അണ്ടര് 20 ലോക അത്ലറ്റിക്സ് ചാമ്പ്യന്ഷിപ്പ്സിൽ വനിതകളുടെ 400 മീറ്റര് ഓട്ടത്തിൽ ഇന്ത്യയുടെ രുപാൽ ചൗധരി ഫൈനലിലേക്ക് കടന്നു. തന്റെ സെമി ഫൈനൽ ഹീറ്റ്സിൽ 52.27 സെക്കന്ഡോടെ താരം ഒന്നാമതെത്തുകയായിരുന്നു. മൂന്ന് ഹീറ്റ്സിലുമായി താരം രണ്ടാം സ്ഥാനം ആണ് സ്വന്തമാക്കിയത്.
എന്നാൽ മറ്റൊരു ഹീറ്റ്സിൽ പ്രിയ മോഹന് 53.22 സെക്കന്ഡോടെ അഞ്ചാം സ്ഥാനത്ത് മാത്രമേ എത്താനായുള്ളു. താരം ആകെ 10ാം സ്ഥാനത്താണ് എത്തിയത്. ഇതോടെ ഫൈനലിലേക്ക് പ്രിയയ്ക്ക് യോഗ്യത നേടാനായില്ല.
അണ്ടര് 20 ലോക അത്ലറ്റിക്സിലെ 400 മീറ്ററിൽ അഭിമാന പ്രകടനവുമായി ഇന്ത്യയുടെ പ്രിയ മോഹന്. വനിതകളുടെ 400 മീറ്റര് ഫൈനലിൽ പ്രിയയ്ക്ക് മെഡൽ നേടാനായില്ലെങ്കിലും തന്റെ കരിയറിലെ ഏറ്റവും മികച്ച പ്രകടനം ആണ് താരം പുറത്തെടുത്തത്.
ഫൈനലില് നാലാം സ്ഥാനത്തെത്തിയ പ്രിയ 52.77 സെക്കന്ഡോടെ തന്റെ ഏറ്റവും മികച്ച പ്രകടനം പുറത്തെടുക്കുകയായിരുന്നു. 53.29 എന്ന ഇതിന് മുമ്പുള്ള തന്റെ മികച്ച പ്രകടനമാണ് താരം തിരുത്തിയത്.
നൈറോബിയിലെ അണ്ടര് 20 ലോക അത്ലറ്റിക്സ് ചാമ്പ്യന്ഷിപ്പിന്റെ 400 മീറ്റര് വനിതകളുടെ ഫൈനലില് കടന്ന് ഇന്ത്യയുടെ പ്രിയ മോഹന്. മൂന്നാം ഹീറ്റ്സിൽ നാലാം സ്ഥാനം മാത്രമാണ് താരം നേടിയതെങ്കിലും ഫൈനലിലേക്ക് യോഗ്യത നേടിയവരിൽ ആദ്യ നാല് സ്ഥാനത്തിൽ ഒരാളായിരുന്നു പ്രിയ. 53.79 എന്ന സമയം നേടിയാണ് പ്രിയയുടെ യോഗ്യത.
മറ്റൊരു താരം സുമിയ്ക്ക് എന്നാൽ യോഗ്യത നേടാനായില്ല. രണ്ടാം ഹീറ്റിൽ സുമി അഞ്ചാം സ്ഥാനവും ആകെ മത്സരാര്ത്ഥികളിൽ 12ാം സ്ഥാനവുമാണ് സുമിയുടെ നേട്ടം.
