Tag: Raphinha

മികച്ചൊരു സീസണ് പിന്നാലെ ബ്രസീലിയൻ വിംഗർ റാഫീഞ്ഞ എഫ്.സി. ബാഴ്സലോണയുമായി 2028 ജൂൺ വരെ കരാർ പുതുക്കി. ഈ സീസണിൽ ലാ ലിഗ, കോപ ഡെൽ റേ, സ്പാനിഷ് സൂപ്പർ കപ്പ് എന്നിവ നേടി ക്ലബ്ബിന് ആഭ്യന്തര ട്രെബിൾ നേടുന്നതിൽ റാഫീഞ്ഞ പ്രധാന പങ്ക് വഹിച്ചിരുന്നു.

28 വയസ്സുകാരനായ റാഫീഞ്ഞയ്ക്ക് 2027 വരെ കരാർ ഉണ്ടായിരുന്നെങ്കിലും, ഈ സീസണിലെ അദ്ദേഹത്തിൻ്റെ മികച്ച പ്രകടനങ്ങൾ ബാഴ്സലോണയെ ഒരു വർഷം കൂടി കരാർ ഉറപ്പിക്കാൻ പ്രേരിപ്പിച്ചു. എല്ലാ മത്സരങ്ങളിലുമായി ഈ സീസണിൽ 56 മത്സരങ്ങളിൽ നിന്ന് 34 ഗോളുകളും 25 അസിസ്റ്റുകളും റാഫീഞ്ഞ നേടിയിട്ടുണ്ട്. നിലവിൽ യുവേഫ ചാമ്പ്യൻസ് ലീഗിൽ 13 ഗോളുകളുമായി ടോപ് സ്കോറർമാരിൽ ഒരാളാണ് അദ്ദേഹം.

പരിശീലകൻ ഹാൻസി ഫ്ലിക്ക് 2027 വരെ കരാർ പുതുക്കിയതിന് തൊട്ടുപിന്നാലെയാണ് റാഫീഞ്ഞയുടെ കരാർ പുതുക്കിയത്. യുവതാരം ലമിൻ യമാലും (17) ഉടൻ തന്നെ തൻ്റെ കരാർ പുതുക്കുമെന്നും അദ്ദേഹത്തിൻ്റെ ഏജൻ്റ് ജോർജ് മെൻഡിസ് സ്ഥിരീകരിച്ചിട്ടുണ്ട്.

2022-ൽ ലീഡ്സ് യുണൈറ്റഡിൽ നിന്ന് 55 മില്യൺ പൗണ്ടിനാണ് റഫീഞ്ഞ ബാഴ്സയിൽ എത്തിയത്.

ലോകകപ്പ് യോഗ്യതാ മത്സരത്തിൽ ബ്രസീലിനെതിരെ 4-1 ന് ആധികാരിക വിജയം നേടിയ അർജന്റീന, ടൂർണമെന്റിൽ തങ്ങളുടെ യോഗ്യത ഉറപ്പിച്ചു. എന്നിരുന്നാലും, മത്സരത്തിന് മുമ്പ് ബ്രസീലിയൻ കളിക്കാരുടെ, പ്രത്യേകിച്ച് റഫീഞ്ഞയുടെ, അർജന്റീനിയൻ ടീമിനെ ലക്ഷ്യം വച്ചുള്ള പ്രകോപനപരമായ പ്രസ്താവനകൾ അണ് മത്സര ശേഷവും ചർച്ച ആവുന്നത്.

ഉജ്ജ്വല വിജയത്തിന് ശേഷം, സംസാരിച്ച അർജന്റീന താരം റോഡ്രിഗോ ഡി പോൾ ഈ വിഷയത്തിൽ പ്രതികരിച്ചു,ൽ. കഠിനാധ്വാനത്തിലൂടെയും വിജയത്തിലൂടെയും ആണ് അർജന്റീന അവർക്കുള്ള ബഹുമാനം നേടിയെടുത്തത് എന്ന് അദ്ദേഹം വ്യക്തമാക്കി.

“ഞങ്ങൾ മത്സരത്തിന് മുമ്പ് ആരെയും പുച്ഛിക്കാറില്ല. അനാദരവ് കാണിക്കാറില്ല. ഈ വർഷങ്ങളിലെല്ലാം, ഞങ്ങളോട് പലരും വളരെയധികം അനാദരവ് കാണിച്ചിട്ടുണ്ട്. ആരും ഞങ്ങളെ സഹായിച്ചില്ല. ഞങ്ങൾ എല്ലാം സ്വന്തമായി നേടിയെടുത്തതാണ്. ഞങ്ങൾ അത് തെളിയിച്ചുകൊണ്ടിരിക്കുന്നു.” ഡി പോൾ പറഞ്ഞു.

“കഴിഞ്ഞ ആറ് വർഷമായി, ഞങ്ങൾ ഏറ്റവും മികച്ച ദേശീയ ടീമാണ്. അവർ ഞങ്ങളെ ബഹുമാനിക്കട്ടെ,” ഡി പോൾ പറഞ്ഞു.

കോപ്പ അമേരിക്ക, ലോകകപ്പ് എന്നിവയുൾപ്പെടെ സമീപ വർഷങ്ങളിൽ പ്രധാന കിരീടങ്ങൾ നേടിയ അർജന്റീന ലോക ഫുട്ബോളിലെ ആധിപത്യത്തെയാണ് അദ്ദേഹത്തിന്റെ വാക്കുകൾ പ്രതിഫലിപ്പിക്കുന്നത്.