Tag: Rafael Varane

ഇംഗ്ലീഷ് പ്രീമിയർ ലീഗ് ക്ലബായ മാഞ്ചസ്റ്റർ യുണൈറ്റഡ് സെന്റർ ബാക്ക് വരാനെ ക്ലബ് വിടും എന്ന് ഉറപ്പായി. താരം ഇന്ന് ഒരു ഔദ്യോഗിക പ്രസ്താവനയിലൂടെ മാഞ്ചസ്റ്റർ യുണൈറ്റഡ് ആരാധകരോട് യാത്ര പറഞ്ഞു. നാളെ നടക്കുന്ന ന്യൂകാസിലിന് എതിരായ മത്സരം ആകും തന്റെ അവസാന ഹോം മത്സരം എന്ന് യുണൈറ്റഡ് ആരാധകരോടായി വരാനെ പറഞ്ഞു.

ഈ സീസൺ അവസാനം വരെയുള്ള കരാർ മാത്രമെ വരാനെയ്ക്ക് യുണൈറ്റഡിൽ ഉള്ളൂ.
ജനുവരി മുതൽ വരാനെ ഫ്രീ ഏജന്റാണ്. അവസാന രണ്ട് സീസണിൽ അധികമായി യുണൈറ്റഡിനൊപ്പം ഉണ്ടായിരുന്ന വരാനെക്ക് കുറച്ച് കാലമായി ഫിറ്റ്നസ് പ്രശ്നങ്ങൾ ഉണ്ടായിരുന്നു.

ടെൻ ഹാഗ് അടുത്ത സീസണിൽ പുതിയ സെന്റർ ബാക്കുകളെ വാങ്ങാൻ ശ്രമിക്കും എന്നാണ് സൂചന. വരാനെയെ തേടി സൗദി അറേബ്യൻ ക്ലബുകൾ ഇപ്പോൾ രംഗത്ത് ഉണ്ട്. യുവന്റസും താരവുമായി ചർച്ചകൾ നടത്തുന്നുണ്ട്.

വരാനെ ഈ സീസണിൽ കളിച്ചപ്പോൾ നല്ല പ്രകടനം കാഴ്ചവെച്ചു എങ്കിലും നിരന്തരം പരിക്ക് അദ്ദേഹത്തിന് വില്ലനായി വന്നിരുന്നു. ഇപ്പോഴും വരാനെ പരിക്കേറ്റ് പുറത്താണ്‌.

മാഞ്ചസ്റ്റർ യുണൈറ്റഡിന് ഒരു തിരിച്ചടി കൂടെ. അവരുടെ പ്രധാന സെന്റർ ബാക്ക് ആയ റാഫേൽ വരാനെക്ക് പരിക്കേറ്റിരിക്കുകയാണ്. അടുത്ത ആഴ്ചകളിൽ താരം ടീമിനൊപ്പം ഉണ്ടാകില്ല എന്ന് ക്ലബ് അറിയിച്ചു. പ്രീമിയർ ലീഗിൽ നോട്ടിങ്ഹാം ഫോറസ്റ്റിന് എതിരായ മത്സരത്തിന് ഇടയിൽ വരാനെക്ക് പരിക്കേറ്റിരുന്നു. അദ്ദേഹം രണ്ടാം പകുതിയിൽ കളത്തിൽ ഇറങ്ങിയിരുന്നില്ല. ഇമി ഇന്റർ നാഷണൽ ബ്രേക്ക് കഴിഞ്ഞു മാത്രമെ വരാനെ തിരികെയെത്താൻ സാധ്യതയുള്ളൂ.

അടുത്ത മത്സരത്തിൽ മാഞ്ചസ്റ്റർ യുണൈറ്റഡ് ആഴ്സണലിനെ നേരിടാൻ ഇരിക്കുകയാണ്. അതിനിടയിൽ ഈ വാർത്ത യുണൈറ്റഡിന് വലിയ തിരിച്ചടിയാണ്‌. വരാനെയുടെ അഭാവത്തിൽ ലിസാൻഡ്രോയും ലിൻഡെലോഫും ആകും യുണൈറ്റഡിന്റെ സെന്റർ ബാക്കുകൾ.

മാഞ്ചസ്റ്റർ യുണൈറ്റഡ് നിരയിൽ ലൂക് ഷോ, മേസൺ മൗണ്ട്, ഹൊയ്ലുണ്ട്, മലാസിയ തുടങ്ങി നിരവധി താരങ്ങൾ പരിക്കിന്റെ പിടിയിലാണ്.

പ്രീമിയർ ലീഗിൽ വിജയത്തോടെ തുടങ്ങി മാഞ്ചസ്റ്റർ യുണൈറ്റഡ്. ഇന്ന് ഓൾഡ്ട്രാഫോർഡിൽ വോൾവ്സിന് എതിരെ മറുപടിയില്ലാത്ത ഒരു ഗോളിനാണ് മാഞ്ചസ്റ്റർ യുണൈറ്റഡ് വിജയിച്ചത്. അത്ര തൃപ്തികരമായിരുന്നില്ല യുണൈറ്റഡിന്റെ പ്രകടനം എങ്കിലും വരാനെ നേടിയ യുണൈറ്റഡ് വിജയം ഉറപ്പിച്ചു. ഏറെ അവസര‌ങ്ങൾ വോൾവ്സ് തുലച്ചതാണ് യുണൈറ്റഡിന് സഹായമായത്.

ഇന്ന് പ്രീമിയർ ലീഗിൽ മികച്ച തുടക്കം ആഗ്രഹിച്ച് ഇറങ്ങിയ മാഞ്ചസ്റ്റർ യുണൈറ്റഡിന് വലിയ വെല്ലുവിളിയാണ് വോൾവ്സിൽ നിന്ന് നേരിട്ടത്‌. ഓൾഡ്ട്രാഫോർഡിൽ ആദ്യ പകുതിയിൽ വോൾവ്സ് ആയിരുന്നു മികച്ചു നിന്നത്. ഒനാനയെ പരീക്ഷിക്കാൻ അവർക്ക് ആയില്ല എങ്കിലും നല്ല അവസരങ്ങൾ അവർ സൃഷ്ടിച്ചു. മാഞ്ചസ്റ്റർ യുണൈറ്റഡിന് ആദ്യ പകുതിയിൽ താളം കണ്ടെത്താനെ ആയില്ല. വീണു കിട്ടിയ ചില നല്ല അവസരങ്ങൾ മുതലാക്കാനും അവർക്ക് ആയില്ല.

രണ്ടാം പകുതിയുടെ തുടക്കത്തിൽ വോൾവ്സിന് ഒരു തുറന്ന അവസരം ലഭിച്ചു എങ്കിലും മാത്യുസ് കുന്യയുടെ ഷോട്ട് പോസ്റ്റിൽ തട്ടി മടങ്ങി. 55 മിനുട്ടിൽ ഒനാനയുടെ ഒരു സേവും യുണൈറ്റഡിന്റെ രക്ഷയ്ക്ക് എത്തി. പരിഹാരം കണ്ടെത്താൻ ആകാത്തതോടെ മാഞ്ചസ്റ്റർ യുണൈറ്റഡ് എറിസ്കണെയും സാഞ്ചോയെയും കളത്തിൽ ഇറക്കി.

മാറ്റങ്ങൾ യുണൈറ്റഡിന് ഗുണമായി മാറി. ആക്രമിച്ചു തുടങ്ങിയ യുണൈറ്റഡ് 75ആം മിനുട്ടിൽ വരാനെയിലൂടെ ലീഡ് എടുത്തു. വാൻ ബിസാക നൽകിയ ക്രോസിൽ നിന്ന് ഒരു ഹെഡറിലൂടെ വരാനെ പന്ത് വലയിൽ എത്തിക്കുകയായിരുന്നു. സ്കോർ 1-0. ഈ ഗോളിന് ശേഷം നിരവധി അവസരങ്ങൾ വോൾവ്സ് സൃഷ്ടിച്ചു എങ്കിലും ഒനാനയും യുണൈറ്റഡ് ഡിഫൻസും അവരുടെ വിജയം ഉറപ്പിച്ചു.