽ തിരിച്ചു വന്നത്. സമനിലയോടെ ലൈപ്സിഗ് നിലവിൽ ഒമ്പതാം സ്ഥാനത്തും ഓഗ്സ്ബർഗ് പന്ത്രണ്ടാം സ്ഥാനത്തും ആണ്. റൂബൻ വർഗാസിനെ വീഴ്ത്തിയതിനു ലഭിച്ച പെനാൽട്ടി 33 മത്തെ മിനിറ്റിൽ ലക്ഷ്യം കണ്ട മെർഗിം ബെരിഷ ഓഗ്സ്ബർഗിന് മത്സരത്തിൽ മുൻതൂക്കം സമ്മാനിച്ചു. രണ്ടാം പകുതി തുടങ്ങിയ ഉടൻ തന്നെ ബെരിഷയുടെ ക്രോസിൽ നിന്നു ഹെഡറിലൂടെ എർമെദിൻ ഡെമിറോവിച് ഓഗ്സ്ബർഗിന്റെ മുൻതൂക്കം ഇരട്ടിയാക്കി.

64 മത്തെ മിനിറ്റിൽ ബെരിഷയുടെ പാസിൽ നിന്നു റൂബൻ വർഗാസ് കൂടി ഗോൾ നേടിയതോടെ ലൈപ്സിഗ് പരാജയം മണത്തു. എന്നാൽ തൊട്ടടുത്ത നിമിഷം മോശം ഫൗളിന് മഞ്ഞ കാർഡ് കണ്ട ലാഗോ പ്രതിഷേധിച്ചതിനെ തുടർന്ന് രണ്ടാം മഞ്ഞ കാർഡ് കണ്ടതോടെ ഓഗ്സ്ബർഗ് പത്ത് പേരായി ചുരുങ്ങി. 72 മത്തെ മിനിറ്റിൽ ഡൊമിനിക് സൊബോസ്ലയിയൂടെ പാസിൽ നിന്നു ഗോൾ നേടിയ ആന്ദ്ര സിൽവ ലൈപ്സിഗ് തിരിച്ചു വരവിനു തുടക്കം കുറിച്ചു. 89 മത്തെ മിനിറ്റിൽ ഫ്രീകിക്കിലൂടെ ഗോൾ കണ്ടത്തിയ ക്രിസ്റ്റഫർ എങ്കുങ്കു ലൈപ്സിഗിന് രണ്ടാം ഗോളും സമ്മാനിച്ചു. തുടർന്ന് തൊട്ടടുത്ത നിമിഷം പകരക്കാരനായി ഇറങ്ങിയ 19 കാരനായ ഹ്യൂഗോ നോവോ റാമോസിലൂടെ ലൈപ്‌സിഗ് തിരിച്ചു വരവ് പൂർത്തിയാക്കുക ആയിരുന്നു. ദീർഘകാല പരിക്കിൽ നിന്നു അവസാന പത്ത് മിനിറ്റ് ഡാനി ഓൽമ കളിക്കാൻ ഇറങ്ങിയതും ലൈപ്സിഗിന് വലിയ ഊർജം പകർന്നു.

ജർമ്മൻ ബുണ്ടസ് ലീഗയിൽ ഹെർത്ത ബെർലിനെ രണ്ടിനെതിരെ മൂന്നു ഗോളുകൾക്ക് മറികടന്നു ആർ.ബി ലൈപ്സിഗ്. തുടക്കത്തിൽ മൂന്നു ഗോളുകൾക്ക് മുന്നിലെത്തിയ ലൈപ്സിഗ് ഹെർത്തയുടെ തിരിച്ചു വരവ് അതിജീവിച്ചു ആണ് ജയം പിടിച്ചെടുത്തത്. ജയത്തോടെ ലൈപ്സിഗ് ഒമ്പതാം സ്ഥാനത്തേക്ക് ഉയർന്നപ്പോൾ ഹെർത്ത പതിനഞ്ചാം സ്ഥാനത്തേക്ക് വീണു.

മത്സരത്തിൽ 25 മത്തെ മിനിറ്റിൽ എമിൽ ഫോർസ്ബർഗ് ഗോൾ നേടിയപ്പോൾ 30 മത്തെ മിനിറ്റിൽ ഡേവിഡ് റൗം മുൻതൂക്കം ഇരട്ടിയാക്കി. രണ്ടു ഗോളിനും ഡൊമിനിക് സ്വബോസലായി ആണ് വഴി ഒരുക്കിയത്. ആദ്യ പകുതിക്ക് മുമ്പ് വില്ലി ഓർബാൻ മൂന്നാം ഗോളും ലൈപ്സിഗിന് ആയി നേടി. രണ്ടാം പകുതിയിൽ 62 മത്തെ മിനിറ്റിൽ ലുകബാകിയോയുടെ പെനാൽട്ടിയും 64 മത്തെ സ്റ്റീവൻ ജോവറ്റിച് നേടിയ ഗോളും ഹെർത്തക്ക് പ്രതീക്ഷ നൽകി. എന്നാൽ ലൈപ്സിഗ് പിടിച്ചു നിൽക്കുക ആയിരുന്നു. 84 മത്തെ മിനിറ്റിൽ ക്രിസ്റ്റഫർ എങ്കുങ്കു ഗോൾ നേടിയെങ്കിലും വാർ പിന്നീട് ഇത് ഓഫ് സൈഡ് ആണെന്ന് കണ്ടത്തുക ആയിരുന്നു.

ജർമ്മൻ ബുണ്ടസ് ലീഗ ക്ലബ് ആർ.ബി ലൈപ്സിഗ് പരിശീലകൻ ആയി മാർകോ റോസ് ഉടൻ കരാറിൽ ഒപ്പിടും. മോശം തുടക്കവും ചാമ്പ്യൻസ് ലീഗിലെ മോശം പ്രകടനത്തെ തുടർന്നും ഡൊമെനികോ ടെഡസ്കോയെ ലൈപ്സിഗ് പുറത്താക്കിയിരുന്നു. ഇതിനെ തുടർന്ന് ആണ് മുൻ ബൊറൂസിയ ഡോർട്ട്മുണ്ട് പരിശീലകൻ മാർകോ റോസിനെ ടീമിൽ എത്തിക്കാൻ ലൈപ്സിഗ് ശ്രമിക്കുന്നത്.

നിലവിൽ പരിശീലകനും ആയി ലൈപ്സിഗ് കരാറിൽ എത്തിയത് ആയി റിപ്പോർട്ടുകൾ ഉണ്ട്. വരും മണിക്കൂറുകളിൽ എത്രയും പെട്ടെന്ന് മാർകോ റോസും ആയി ഉടൻ കരാറിൽ ഒപ്പ് വക്കാൻ ആണ് ലൈപ്സിഗ് ശ്രമം. നാളെ ടീമിന്റെ പരിശീലന ക്യാമ്പിൽ അദ്ദേഹം എത്തണം എന്നും അടുത്ത മത്സരത്തിൽ ടീമിൽ ഉണ്ടാവണം എന്നും അവർ ആഗ്രഹിക്കുന്നു. അടുത്ത മത്സരത്തിൽ ബുണ്ടസ് ലീഗയിൽ റോസിന്റെ മുൻ ക്ലബ് ഡോർട്ട്മുണ്ട് ആണ് ലൈപ്സിഗിന്റെ എതിരാളികൾ.

ചാമ്പ്യൻസ് ലീഗിൽ കനത്ത തോൽവിക്ക് പിറകെ ആർബി ലെപ്സിഗ് പരിശീലക സ്ഥാനത്ത് നിന്നും ഡൊമെനികൊ ടെഡെസ്കൊ തെറിച്ചു. സ്വന്തം ഗ്രൗണ്ടിൽ ശക്തർ ഡോനെസ്കിനോടേറ്റ 4-1 ന്റെ തോൽവിക്ക് പിറകെയാണ് കോച്ചിനെ പുറത്താക്കാൻ ലെപ്സീഗ് തീരുമാനിച്ചത്. മുൻ ബറൂസിയ ഡോർട്മുണ്ട് പരിശീലകൻ ആയിരുന്ന മാർക്കോ റോസ് ആണ് പകരക്കാരൻ ആയി ലെപ്സീഗ പരിഗണിക്കുന്നത് എന്നാണ് സൂചന.

വെറും ഒൻപത് മാസങ്ങൾക്ക് മുന്നേ ആയിരുന്നു ടെഡെസ്കൊ ലെപ്സീഗ് പരിശീലകനായി എത്തിയത്. ശേഷം ടീമിനെ ലീഗിൽ നാലാം സ്ഥാനത്ത് എത്തിക്കാൻ അദ്ദേഹത്തിനായി. കൂടാതെ യൂറോപ്പ ലീഗിൽ സെമി ഫൈനലിലും എത്തിച്ചു. ഇതിനെല്ലാം പുറമെ ടീമിനെ ആദ്യമായി ജർമൻ കപ്പ് ജേതാക്കൾ ആക്കാനും അദ്ദേഹത്തിന് സാധിച്ചു. എന്നാൽ ഇത്തവണ ലീഗിൽ വളരെ മോശം തുടക്കമാണ് ടീമിന് ലഭിച്ചത്. ആദ്യ അഞ്ചു മത്സരങ്ങൾ കഴിയുമ്പോൾ ഒരേയൊരു വിജയം മാത്രം കരസ്ഥമാക്കാൻ ആണ് ടീമിന് കഴിഞ്ഞത്. ഇതിന് പുറമെ സ്വന്തം ഗ്രൗണ്ടിൽ ശക്തറിനെതിരെ നേരിടേണ്ടി വന്ന തോൽവിയും ടെഡെസ്കൊയുടെ പതനത്തിന് ആക്കം കൂട്ടി. പുതിയ കോച്ചിനെ ലെപ്സീഗ് ഉടനെ പ്രഖ്യാപിക്കും.