Tag: Rahul Dravid

ഇന്ത്യൻ പരിശീലകനായി ചുമതലയേറ്റ മുൻ ഇന്ത്യൻ താരം രാഹുൽ ദ്രാവിഡിന്റെ അനുഭവസമ്പത്ത് യുവതാരങ്ങൾക്കും സീനിയർ താരങ്ങൾക്കും ഗുണം ചെയ്യുമെന്ന് ഇന്ത്യൻ ടെസ്റ്റ് ബാറ്റ്സ്മാൻ ചേതേശ്വർ പൂജാര. ന്യൂസിലാൻഡിനെതിരായ ഒന്നാം ടെസ്റ്റിൽ ഇന്ത്യ രാഹുൽ ദ്രാവിഡിന് കീഴിൽ കളിക്കാനിരിക്കെയാണ് പൂജാരയുടെ പ്രതികരണം.

രാഹുൽ ദ്രാവിഡിന് കീഴിൽ അണ്ടർ 19/ ഇന്ത്യ എ ടീം മത്സരങ്ങളിൽ കളിച്ച താരങ്ങൾക്ക് ദ്രാവിഡ് ഇന്ത്യൻ പരിശീലകൻ ആവുന്നത് ഗുണം ചെയ്യുമെന്നും പൂജാര പറഞ്ഞു. ഇന്ത്യക്ക് വേണ്ടി 164 ടെസ്റ്റ് മത്സരങ്ങൾ കളിച്ച അനുഭവസമ്പത്ത് ഉള്ള താരമാണ് രാഹുൽ ദ്രാവിഡ്. രവി ശാസ്ത്രിയിൽ നിന്ന് പരിശീലക സ്ഥാനം ഏറ്റെടുത്തതിന് ശേഷമുള്ള ആദ്യ ടെസ്റ്റ് പരമ്പരകൂടിയാണ് ന്യൂസിലാൻഡിനെതിരെയുള്ളത്. വ്യാഴാഴ്ച ഇന്ത്യയും ന്യൂസിലാൻഡും തമ്മിലുള്ള ആദ്യ ടെസ്റ്റ് മത്സരം.

ഇന്ത്യന്‍ ടീം ക്രിക്കറ്റിലെ ഏതെങ്കിലും ഒരു ഫോര്‍മാറ്റിന് പ്രാധാന്യം നല്‍കുന്ന സമീപനം അല്ല ഉണ്ടാകുകയെന്നും മൂന്ന് ഫോര്‍മാറ്റുകളും ടീമിന് ഒരു പോലെ പ്രാധാന്യമുള്ളതായിരിക്കുമെന്നും പറഞ്ഞ് ടീമിന്റെ പുതിയ കോച്ച് രാഹുല്‍ ദ്രാവിഡ്.

ന്യൂസിലാണ്ടിനെതിരെയുള്ള ടി20 പരമ്പരയ്ക്ക് മുമ്പായിരുന്നു രാഹുല്‍ ദ്രാവിഡിന്റെ പ്രതികരണം. ഏത് ഫോര്‍മാറ്റിലായിരിക്കും ഇന്ത്യ കൂടുതൽ ശ്രദ്ധ ചെലുത്തേണ്ടത് എന്ന ചോദ്യത്തിനുള്ള മറുപടിയായാണ് ദ്രാവിഡിന്റെ പ്രതികരണം.

ഇന്ത്യയുടെ സീനിയര്‍ പുരുഷ ടീമിന്റെ കോച്ചായി രാഹുല്‍ ദ്രാവിഡിനെ ഔദ്യോഗികമായി പ്രഖ്യാപിച്ച് ബിസിസിഐ. ആര്‍പി സിംഗ്, സുലക്ഷണ നായിക് എന്നിവര്‍ അടങ്ങിയ ക്രിക്കറ്റ് അഡ്വൈസറി കമ്മിറ്റിയാണ് ഇന്ത്യയുടെ പുതിയ കോച്ചിനെ ഐകകണ്ഠേന പ്രഖ്യാപിച്ചത്.

ന്യൂസിലാണ്ടിനെതിരെ ലോകകപ്പിന് ശേഷം നടക്കുന്ന ഹോം സീരീസിൽ ദ്രാവിഡ് ചുമതലയേറ്റെടുക്കും. രവി ശാസ്ത്രിയുടെ പിന്തുടര്‍ച്ചക്കാരനായി ബിസിസിഐ പുതിയ കോച്ചിന്റെ അപേക്ഷ ശ്രമിച്ചിരുന്നു.

ഇന്ത്യൻ ക്രിക്കറ്റ് ടീമിന്റെ പരിശീലകനാവാനുള്ള അപേക്ഷ നൽകി മുൻ ഇന്ത്യൻ താരം രാഹുൽ ദ്രാവിഡ്. അപേക്ഷ സമർപ്പിക്കാനുള്ള അവസാന ദിവസമായ ഇന്നലെയാണ് രാഹുൽ ദ്രാവിഡ് അപേക്ഷ സമർപ്പിച്ചത്. നിലവിൽ രാഹുൽ ദ്രാവിഡ് തന്നെ ഇന്ത്യൻ ടീമിന്റെ പരിശീലകനാവുമെന്നാണ് കരുതപ്പെടുന്നത്.

രാഹുൽ ദ്രാവിഡിനെ കൂടാതെ നാഷണൽ ക്രിക്കറ്റ് അക്കാദമിയിലെ പരിശീലകരായ പരാസ് മാംബ്രെ ബൗളിംഗ് പരിശീലകനായും അഭയ് ശർമ്മ ഫീൽഡിങ് പരിശീലകനായും നേരത്തെ തന്നെ അപേക്ഷ നൽകിയിരുന്നു. ന്യൂസിലാൻഡിനെതിരായ ഹോം പാരമ്പരയാവും രാഹുൽ ദ്രാവിഡിന്റെ നേതൃത്വത്തിൽ ഇന്ത്യൻ ടീം ഇറങ്ങുന്ന ആദ്യ പരമ്പര. ദ്രാവിഡ് നാഷണൽ ക്രിക്കറ്റ് അക്കാദമി മേധാവി സ്ഥാനം ഉപേക്ഷിക്കുന്നതോടെ വി.വി.എസ് ലക്ഷ്മൺ, അനിൽ കുംബ്ലെ എന്നിവരിൽ ഒരാളെ നാഷണൽ ക്രിക്കറ്റ് അക്കാദമിയുടെ മേധാവിയാക്കാൻ ബി.സി.സി.ഐ ശ്രമിക്കുന്നുണ്ട്.

ഇന്ത്യയുടെ ന്യൂസിലാണ്ടിനെതിരെയുള്ള ഹോം സീരീസിനായി രാഹുല്‍ ദ്രാവിഡ് കോച്ചായി എത്തുമെന്ന് അഭ്യൂഹം. താരം താത്കാലികമായി ഈ പരമ്പരയ്ക്കായി ഇന്ത്യയുടെ കോച്ചിംഗ് ദൗത്യം ഏറ്റെടുക്കുമെന്നാണ് ലഭിയ്ക്കുന്ന വിവരം. 2 ടെസ്റ്റ് മത്സരങ്ങളും മൂന്ന് ടി20 മത്സരവുമാണ് ഈ വര്‍ഷം ഇന്ത്യും ന്യൂസിലാണ്ടും തമ്മില്‍ കളിക്കാനിരിക്കുന്നത്.

ലോകകപ്പിന് ശേഷം ഇന്ത്യയുടെ കോച്ചിംഗ് സ്റ്റാഫിനെ അടിമുടി മാറ്റുവാനാണ് ബിസിസിഐ ആലോചന. ഇന്ത്യയ്ക്ക് ഒരു സ്ഥിരം കോച്ച് എത്തുന്നത് വരെ രാഹുല്‍ ദ്രാവിഡിന് താത്കാലിക ചുമതല നല്‍കുവാനാണ് ബിസിസിഐയുടെ തീരുമാനം.