Tag: PSG

പ്രമുഖരില്ലാതെ ഇറങ്ങിയിട്ടും മെട്സിനെ ഏകപക്ഷീയമായ രണ്ടു ഗോളുകൾക്ക് തോൽപിച്ച് പി.എസ്.ജി ലീഗ് 1ൽ ഒന്നാം സ്ഥാനത്തെത്തി. നെയ്മർ, എംബപ്പേ, കവാനി, ഹെരേര എന്നിവരില്ലാതെ ഇറങ്ങിയ പി.എസ്.ജി മികച്ച പ്രകടനത്തിലൂടെ ജയം സ്വന്തമാക്കുകയായിരുന്നു.

ആദ്യ പകുതിയുടെ തുടക്കത്തിൽ പെനാൽറ്റിയിലൂടെ ഡി മരിയയും തുടർന്ന് ഒന്നാം പകുതിയുടെ ഇഞ്ചുറി ടൈമിൽ എറിക് മാക്സിം ചോപോ മോട്ടിങ്ങിലൂടെ രണ്ടാമത്തെ ഗോളും നേടി പി.എസ്.ജി വിജയമുറപ്പിക്കുകയായിരുന്നു. എറിക് മാക്സിം ചോപോ മോട്ടിങ്ങിങിന്റെ കഴിഞ്ഞ രണ്ട് മത്സരങ്ങളിൽ നിന്ന് മൂന്നാമത്തെ ഗോളായിരുന്നു ഇത്.

മത്സരത്തിന്റെ 22ആം മിനുട്ടിൽ കാണികൾ ഉയർത്തിയ ബാനറിന്റെ പേരിൽ മത്സരം കുറച്ച് നേരം നിർത്തിവെക്കുകയും ചെയ്തു. തുടർന്ന് കാണികളുടെ ഇടയിൽ നിന്ന് ആ ബാനർ ഒഴിവാക്കിയതിന് ശേഷമാണ് മത്സരം പുനരാരംഭിച്ചത്.  കഴിഞ്ഞ ദിവസം നീസ് – മാർസെ മത്സരത്തിനിടെ കാണികൾ ഹോമോഫോബിക് ബാനർ ഉയർത്തിയതിന് മത്സരം റഫറി നിർത്തിയിരുന്നു.

ഫ്രഞ്ച് ചാമ്പ്യന്മാരായ പി.എസ്.ജിയുമായി വമ്പൻ കരാറിലെത്തി സ്പോർട്സ് രംഗത്തെ ഭീമന്മാരായ നൈക്. നിലവിൽ പി.എസ്.ജിയുടെ കിറ്റ് സ്പോൺസറായ നൈക് 2032 വരെയുള്ള ദീർഘ കരാറിലാണ് ഏർപ്പെട്ടത്. ക്ലബ്ബിന്റെ ചരിത്രത്തിലെ തന്നെ ഏറ്റവും വലിയ കരാറാണ് പി.എസ്.ജി നൈകീയുമായി ഒപ്പിട്ടത്. പി.എസ്.ജിയുടെ പുരുഷ ടീമിന് പുറമെ പി.എസ്.ജിയുടെ വനിത ടീമിനും ഹാൻഡ് ബോൾ ടീമിനുള്ള ജേഴ്സി നൈക് നൽകും.

ഏകദേശം 75 മില്യൺ യൂറോയോളം ഇത് പ്രകാരം നൈക് പി.എസ്.ജിക്ക് നൽകും. 1989മുതൽ പി.എസ്.ജിയുടെ ജേഴ്സി സ്പോൺസർ ചെയ്യുന്നത് നൈകീയാണ്. 2013ലാണ് നൈകീ പി.എസ്.ജിയുമായി അവസാനം കരാർ പുതുക്കിയത്. ആ കരാർ പ്രകാരം 2022 വരെ പി.എസ്.ജിയിൽ നൈക്കിക്ക് കരാർ ഉണ്ടായിരുന്നു. ഈ കരാർ ആണ് 2032 ദീർഘിപ്പിച്ചത്.

അടുത്ത സീസണിൽ പി.എസ്.ജിയുടെ ക്യാപ്റ്റനായി നെയ്മറെ നിയമിക്കാൻ ഉദ്ദേശമില്ലെന്ന് പി.എസ്.ജി പരിശീലകൻ തോമസ് ടൂഹൽ. നിലവിൽ പി.എസ്.ജിയുടെ ക്യാപ്റ്റന്മാരായ തിയാഗോ സിൽവയെയും മാർക്വിഞ്ഞൊസിനെയും മാറ്റാൻ തനിക്ക് ഉദ്ദേശമില്ലെന്നും അവരുടെ പ്രകടനത്തിൽ തൃപ്തനാണെന്നും പി.എസ്.ജി പരിശീലകൻ പറഞ്ഞു. ഫ്രാൻസ് ലീഗ് മത്സരത്തിന് ശേഷം ആരാധകനുമായി വാക്കേറ്റം നടത്തിയതുമായി ബന്ധപ്പെട്ട നെയ്മറിന് ലഭിച്ച വിലക്ക് അംഗീകരിക്കുന്നെന്നും പി.എസ്.ജി പരിശീലകൻ പറഞ്ഞു.

ഒരു ലീഡർ ആണെന്ന് കാണിക്കാൻ പല വഴികളുണ്ട്, നെയ്മർ ഫുട്ബോളിൽ ഒരു ആർട്ടിസ്റ്റാണ്,അദ്ദേത്തിന്റെ ധൈര്യം കൊണ്ടും ഈ കഴിവുകൊണ്ടും നെയ്മറിന് ക്യാപ്റ്റൻ ആവാമെന്നും എന്നാൽ നിലവിലുള്ള ക്യാപ്റ്റന്മാരെകൊണ്ട് താൻ തൃപ്തനാണെന്നും ടൂഹൽ പറഞ്ഞു. സീസണിൽ ലീഗ് 1 കിരീടം നേരത്തെ നേടിയ പി.എസ്.ജി സീസണിന്റെ അവസാനത്തോടെ ഫോം കണ്ടെത്താൻ വിഷമിച്ചിരുന്നു. അവസാനം കളിച്ച 7 മത്സരങ്ങളിൽ ഒന്ന് മാത്രമാണ് പി.എസ്.ജി ജയിച്ചത്.

പരിക്ക് മാറിയ പി എസ് ജി സൂപ്പർ താരം നെയ്മർ ജൂനിയർ തിരിച്ചെത്തുന്നു. ഈ ആഴ്ച്ച തന്നെ താരം പി എസ് ജി ക്ക് വേണ്ടി കളത്തിൽ തിരിച്ചെത്തും എന്നാണ് റിപ്പോർട്ടുകൾ. മൂന്ന് മാസത്തെ ഇടവേളക്ക് ശേഷമാണ് താരം വീണ്ടും പന്ത് തട്ടാൻ ഒരുങ്ങുന്നത്.

ജനുവരി 23 നാണ് താരം കാലിന് പരിക്ക് പറ്റി പുറത്ത് പോകുന്നത്. പക്ഷെ ഈ ആഴ്ച്ച മോണക്കോക്ക് എതിരെ താരം കളിക്കും എന്നാണ് റിപ്പോർട്ടുകൾ. ഈ മത്സരത്തിൽ ഒരു പോയിന്റ് നേടിയാൽ പി എസ് ജി ഫ്രാൻസിലെ ജേതാക്കളാകും. ലില്ലേക്കും നാന്റസിനും എതിരെ തുടർച്ചയായ 2 കളികളിൽ തോറ്റ പി എസ് ജി ഏറെ ആഗ്രഹിക്കുന്ന സമയത്താണ് സൂപ്പർ താരം തിരിച്ചെത്തുന്നത് എന്നത് അവർക്ക് ആശ്വാസമാകുന്ന ഒന്നാണ്. കിരീട ആഘോഷങ്ങളിൽ തിരിച്ചെത്തുന്നത് നെയ്മറിനും സന്തോഷം നൽകുമെന്ന് ഉറപ്പാണ്.