Tag: Punjab Kings

ഐപിഎലില്‍ താന്‍ ആറ് വര്‍ഷമായി കളിക്കുന്നതാണെന്നും അതിനാൽ തന്നെ തന്റെ ആത്മവിശ്വാസം ഉയര്‍ന്ന നിലയിലാണെന്നും ഇപ്പോള്‍ ഈ ഇതിഹാസങ്ങള്‍ക്കെതിരെ പന്തെറിയുമ്പോള്‍ സാധാരണ പോലെയാണ് തോന്നുന്നതെന്നും പറഞ്ഞ് പഞ്ചാബ് സ്പിന്നര്‍ ഹര്‍പ്രീത് ബ്രാര്‍. ഇന്നലെ ഐപിഎലില്‍ ചെന്നൈ – പഞ്ചാബ് മത്സരത്തിലെ താരമായി തിരഞ്ഞെടുക്കപ്പെട്ടത് ബ്രാറിനെ ആയിരുന്നു.

തന്റെ നാലോവറിൽ വെറും 17 റൺസ് മാത്രം വിട്ട് നൽകി 2 വിക്കറ്റാണ് ബ്രാര്‍ നേടിയത്. രഹാനെയെയും ശിവം ദുബേയെയും അടുത്തടുത്ത പന്തുകളിൽ പുറത്താക്കി ഹര്‍പ്രീത് സമ്മര്‍ദ്ദം സൃഷ്ടിച്ചപ്പോള്‍ രാഹുല്‍ ചഹാറും മികച്ച രീതിയിൽ പന്തെറിയുകയായിരുന്നു. 16 റൺസ് മാത്രം വിട്ട് നൽകി 2 വിക്കറ്റാണ് ചഹാര്‍ നേടിയത്.

ഇന്ന് നടന്ന ഇന്ത്യൻ പ്രീമിയർ ലീഗ് മത്സരത്തിൽ പഞ്ചാബ് കിംഗ്സ് നിർണായകമായ വിജയം നേടി. ചെന്നൈ സൂപ്പർ കിംഗ്സിനെ ചെന്നൈയിൽ വെച്ച് നടന്ന മത്സരത്തിൽ 6 വിക്കറ്റിനാണ് പഞ്ചാബ് തോൽപ്പിച്ചത്. ചെന്നൈ ഉയർത്തിയ 163 എന്ന ടാർഗറ്റ് ലക്ഷ്യം വെച്ചിറങ്ങിയ പഞ്ചാബിന് തുടക്കത്തിൽ പെഅബ്സിമ്രനെ നഷ്ടമായെങ്കിലും അവർ ശക്തമായി തന്നെ കളിച്ചു. ബെയർസ്റ്റോയും റുസോയും ചേർന്ന് പഞ്ചാബിന് ശക്തമായ തുടക്കം നൽകി. ബെയർസ്റ്റോ 30 പന്തിൽ 46 റൺസ് എടുത്താണ് പുറത്തായത്. ഒരു സിക്സും ഏഴ് ഫോറും താരം അടിച്ചു.

റുസോ 20 പന്തിൽ 43 റൺസും എടുത്തു. രണ്ട് സിക്സും അഞ്ജു ഫോറും താരത്തിന്റെ ബാറ്റിൽ നിന്ന് ഒഴുകി. ഇതിനുശേഷം ചെന്നൈ സമ്മർദ്ദം ഉയർത്താൻ ശ്രമിച്ചു എങ്കിലും ശശാങ്ക് സിംഗും സാം കറനും ചേർന്ന് അവരെ അനായാസം വിജയത്തിലേക്ക് നയിച്ചു. ശശാങ്ക് 26 പന്തിൽ 25 റൺസ് എടുത്തും സാം കറൻ 20 പന്തിൽ 27 റൺസ് എടുത്തും പുറത്താകാതെ നിന്നു.

ഇന്ന് ആദ്യം ബാറ്റു ചെയ്ത ചെന്നൈ സൂപ്പര്‍ കിംഗ്സിനെ 162/7 എന്ന സ്കോറിലൊതുക്കാൻ പഞ്ചാബ് കിംഗ്സിനായിരുന്നു. റുതുരാജ് ഗായക്വാഡ് അവസാന ഘട്ടത്തിൽ സ്കോറിംഗ് വേഗത്തിലാക്കുവാന്‍ ശ്രമിച്ചതൊഴിച്ചാൽ ഇന്ന് ഇറങ്ങിയ ചെന്നൈ ബാറ്റര്‍മാര്‍ക്കാര്‍ക്കും തന്നെ കാര്യമായ പ്രഭാവം ഉണ്ടാക്കുവാന്‍ മത്സരത്തിൽ സാധിച്ചില്ല.

അതിവേഗത്തിൽ സ്കോര്‍ ചെയ്യുവാന്‍ ഒരു ചെന്നൈ താരത്തിനും കഴിയാതെ പോയപ്പോള്‍ ഒന്നാം വിക്കറ്റിൽ റുതുരാജ് – അജിങ്ക്യ കൂട്ടുകെട്ട് 64 റൺസാണ് നേടിയത്. 24 പന്തിൽ 29 റൺസ് നേടിയ രഹാനെയെ ഹര്‍പ്രീത് ബ്രാര്‍ പുറത്താക്കിയപ്പോള്‍ റൺ റേറ്റ് ഉയര്‍ത്തുവാന്‍ എത്തിയ ശിവം ദുബേ ഗോള്‍ഡന്‍ ഡക്ക് ആകുകയായിരുന്നു. രവീന്ദ്ര ജഡേജയെ രാഹുല്‍ ചഹാര്‍ പുറത്താക്കുമ്പോള്‍ ചെന്നൈ 9.5 ഓവറിൽ 70/3 എന്ന നിലയിലായിരുന്നു.

റുതുരാജും സമീര്‍ റിസ്വിയും ചേര്‍ന്ന് നാലാം വിക്കറ്റിൽ 37 റൺസ് നേടിയപ്പോള്‍ 21 റൺസ് നേടിയ റിസ്വിയെ കാഗിസോ റബാഡ പുറത്താക്കി. 16 ഓവര്‍ പിന്നിടുമ്പോള്‍ 111/4 എന്ന നിലയിലായിരുന്ന ചെന്നൈ സാം കറന്‍ എറിഞ്ഞ അടുത്ത ഓവറിൽ 20 റൺസാണ് നേടിയത്. ഗായക്വാഡ് രണ്ട് സിക്സും ഒരു ഫോറുമാണ് നേടിയത്. 18ാം ഓവറിൽ അര്‍ഷ്ദീപിനെ മോയിന്‍ അലി ഒരു സിക്സും ഒരു ഫോറും പറത്തിയപ്പോള്‍ ഓവറിലെ അഞ്ചാം പന്തിൽ ഗായക്വാഡിനെ താരം പുറത്താക്കി.

ഈ കൂട്ടുകെട്ട് 15 പന്തിൽ 38 റൺസാണ് നേടിയത്. റുതുരാജ് 48 പന്തിൽ 62 റൺസ് നേടി പുറത്തായി. തൊട്ടടുത്ത ഓവറിൽ രാഹുല്‍ ചഹാര്‍ മോയിന്‍ അലിയുടെ വിക്കറ്റും നേടി. 9 പന്തിൽ 15 റൺസാണ് മോയിന്‍ അലി നേടിയത്. അവസാന ഓവറിൽ ഒരു ഫോറും സിക്സും നേടിയ ധോണി ഈ ഐപിഎലില്‍ ആദ്യമായി പുറത്തായി എന്ന സവിശേഷത കൂടി ഈ മത്സരത്തിലുണ്ടായി.

11 പന്തിൽ 14 റൺസ് നേടിയ ധോണി റണ്ണൗട്ടായപ്പോള്‍ ചെന്നൈയുടെ ഇന്നിംഗ്സ് 162/7 എന്ന സ്കോറിൽ അവസാനിച്ചു.

ഐപിഎല്ലിൽ ഇന്ന് നടന്ന മത്സരത്തിൽ കൊൽക്കത്ത നൈറ്റ് റൈഡേഴ്സിനെതിരെ പഞ്ചാബ് കിംഗ്‌സിന് ചരിത്ര വിജയം. ടി20 ചരിത്രത്തിലെ ഏറ്റവും വലിയ ചെയ്സിനാണ് ഇന്ന് ഈഡൻ ഗാർഡൻ സാക്ഷ്യം വഹിച്ചത്. റൺ ഒഴുകിയ ദിവസത്തിൽ കൊൽക്കത്ത ഉയർത്തിയ 262 എന്ന വലിയ സ്കോർസ് ചെയ്ത് പഞ്ചാബ് കിംഗ്സ് 8 വിക്കറ്റിന്റെ വിജയം ആണ് നേടിയത്.

പഞ്ചാബിന് ഇന്ന് മികച്ച തുടക്കമാണ് അവരുടെ ഓപ്പണർമാർ നൽകിയത്. പ്രബ്സിമ്രാൻ 20 പന്തിൽ 54 റൺസ് ആണ് അടിച്ചു കൂട്ടിയത്. ആദ്യ 6 ഓവറിൽ ബെയർസ്റ്റോയും പ്രബ്സിമ്രാനും കൂടി 93 റൺസ് അടിച്ചുകൂട്ടി. ഐപിഎൽ ചരിത്രത്തിൽ പഞ്ചാബിന്റെ ഏറ്റവും ഉയർന്ന പവർപ്ലേ സ്കോർ ആണിത്. ആദ്യ വിക്കറ്റ് പോയ ശേഷം ബെയിർസ്റ്റോയും റിലി റുസൊയും ആക്രമണം തുടർന്നു.

12 ഓവറിലേക്ക് അവർ 173 റൺസ് എടുത്തു. അവസാന 8 ഓവറിൽ 89 റൺസ് ആയിരുന്നു പഞ്ചാബിന് ജയിക്കാൻ വേണ്ടിയിരുന്നത്. അത് 6 ഓവറിൽ 66 ആയി കുറഞ്ഞു. 16 പന്തിൽ നിന്ന് 26 അടിച്ച റിലി റുസോയെ അവർക്ക് നഷ്ടമായി. പിറകെ വന്ന അശുതോഷും ആക്രമിച്ചു കളിച്ചു.

ബെയ്ർ സ്റ്റോ 45 പന്തിൽ സെഞ്ച്വറിയിൽ എത്തി. അവസാന 3 ഓവറിൽ പഞ്ചാബിന് 34 റൺസ് മാത്രമെ ജയിക്കാൻ വേണ്ടിയിരുന്നുള്ളൂ. ഹർഷിത് എറിഞ്ഞ 18ആം ഓവറിൽ തുടക്കത്തിൽ തന്നെ 2 സിക്സ് അടിച്ച് ശശാങ്ക് അർധ സെഞ്ച്വറി പൂർത്തിയാക്കി. 23 പന്തിലേക്ക് ശശാങ്ക് 50 കടന്നു. 18ആം ഓവർ കഴിഞ്ഞപ്പോൾ 2 ഓവറിൽ ജയിക്കാൻ വേണ്ടത് വെറും 9 റൺസ്.

ശശാങ്ക് ആകെ 28 പന്തിൽ 68 റൺസ് എടുത്ത് പുറത്താകാതെ നിന്നു. 8 സിക്സും 2 ഫോറും ശശാങ്ക് അടിച്ചു. ബെയർസ്റ്റോ 48 പന്തിൽ 108 റൺസുമായും പുറത്താകാതെ നിന്നു. 9 സിക്സും 8 ഫോറും ബെയർ സ്റ്റോ അടിച്ചു.

ഇന്ന് ആദ്യം ബാറ്റ് ചെയ്ത കൊൽക്കത്ത നൈറ്റ് റൈഡേഴ്സ് 20 ഓവറിൽ 261 എന്ന കൂറ്റൻ സ്കോർ ആണ് അടിച്ചത്. ഈഡൻ ഗാർഡനിലെ ടി20യിലെ ഏറ്റവും ഉയർന്ന സ്കോർ ആണ് ഇത്. ഓപ്പണർമാരായ സുനിൽ നരൈനും ഹിൽ സാൾട്ടും നൽകിയ മികച്ച തുടക്കമാണ് കൊൽക്കത്ത നൈറ്റ് റൈഡേഴ്സിന് കരുത്തായത്. ഓപ്പണിങ് വിക്കറ്റിൽ ഇരുവരും ചേർന്ന് 10.3 ഓവറിൽ 138 റൺസ് ആണ് അടിച്ചുകൂട്ടിയത്.

സീസണിലെ തന്റെ മൂന്നാം ഫിഫ്റ്റി അടിച്ച സുനിൽ നരൈൻ 32 പന്തിൽ നിന്ന് 71 റൺസ് ആണ് അടിച്ചത്. നാല് സിക്സും ഒമ്പത് ഫോറും സുനിൽ നരൈന്റെ ഇന്നിംഗ്സിൽ ഉൾപ്പെടുന്നു. ഫിൽ സാൾട്ട് ആകട്ടെ 37 പന്തിൽ 75 റൺസും അടിച്ചു. 6 സിക്സും ആറ് ഫോറും ആ ഇന്നിംഗ്സിൽ ഉണ്ടായിരുന്നു.

പിറകെ വന്ന റസർ 12 പന്തിൽ 24 റൺസ് എടുത്തു. 15 ഓവറിലേക്ക് കൊൽക്കത്ത 200 റൺസ് കടന്നു. ഇതു കഴിഞ്ഞ് ശ്രേയർ അയ്യറും വെങ്കിടേഷ് അയ്യറും ചേർന്ന് വെടിക്കെട്ട് നടത്തി. ശ്രേയസ് അയ്യർ 10 പന്തിൽ 28 റൺസ് അടിച്ചു. വെങ്കിടേഷ് അയ്യർ 23 പന്തിൽ 39 റൺസ് എടുത്ത് പുറത്തായി.

ഇന്ന് പഞ്ചാബ് കിങ്സ് വിജയിച്ചിരുന്നു എങ്കിൽ ഒരൊറ്റ പേര് മാത്രമെ കേൾക്കുമായിരുന്നുള്ളൂ. അശുതോഷ് ശർമ്മ എന്ന പേര്. അത്ര മികച്ച ഇന്നിംഗ്സ് ആയിരുന്നു താരം കളിച്ചത്. എന്നാൽ ഇന്ന് പഞ്ചാബ് മുംബൈ ഇന്ത്യൻസിനോട് 9 റൺസിന്റെ പരാജയം ഏറ്റുവാങ്ങിയത് കൊണ്ട് ആ പേര് ചിലപ്പോൾ വാഴ്ത്തപ്പെടില്ല. ഇന്ന് അശുതോഷ് കളിച്ച ഇന്നിംഗ്സ് കഴിഞ്ഞ ദിവസം ബട്ലർ രാജസ്ഥാൻ റോയൽസിനായി കളിച്ചതു പോലെ മനോഹരവും പ്രാധാന്യമുള്ളതും ആയിരുന്നു. പക്ഷെ താരത്തിന് ഫിനിഷിംഗ് ലൈനിലേക്ക് തന്റെ ടീമിനെ എത്തിക്കാൻ ആയില്ല.

പഞ്ചാബ് കിങ്സിനായി ഇന്ന് എട്ടാം സ്ഥാനത്ത് ഇറങ്ങിയ അശുതോഷ് കളി കൈവിട്ടെന്ന് പഞ്ചാബ് കരുതിയ സ്ഥലത്ത് നിന്നാണ് കളിയിലേക്ക് ടീമിനെ തിരിച്ചുകൊണ്ടുവന്നത്.

193 എന്ന വലിയ റൺ ചെയ്സ് ചെയ്ത പഞ്ചാബ് 9.2 ഓവറിൽ 77-6 എന്ന നിലയിൽ ഇരിക്കെ ആയിരിന്നു അശുതോഷ് കളത്തിൽ എത്തിയത്‌. തുടക്കത്തിൽ ശശാങ്കിനൊപ്പവും അതു കഴിഞ്ഞ് ബ്രാറിന്റെ ഒപ്പവും വലിയ കൂട്ടുകെട്ടുകൾ പടുത്തായിരുന്നു അശുതോഷിന്റെ പോരാട്ടം.

തന്റെ ആദ്യ ഫിഫ്റ്റിയും അശുതോഷ് ഇന്ന് നേടി. ആകെ 28 പന്തിൽ നിന്ന് 61 റൺസ് ആണ് അശുതോഷ് അടിച്ചത്. 7 സിക്സും 2 ഫോറും അശുതോഷ് നേടി. ഇതിൽ ബുമ്രയെ ഒരു സ്വീപ്പിലൂടെ സിക്സ് അടിച്ചതും ഉൾപ്പെടുന്നു.

ഇതാദ്യമായല്ല അശുതോഷ് പഞ്ചാബിനായി നല്ല പ്രകടനം നടത്തുന്നത്‌. ഈ സീസണിൽ അവസരം കിട്ടിയപ്പോൾ എല്ലാം അശുതോഷ് തിളങ്ങിയിരുന്നു. ഗുജറാത്തിന് എതിരെ 17 പന്തിൽ നിന്ന് 31 റൺസ്. സൺ റൈസേഴ്സിന് എതിരെ 15 പന്തിൽ 33, രാജസ്ഥാന് എതിരെ 16 പന്തിൽ 31 റൺസ് എന്നിങ്ങനെ അശുതോഷ് സ്കോർ ചെയ്തിരുന്നു.

ഡൊമസ്റ്റിക് ക്രിക്കറ്റ് റെയിൽവേസിനായി കളിക്കവെ 11 പന്തിൽ അർധ സെഞ്ച്വറി അടിച്ച് യുവരാജിന്റെ 12 പന്തിൽ ഫിഫ്റ്റി എന്ന റെക്കോർഡ് തകർത്ത താരമാണ് അശുതോഷ്. 25കാരനായ താരത്തിന്റെ ഐ പി എൽ സീസണാണ് ഇത്.

ഇന്ത്യൻ സൂപ്പർ ലീഗിൽ ഗുജറാത്ത് ടൈറ്റൻസിന് എതിരെ പഞ്ചാബ് കിംഗ്സിന് തകർപ്പൻ വിജയം. ഇന്ന് ഗുജറാത്ത് ഉയർത്തിയ 200 എന്ന വിജയലക്ഷ്യം 1 പന്ത് ശേഷിക്കെ ആണ് പഞ്ചാബ് മറികടന്നത്. ശശാങ്ക് സിംഗിന്റെയും അശുതോഷിന്റെയും ഗംഭീര ഇന്നിംഗ്സ് ആണ് അവർക്ക് ജയം നൽകിയത്. പഞ്ചാബിന്റെ സീസണിലെ രണ്ടാം വിജയമാണിത്.

ഇന്ന് അത്ര മികച്ച രീതിയിൽ അല്ല പഞ്ചാബ് അവരുടെ ചെയ്സ് ആരംഭിച്ചത്. ക്യാപ്റ്റൻ ധവാൻ ഒരു റൺ മാത്രം എടുത്ത് ഉമേഷ് യാദവിന്റെ പന്തിൽ പുറത്തായി‌. 22 റൺസ് എടുത്ത ബെയർസ്റ്റോയും 35 റൺസ് എടുത്ത പ്രബ്ശിമ്രനും പഞ്ചാബിനെ മുന്നോട്ട് നയിച്ചു എങ്കിലും കൃത്യമായ ഇടവേളകളിൽ പഞ്ചാബിന്റെ വിക്കറ്റുകൾ വീണു കൊണ്ടേയിരുന്നു.

സാം കറൻ 5 റൺസ് എടുത്തും 15 റൺസ് എടുത്ത സിക്കന്ദർ റാസയും നിരാശപ്പെടുത്തി. ശശാങ്ക് ആണ് പിന്നീട് പഞ്ചാബിന് പ്രതീക്ഷ നൽകിയത്. ശശാങ്ക് 25 പന്തിൽ നിന്ന് തന്റെ അർധ സെഞ്ച്വറിയിൽ എത്തി.

8 പന്തിൽ 16 റൺസ് എടുത്ത ജിതേഷും പഞ്ചാബിനെ ലക്ഷ്യത്തിന് അടുത്തേക്ക് എത്തിച്ചു. അവസാന 4 ഓവറിൽ 47 റൺസ് ആയിരുന്നു പഞ്ചാബിന് വേണ്ടിയിരുന്നത്. ഇമ്പാക്റ്റ് സബ്ബായി എത്തിയത അശുതോഷും പഞ്ചാബിനായി വേഗത്തിൽ റൺ കണ്ടെത്തി. ഒമർസായ് എറിഞ്ഞ 17ആം ഓവറിൽ 16 റൺസ് വന്നു. ഇതോടെ 2 ഓവറിൽ ജയിക്കാൻ 25 റൺസ് ആയി.

മോഹിത് എറിഞ്ഞ 19ആം ഓവറിലും റൺ ഒഴുകി. 18 റൺസ് വന്നു. ഇതോടെ അവസാന ഓവറിൽ ജയിക്കാൻ 7 റൺസ് മാത്രം. അവസാന ഓവർ എറിയാൻ എത്തിയത് ദർശൻ നാൽകണ്ടെ. ആദ്യ പന്തിൽ അശുതോഷിനെ പുറത്താക്കി. അശുതോഷ് 17 പന്തിൽ 31 റൺസ് എടുത്തു. 3 സിക്സും 1 ഫോറും അശുതോഷ് അടിച്ചു.

അടുത്ത പന്ത് വൈഡ്. ജയിക്കാ‌ൻ 5 പന്തിൽ 6 റൺസ്. ഹർപ്രീത് ബ്രാർ ആയിരുന്നു സ്ട്രൈക്കിൽ. അടുത്ത് പന്ത് ഡോട്ട്. 4 പന്തിൽ 6 എന്നായി. അടുത്ത പന്തിൽ സിംഗിൽ. 3 പന്തിൽ 5 റൺസ് എന്നായി. അടുത്ത പന്തിൽ ശശാഞ് ബൗണ്ടറി അടിച്ചു. സ്കോർ സമനിലയിൽ. 2 പന്തിൽ ജയിക്കാൻ ഒരു റൺ എന്നായി. ശശാങ്ക് പഞ്ചാബിനെ ഒരു പന്ത് ശേഷിക്കെ ജയത്തിൽ എത്തിച്ചു. ശശാങ്ക് 29 പന്തിൽ 61 റൺസ് എടുത്തു. 4 സിക്സും 6 ഫോറും ശശാങ്ക് അടിച്ചു.

ഇന്ന് ആദ്യം ബാറ്റു ചെയ്ത ഗുജറാത്ത് 20 ഓവറിൽ 4 വിക്കറ്റ് നഷ്ടത്തിൽ 199 റൺസ് ആണ് എടുത്തത്. ക്യാപ്റ്റൻ ഗല്ലിന്റെ മികച്ച ഇന്നിങ്സിന്റെ ബലത്തിലാണ് ഗുജറാത്ത് ടൈറ്റൻസ് നല്ല സ്കോറിൽ എത്തിയത്.

തുടക്കത്തിൽ 11 റൺസ് എടുത്ത സാഹയെ നഷ്ടമായി എങ്കിലും പിന്നീട് വില്യംസണുമായുൻ സായി സുദർശനമായും ചേർന്ന് മികച്ച കൂട്ടുകെട്ടുകൾ തീർത്ത് ഗിൽ ഗുജറാത്തിനെ നല്ല സ്കോറിലേക്ക് നയിച്ചു. വില്യംസൺ 22 പന്തിൽ 26 റൺസ് ആണ് എടുത്തത്. സായ് സുദർശൻ 19 പന്തിൽ 33 റൺസും എടുത്തു.

ഗിൽ 32 പന്തിൽ നിന്നാണ് അർധ സെഞ്ച്വറി പൂർത്തിയാക്കിയത്. ഗില്ലിന്റെ ഈ സീസണിലെ ആദ്യ അർധ സെഞ്ച്വറി ആയിരുന്നു ഇത്. ആകെ 48 പന്തിൽ 89 റൺസ് എടുക്കാൻ ഗില്ലിനായി. 4 സിക്സും 6 ഫോറും ഗിൽ അടിച്ചു.

അവസാനം തെവാതിയ 8 പന്തിൽ 23 അടിച്ച് ഗുജറാത്തിന്റെ ടോട്ടൽ ഉയർത്താൻ സഹായിച്ചു. പഞ്ചാബിനായി റബാഡ 2 വിക്കറ്റും ഹർപ്രീത് ബാർ,ഹർഷൽ പടേൽ എന്നിവർ ഒരു വിക്കറ്റ് വീതവും വീഴ്ത്തി