Tag: Qatar 2022

ലോകകപ്പ് യാഥാർത്ഥ്യം ആക്കാൻ ആയി ഖത്തർ നടത്തിയ മനുഷ്യാവകാശ ലംഘനങ്ങൾക്ക് എതിരെ ശക്തമായി പ്രതിഷേധം അറിയിച്ചു ജർമ്മൻ ബുണ്ടസ് ലീഗ ക്ലബുകളുടെ ആരാധകർ. ബയേൺ മ്യൂണിക്, ബൊറൂസിയ ഡോർട്ട്മുണ്ട് അടക്കം ജർമ്മനിയിലെ ഏതാണ്ട് എല്ലാ ക്ലബുകളുടെ ആരാധകരും തങ്ങളുടെ വിയോജിപ്പ് പരസ്യമാക്കി. നേരത്തെ തന്നെ ഖത്തറിലെ മനുഷ്യാവകാശ ലംഘനങ്ങൾക്ക് എതിരെ വലിയ പ്രതിഷേധം പല കോണിൽ നിന്നും ഉയർന്നിരുന്നു.

‘5,760 മിനിറ്റുകളുടെ ഫുട്‌ബോളിനു ആയി 15,000 ജീവനുകൾ നഷ്ടമാക്കി, shame on you’ എന്നിങ്ങനെ അടക്കം എഴുതിയ വലിയ ബാനറുകളുമായി ആണ് ആരാധകർ മത്സരം കാണാൻ ജർമ്മനിയിൽ എത്തിയത്. വലിയ വിഭാഗം കുടിയേറ്റ തൊഴിലാളികൾ ഖത്തറിൽ ലോകകപ്പ് സ്റ്റേഡിയം പണിയിൽ അടക്കം ഏർപ്പെട്ടപ്പോൾ മരിച്ചത് ആയി റിപ്പോർട്ടുകൾ വന്നിരുന്നു. എന്നാൽ ഈ കണക്കുകൾ പെരുപ്പിച്ചു കാണിക്കുന്നത് ആണ് എന്നു മറുപടി പറയുന്ന ഖത്തർ ആരോപണങ്ങൾ നിഷേധിക്കുന്നുണ്ട്. ഖത്തറിന്റെയും ഫിഫയുടെയും ഇത്തരം പ്രവർത്തികളിൽ പ്രതിഷേധിച്ച് ലോകകപ്പ് കിരീടം നേടിയ ജർമ്മൻ ക്യാപ്റ്റൻ ഫിലിപ്പ് ലാം അടക്കം പലരും തങ്ങൾ ഖത്തറിലേക്ക് ഇല്ല എന്നു നേരത്തെ പ്രഖ്യാപിച്ചിരുന്നു.

36 വർഷങ്ങൾക്ക് ശേഷം ഫിഫ ലോകകപ്പ് കളിക്കാൻ യോഗ്യത നേടിയ കാനഡക്ക് വലിയ ആശങ്കയായി ലെഫ്റ്റ് ബാക്ക് അൽഫോൺസോ ഡേവിസിന്റെ പരിക്ക്. ബയേൺ മ്യൂണിക്കിന്റെ ഹെർത്ത ബെർലിന് എതിരായ വിജയത്തിന് ഇടയിൽ വിജയത്തിന് നിറം കെടുത്തിയാണ് താരത്തിന്റെ പരിക്ക് എത്തിയത്.

രണ്ടാം പകുതിയിൽ ഹാംസ്ട്രിങ് പരിക്ക് കാരണം താരം കളം വിടുക ആയിരുന്നു. ലോകകപ്പ് ആരംഭിക്കാൻ വെറും രണ്ടാഴ്ച ബാക്കിയുള്ളപ്പോൾ തങ്ങളുടെ പ്രധാന താരങ്ങളിൽ ഒരാൾ ആയ അൽഫോൺസോ ഡേവിസിനെ നഷ്ടമാവുന്നത് കാനഡക്ക് വലിയ തിരിച്ചടിയാണ്. ലോകകപ്പിന് മുമ്പ് താരം തിരിച്ചെത്തുമോ എന്നു ഇപ്പോൾ വ്യക്തമല്ല. ലോകകപ്പിൽ ഗ്രൂപ്പ് എഫിൽ ബെൽജിയം, ക്രൊയേഷ്യ, മൊറോക്കോ ടീമുകൾക്ക് ഒപ്പം ആണ് കാനഡയുടെ സ്ഥാനം.

ഖത്തർ ലോകകപ്പ് നടക്കാൻ രണ്ട് ആഴ്ച മാത്രം ഇരിക്കെ താരങ്ങളുടെ മേൽ വലിയ രാഷ്ട്രീയ സമ്മർദ്ദം ഉയർത്തുന്നത് ശരിയല്ല എന്ന് ലിവർപൂൾ പരിശീലകൻ ക്ലോപ്പ്. ഇപ്പോൾ കളിക്കാർ ഒരോ മത്സരത്തിലും സമൂഹത്തിന് ഒരു സന്ദേശം നൽകേണ്ട അവസ്ഥയിലാണ്. ഈ കാര്യം താൻ ഇഷ്ടപ്പെടുന്നില്ല എന്ന് ക്ലോപ്പ് പറഞ്ഞു.

കളിക്കാരോട് നിങ്ങൾ ഈ ആംബാൻഡ് ധരിക്കണം അല്ലെങ്കിൽ നിങ്ങൾ ഇത് ചെയ്തില്ലെങ്കിൽ നിങ്ങൾ അവരുടെ പക്ഷത്തല്ല. നിങ്ങൾ ഇത് ചെയ്താൽ നിങ്ങൾ അവരുടെ പക്ഷത്താണ് എന്നെല്ലാം പറയുന്നത് ശരിയല്ല. ഇവർ ഫുട്ബോൾ കളിക്കാരാണ് രാഷ്ട്രീയക്കരല്ല. ക്ലോപ്പ് പറഞ്ഞു.

ലോകകപ്പ് എന്നത് ഒരു ടൂർണമെന്റാണ്, കളിക്കാർ അവിടെ പോയി കളിക്കുകയും അവരുടെ രാജ്യങ്ങൾക്കായി ഏറ്റവും മികച്ചത് നൽകുകയും ചെയ്യും. അവർക്ക് ഈ രാഷ്ട്രീയ സാഹചര്യങ്ങളുമായി ഒരു ബന്ധവുമില്ല. 12 വർഷം മുമ്പ് ഖത്തറിന് ലോകകപ്പ് നൽകിയപ്പോൾ ഒന്നും ചെയ്യാത്തവർ ഇപ്പോൾ താരങ്ങൾ എന്തെങ്കിലും ചെയ്യണം എന്ന് പറയുന്നതിൽ കാര്യമില്ല ക്ലോപ്പ് പറഞ്ഞു.

ഖത്തർ ലോകകപ്പിന് എത്തുന്ന ഡെന്മാർക്ക് ദേശീയ ടീം തങ്ങളുടെ ഫുട്‌ബോൾ കിറ്റിലൂടെ ഖത്തറിലെ കുടിയേറ്റ ജോലിക്കാർക്ക് എതിരെയുള്ള മനുഷ്യാവകാശ ലംഘനങ്ങൾക്ക് എതിരെ പ്രതിഷേധിക്കും. ഡെന്മാർക്ക് ടീമിന്റെ ജെഴ്‌സി സ്പോൺസർ ആയ ഹമ്മൽ 1992 ലെ യൂറോ കപ്പ് ജെഴ്‌സിയിൽ പ്രചോദനം ഉൾക്കൊണ്ട കിറ്റ് ആണ് അവർക്ക് ആയി ഒരുക്കിയത്. എന്നാൽ ജെഴ്‌സിയിൽ ടീം ലോഗോയും സ്പോൺസർമാരുടെ ലോഗോയും എല്ലാം മങ്ങി ആയിരിക്കും കാണുക. ഇത് കൂടാതെ പ്രതിഷേധത്തിന്റെ ഭാഗമായി അവരുടെ മൂന്നാം ജെഴ്‌സി മുഴുവൻ കറുത്ത നിറത്തിൽ ആണ്. വിലാപത്തിന്റെ നിറമായ കറുപ്പ് തങ്ങൾ പ്രതിഷേധത്തിന് ആയി തിരഞ്ഞെടുക്കുക ആണെന്ന് ഡെന്മാർക്ക് അധികൃതരും വ്യക്തമാക്കി.

ഡെന്മാർക്ക് ദേശീയ ടീമിനെ ഞങ്ങൾ പിന്തുണക്കുന്നു എന്നാൽ ആയിരക്കണക്കിന് ആളുകളെ മരണത്തിനു തള്ളി വിട്ട ഖത്തറിനെ പിന്തുണക്കാൻ ഞങ്ങൾക്ക് ആവില്ല എന്നാണ് ഹമ്മൽ ഔദ്യോഗികമായി വ്യക്തമാക്കിയത്. അതിനാൽ തന്നെ ഖത്തറിൽ ഞങ്ങളുടെ ലോഗോ ഒന്നും കാണരുത് എന്നാണ് തങ്ങളുടെ ലക്ഷ്യം എന്നും അവർ കൂട്ടിച്ചേർത്തു. ഡെന്മാർക്കിന്റെ ആദ്യ ജെഴ്‌സി ചുവപ്പും രണ്ടാം ജെഴ്‌സി വെള്ളയും ആണ്. ഡെന്മാർക്ക് പരിശീലനത്തിന് ഇടുന്ന ജെഴ്‌സിയിലെ സ്പോൺസർമാരും ഖത്തറിനു എതിരായ പ്രതിഷേധങ്ങൾക്ക് ഇടം നൽകാൻ ആയി പിന്മാറിയിട്ടുണ്ട്. ലോകകപ്പ് ആതിഥേയരാവും എന്നു ഉറപ്പായ ശേഷം ഇത് വരെ ഇന്ത്യക്കാർ അടക്കം 6,500 ൽ അധികം കുടിയേറ്റ ജോലിക്കാർ ലോകകപ്പും ആയുള്ള പണികളിൽ ഏർപ്പെടുന്നതിനു ഇടയിൽ മരിച്ചിട്ടുണ്ട് എന്നാണ് റിപ്പോർട്ടുകൾ.

എന്നാൽ ഔദ്യോഗിക കണക്കുകൾ പുറത്ത് വിടാനോ ഇതിനു എതിരായ പ്രതിഷേധങ്ങൾക്ക് ചെവി കൊടുക്കാനോ ഇത് വരെ ഖത്തർ തയ്യാറായിട്ടില്ല. ഇപ്പോഴും വെറും 40 തിൽ താഴെ മരണങ്ങൾ ആണ് ഇത്തരത്തിൽ സംഭവിച്ചത് എന്നാണ് ഖത്തർ വാദം. ഫിഫ ഖത്തറിനു എതിരെ വലിയ ശിക്ഷ നടപടികളോ മുന്നറിയിപ്പോ നൽകുന്നില്ല എന്ന വിമർശനവും പല രാജ്യങ്ങളും ഉയർത്തിയിട്ടുണ്ട്. അതേസമയം സ്വവർഗ അനുരാഗം പാപം ആയി കാണുന്ന ഖത്തറിൽ അനുവാദം ഇല്ലെങ്കിലും അവർക്ക് പിന്തുണ ആയി ‘റെയിൻബോ’ ആം ബാൻഡ് തങ്ങളുടെ ക്യാപ്റ്റൻ അണിയും എന്ന നിലപാട് ഹോളണ്ട് ടീം എടുത്തിരുന്നു. തുടർന്നു ഇതേ ആം ബാൻഡ് താൻ അണിയും എന്നു ഇംഗ്ലീഷ് ക്യാപ്റ്റൻ ഹാരി കെയിൻ വ്യക്തമാക്കിയിരുന്നു. നിലവിൽ ഹോളണ്ട്, ഇംഗ്ലണ്ട് എന്നിവർക്ക് പുറമെ ബെൽജിയം, ഡെന്മാർക്ക്, ഫ്രാൻസ്, ജർമ്മനി, വെയിൽസ്, സ്വിസർലാന്റ് ടീമുകളും ഈ പ്രതിഷേധം സ്വീകരിക്കും എന്നു അറിയിച്ചിട്ടുണ്ട്.

ലോക ഫുട്ബോളിൽ ഏറെ ആരാധകരുള്ള ടീമായ അർജന്റാന അവരുടെ പുതിയ എവേ ജേഴ്സി പുറത്തിറക്കി. ഖത്തർ ലോകകപ്പിന് മുന്നോടിയായാണ് അർജന്റീന ജേഴ്സി പുറത്തിറക്കിയിരിക്കുന്നത്. നേരത്തെ ഹോം ജേഴ്സിയും അർജന്റീന പുറത്തിറക്കിയിരുന്നു. അഡിഡാസാണ് ജേഴ്സി ഒരുക്കിയിരിക്കുന്നത്‌. ഇന്ന് മുതൽ അഡിഡാസ് സ്റ്റോറുകളിൽ ജേഴ്സി ലഭ്യമാകും. ജേഴ്സി ഡിസൈന് ആരാധകർക്ക് ഇടയിൽ നല്ല പ്രതികരണം ആണ് ലഭിക്കുന്നത്‌. മെസ്സിക്ക് ഒപ്പം ഒരു ലോകകപ്പ് എന്ന സ്വപ്നം ഖത്തറിൽ സാധിക്കും എന്ന പ്രതീക്ഷയിലാണ് അർജന്റീന ഇപ്പോൾ.