Tag: Pranaav Jerry Chopra

ഡെന്മാര്‍ക്ക് ഓപ്പണ്‍ പുരുഷ വിഭാഗം സിംഗിള്‍സില്‍ വിജയം കുറിച്ച് സമീര്‍ വര്‍മ്മ. ആദ്യ റൗണ്ടില്‍ ലോക 16ാം റാങ്കുകാരന്‍ ജപ്പാന്റെ കാന്റ സുനേയാമയെ നേരിട്ടുള്ള ഗെയിമില്‍ പരാജയപ്പെടുത്തുകയായിരുന്നു. 29 മിനുട്ടിലാണ് 21-11, 21-11 എന്ന സ്കോറിന് ഇന്ത്യന്‍ താരത്തിന്റെ വിജയം. രണ്ടാം റൗണ്ടില്‍ നിലവിലെ ഒളിമ്പിക്സ് ജേതാവായ ചെന്‍ ലോംഗിനെയാണ് നേരിടുന്നത്. മുമ്പ് ഒരു തവണ സമീറിന് ലോംഗിനെതിരെ വിജയം കരസ്ഥമാക്കുവാനായിരുന്നു.

മിക്സഡ് ഡബിള്‍സില്‍ ഇന്ത്യയുടെ സിക്കി റെഡ്ഢി-പ്രണവ് ജെറി ചോപ്ര കൂട്ടുകെട്ട് ജര്‍മ്മനിയ്ക്കെതിരെ 21-16, 21-11 എന്ന സ്കോറിന് വിജയം കുറിച്ച് രണ്ടാം റൗണ്ടിലേക്ക് കടന്നു.

ഡെന്മാര്‍ക്കിന്റെ ആന്‍ഡേര്‍സ് ആന്റോന്‍സെന്നിനോട് നേരിട്ടുള്ള ഗെയിമില്‍ പരാജയപ്പെട്ട് ഇന്ത്യയുടെ സമീര്‍ വര്‍മ്മയ്ക്ക് ജപ്പാന്‍ ഓപ്പണ്‍ ആദ്യ റൗണ്ടില്‍ തന്നെ കാലിടറി. ഇന്ന് നടന്ന -ഒന്നാം റൗണ്ട് മത്സരത്തില്‍ 17-21, 12-21 എന്ന സ്കോറിന് 46 മിനുട്ടിലാണ് സമീര്‍ കീഴടങ്ങിയത്. ലോക റാങ്കിംഗില്‍ 9ാം റാങ്കുകാരനാണ് ഡെന്മാര്‍ക്ക് താരം.

ഇന്ന് നടന്ന മിക്സഡ് ഡബിള്‍സ് വിഭാഗം മത്സരത്തിലും ഇന്ത്യയ്ക്ക് തോല്‍വിയായിരുന്നു ഫലം. ചൈനീസ് ജോഡികളോട് ഇന്ത്യയുടെ സിക്കി റെഡ്ഢി-പ്രണവ് ജെറി ചോപ്ര കൂട്ടുകെട്ട് നേരിട്ടുള്ള ഗെയിമില്‍ അടിയറവ് പറഞ്ഞു. 11-21, 14-21 എന്ന സ്കോറിനാണ് ഇന്ത്യന്‍ കൂട്ടുകെട്ട് തോല്‍വിയേറ്റ് വാങ്ങിയത്. 26 മിനുട്ടാണ് ഇന്ത്യയുടെ ചെറുത്ത്നില്പ് നീണ്ട് നിന്നത്.