Tag: Portugal

ബ്രൂണോ ഫെർണാണ്ടസ് ഈ ലോകകപ്പിൽ തന്റെ മികവ് തുടരുകയാണ്. സ്വിറ്റ്സർലാന്റിന് എതിരെ ഒരു അസിസ്റ്റ് കൂടെ സംഭാവന ചെയ്തതോടെ ഈ ലോകകപ്പിൽ പോർച്ചുഗലിനായി മൂന്ന് മത്സരങ്ങളിൽ നിന്ന് അഞ്ച് ഗോൾ കോണ്ട്രിബ്യൂഷൻ ബ്രൂണോക്ക് ആയി. ആകെ എംബപ്പെക്ക് മാത്രമേ ഈ ലോകകല്പിൽ അഞ്ചിൽ അധികം ഗോൾ കോണ്ട്രിബ്യൂഷൻ ഉള്ളൂ.

ഗ്രൂപ്പ് ഘട്ടത്തിലെ ആദ്യ രണ്ട് മത്സരങ്ങൾ കഴിഞ്ഞപ്പോൾ പോർച്ചുഗൽ ആകെ നേടിയ അഞ്ചു ഗോളുകളിൽ നാലും ബ്രൂണോ ഫെർണാണ്ടസിന്റെ പങ്കിൽ ആയിരുന്നു.

ആദ്യ മത്സരത്തിൽ ഘാനക്ക് എതിരെ പോർച്ചുഗൽ നേടിയ രണ്ട് ഓപ്പൺ പ്ലേ ഗോളുകളും അസിസ്റ്റ് ചെയ്തത് ബ്രൂണോ ആയിരുന്നു. അന്ന് കളം നിറഞ്ഞു കളിച്ചതും ബ്രൂണോ ആയിരുന്നു. ഉറുഗ്വേക്ക് എതിരെയും ബ്രൂണോ തന്നെ ആയിരുന്നു സ്റ്റാർ. അന്ന് നേടിയ രണ്ട് ഗോളുകളും പൂർണ്ണമായും ബ്രൂണോയുടെ കഴിവ് ആയിരുന്നു.

ക്രിസ്റ്റ്യാനോ റൊണാൾഡോയും യാതൊരു പ്രശ്നവും തനിക്കില്ല എന്ന് പോർച്ചുഗൽ പരിശീലകൻ ഫെർണാണ്ടോ സാന്റോസ്. ഇന്ന് സ്വിറ്റ്സർലാന്റിന് എതിരെ റൊണാൾഡോയെ സാന്റോസ് ബെഞ്ച് ചെയ്തിരുന്നു. കഴിഞ്ഞ മത്സരത്തിൽ റൊണാൾഡോ സബ്ബ് ചെയ്യപ്പെട്ടപ്പോൾ പ്രതികരിച്ച രീതി കോച്ചിന് ഇഷ്ടപ്പെട്ടില്ല എന്നും അതാണ് റൊണാൾഡോ ബെഞ്ചിൽ ആകാൻ കാരണം എന്നും വാർത്തകൾ ഉണ്ടായിരുന്നു.

എന്നാൽ റൊണാൾഡോ ഈ ടീമിന്റെ ക്യാപ്റ്റൻ ആണെന്നും അദ്ദേഹവുമായി ഒരു പ്രശ്നവും ഇല്ലാ എന്നും കോച്ച് പറഞ്ഞു. റൊണാൾഡോ ദീർഘകാലമായി തന്റെ സുഹൃത്താണ്. കളി തുടങ്ങും മുമ്പ് താൻ റൊണാൾഡോയുമായി സംസാരിച്ചിരുന്നു. അദ്ദേഹം കാര്യങ്ങൾ മനസ്സിലാക്കി. റൊണാൾഡോയും റാമോസും വ്യത്യസ്ത താരങ്ങൾ ആണെന്നും സാന്റോസ് പറഞ്ഞു. റൊണാൾഡോ എല്ലാവർക്കും മാതൃക ആണെന്നും കോച്ച് പറഞ്ഞു.

റൊണാൾഡോ അടുത്ത കളിയിൽ ആദ്യ ഇലവനിൽ ഉണ്ടാകുമോ എന്നത് ഇപ്പോൾ പറയാൻ ആകില്ല എന്നും കോച്ച് പറഞ്ഞു.

ക്രിസ്റ്റ്യാനോ റൊണാൾഡോക്ക് പകരം ആദ്യ ഇലവനിൽ എത്തുക എന്നത് എത്ര വലിയ സമ്മർദ്ദം ആകും ഒരു താരത്തിന് നൽകുക? ലോകകപ്പിലെ തന്റെ ആദ്യ സ്റ്റാർട്ട് ലഭിച്ച ഗോൺസാലോ റാമോസ് എന്ന താരത്തിൽ ആയിരുന്നു ഇന്ന് ഏവരുടെയും ശ്രദ്ധ. താൻ വെറുതെയല്ല ആദ്യ ഇലവനിൽ എത്തിയത് എന്ന് തെളിയിക്കുന്ന ഒരു പ്രകടനത്തോടെ റാമോസ് ഇന്ന് തന്റെ പേര് ഫുട്ബോൾ പ്രേമികളുടെ നെഞ്ചിലേക്ക് ചേർത്തു.

ആദ്യമായി ലോകകപ്പിൽ ആദ്യ ഇലവനിൽ എത്തിയ റാമോസ് ഹാട്രിക്കോടെയാണ് വരവറിയിച്ചത്. മൂന്ന് മൂന്ന് കിടിലൻ ഫിനിഷുകൾ. ആദ്യത്തേത് ഒരു ബുള്ള്ട് ഇടം കാലൻ ഷോട്ട്. രണ്ടാമത്തേത് ഒരു പൗച്ചറെ പോലുള്ള സ്ട്രൈക്കർ ഫിനിഷ്. മൂന്നാമത്തേത് യാൻ സോമ്മറിനു മുകളിലൂടെ ചിപ് ചെയ്തുള്ള ക്ലാസിക് ഫിനിഷ്. എല്ലാം ഒന്നിനൊന്ന് മെച്ചം.

ഈ ലോകകപ്പിലെ ആദ്യ ഹാട്രിക്ക് ആണിത്. പോർച്ചുഗലിനായി അണ്ടർ 21 ടീമിലും അണ്ടർ 19 ടീമിലും ഹാട്രിക്ക് നേടിയിട്ടുള്ള റാമോസിന്റെ ആദ്യ സീനിയർ ഹാട്രിക്ക്. ഇപ്പോൾ ബെൻഫികയുടെ താരമായ റാമോസിനെ കഴിഞ്ഞ ട്രാൻസ്ഗർ വിൻഡോയിൽ പി എസ് ജി സ്വന്തമാക്കാൻ ശ്രമിച്ചിരുന്നു. അന്ന് തന്നെ റാമോസ് ഈ ലോകകപ്പിൽ തന്റെ പേര് എഴുതി ചേർക്കും എന്ന് ഫുട്ബോൾ നിരീക്ഷകർ വിലയിരുത്തിയിരുന്നു‌

പ്രീക്വാർട്ടർ പോരാട്ടം ആദ്യ പകുതിക്ക് പിരിയുമ്പോൾ പോർച്ചുഗൽ എതിരില്ലാത്ത രണ്ടു ഗോളിന് സ്വിറ്റ്സർലാന്റിന് എതിരെ മുന്നിട്ട് നിൽക്കുന്നു. ക്രിസ്റ്റ്യാനോ റൊണാൾഡോയെ ബെഞ്ചിൽ ഇരുത്തിയ പോർച്ചുഗൽ അദ്ദേഹത്തിന് പകരം ടീമിൽ എത്തിയ ഗോൺസാലോ റാമോസിന്റെ ഗോളിൽ ആണ് ലീഡ് എടുത്തത്.

ഇന്ന് റൊണാൾഡോ ഇല്ലാത്തതിന്റെ ക്ഷീണം ഒന്നും പോർച്ചുഗലിൽ ഉണ്ടായിരുന്നില്ല. പന്ത് കൈവശ വെച്ച് കൃത്യമായ അവസരങ്ങൾ സൃഷ്ടിച്ച് മികച്ച താളത്തിൽ കളിക്കുന്ന പോർച്ചുഗലിനെ ആണ് ഇന്ന് കാണാൻ ആയത്. മത്സരത്തിന്റെ 17ആം മിനുട്ടിൽ ആണ് സ്വിസ് നിരയെ ഞെട്ടിച്ച സ്ട്രൈക്കിലൂടെ റാമോസ് ഗോൾ നേടിയത്. ജാവോ ഫെലിക്സിൽ നിന്ന് പാസ് സ്വീകരിച്ച ഗോൺസാലോ റാമോസ് ആർക്കും വല കണ്ടെത്താൻ ആകില്ല എന്ന തോന്നിച്ച ആങ്കിളിൽ നിന്നാണ് ഇടം കാലൻ സ്ട്രൈക്കിലൂടെ ഗോൾ നേടിയത്.

ഇതിനു ശേഷവും പോർച്ചുഗലിൽ നിന്ന് നല്ല നീക്കങ്ങൾ വന്നു. 21ആം മിനുട്ടിൽ ഒറ്റാവിയോയുടെ ഷോട്ടും 22ആം മിനുട്ടിൽ റാമോസിന്റെ ഷോട്ടും യാൻ സോമർ തടഞ്ഞു.

30ആം മിനുട്ടിൽ ഒരു ഫ്രീകിക്കിൽ നിന്ന് ഷഖീരി ആദ്യമായി പോർച്ചുഗൽ ഗോളിയെ പരീക്ഷിച്ചു. വലിയ അപകടം ഇല്ലാതെ ആ അവസരം ഒഴിഞ്ഞു.

32ആം മിനുട്ടിൽ പെപെയിലൂടെ പോർച്ചുഗൽ ലീഡ് ഇരട്ടിയാക്കി. ബ്രൂണോ ഫെർണാണ്ടസ് എടുത്ത കോർണറിൽ നിന്ന് ഒരു ഹൈ ലീപ് ഹെഡറിലൂടെ ആയിരുന്നു പെപെയുടെ ഗോൾ. സ്കോർ 2-0

ബ്രസീലിന്റെ ഡാനിലോക്ക് പിന്നാലെ പോർച്ചുഗലിന്റെ ഡാനിലോക്കും പരിക്ക്. പരിശീലനത്തിനിടെ വാരിയെല്ലിന് പരിക്കേറ്റ ഡാനിലോ പെരേരയ്ക്ക് പോർച്ചുഗലിന്റെ ശേഷിക്കുന്ന ഗ്രൂപ്പ് ഘട്ട മത്സരങ്ങൾ നഷ്ടമാകുൻ എന്നാണ് റിപ്പോർട്ടുകൾ. ഘാനക്ക് എതിരായ പോർച്ചുഗലിന്റെ ആദ്യ മത്സരത്തിൽ സെന്റർ ബാക്കായി താരം കളിച്ചിരുന്നു.

ആ മത്സരം പോർച്ചുഗ 3-2ന് വിജയിക്കുകയും ചെയ്തു. ഇനി തിങ്കളാഴ്ച ഉറുഗ്വേയുമായും വെള്ളിയാഴ്ച ദക്ഷിണ കൊറിയയ്‌ക്കെതിരെയും ആണ് പോർച്ചുഗലിന്റെ മത്സരങ്ങൾ.