Tag: Petra Kvitova

യു.എസ് ഓപ്പണിൽ വനിതാ വിഭാഗത്തിൽ പതിവ് പോലെ അപ്രതീക്ഷിത റിസൾട്ടുകൾ തുടർക്കഥ. സീഡ് ചെയ്യാത്ത അമേരിക്കൻ താരം ഷെൽബി റോജേഴ്‌സ് ആണ് ആറാം സീഡ് ചെക് താരം പെട്ര ക്വിറ്റോവയെ നാലാം റൗണ്ടിൽ അട്ടിമറിച്ചത്. 3 സെറ്റിൽ 2 ടൈബ്രേക്കറുകൾ കണ്ട മത്സരത്തിൽ മികച്ച പോരാട്ടം ആണ് ഇരുതാരങ്ങളും പുറത്ത് എടുത്തത്. ആദ്യ സെറ്റ് ടൈബ്രേക്കറിലൂടെ നഷ്ടമായ ശേഷം 6-3 നു രണ്ടാം സെറ്റ് നേടി ക്വിറ്റോവ മത്സരത്തിൽ ഒപ്പമെത്തി. എന്നാൽ മൂന്നാം സെറ്റിൽ മറ്റൊരു ടൈബ്രേക്കർ ജയിച്ച് മത്സരം സ്വന്തമാക്കിയ അമേരിക്കൻ താരം അവസാന എട്ടിൽ സ്ഥാനം ഉറപ്പിക്കുക ആയിരുന്നു.

അതേസമയം എട്ടാം സീഡ് ക്രൊയേഷ്യൻ താരം പെട്ര മാർട്ടിച്ചും യു.എസ് ഓപ്പണിൽ നിന്നു പുറത്തായി. ഇരുപത്തി മൂന്നാം സീഡ് യൂലിയ പുറ്റിനെറ്റ്സെവയാണ് ക്രൊയേഷ്യൻ താരത്തെ മൂന്നു സെറ്റ് പോരാട്ടത്തിൽ മറികടന്നത്. ആദ്യ സെറ്റ് 6-3 നു നേടിയ യൂലിയ രണ്ടാം സെറ്റ് 6-2 നു കൈവിട്ടു എങ്കിലും മൂന്നാം സെറ്റിൽ മത്സരം തിരിച്ചു പിടിച്ചു. മൂന്നാം സെറ്റിൽ ആദ്യം ആധിപത്യം നേടിയ എതിരാളിക്ക് എതിരെ തിരിച്ചു വരാനുള്ള എല്ലാ ശ്രമവും നടത്തിയ മാർട്ടിച് പക്ഷെ അവസാനം 6-4 നു സെറ്റും മത്സരവും കൈവിടുക ആയിരുന്നു. അതേസമയം മുൻ ജേതാവ് ആയ ജർമ്മൻ താരം ആഞ്ചലിക്ക കെർബറെ ഇരുപത്തി എട്ടാം സീഡ് ജെന്നിഫർ ബ്രാഡി നേരിട്ടുള്ള സെറ്റുകൾക്ക് ആണ് തകർത്തത്. 6-1, 6-4 എന്ന സ്കോറിന് ആണ് ബ്രാഡി പതിനേഴാം സീഡ് ആയ കെർബർക്ക് മേൽ ജയം കണ്ടത്.

യു.എസ് ഓപ്പണിൽ നാലാം റൗണ്ടിലേക്ക് മുന്നേറി ആറാം സീഡും ചെക് താരവും ആയ പെട്ര ക്വിറ്റോവ. സീഡ് ചെയ്യാത്ത അമേരിക്കൻ താരം ജെസിക്ക പെഗുളക്ക് എതിരെ നേരിട്ടുള്ള സെറ്റുകൾക്ക് ആണ് ക്വിറ്റോവ ജയം കണ്ടത്. സർവീസിൽ പ്രശ്നങ്ങൾ നേരിട്ട ചെക് താരം 5 ഇരട്ടപ്പിഴവുകൾ വരുത്തിയപ്പോൾ 2 തവണ ബ്രൈക്കും വഴങ്ങി, എന്നാൽ എതിരാളിയെ 4 തവണ ബ്രൈക്ക് ചെയ്ത പെട്ര 6-4, 6-3 എന്ന സ്കോറിന് മത്സരം സ്വന്തം പേരിലാക്കി.

അതേസമയം അമേരിക്കൻ യുവതാരം ആൻ ലിയെ ആണ് പതിനേഴാം സീഡും മുൻ ജേതാവും ആയ ആഞ്ചലിക്ക കെർബർ മറികടന്നത്. ആദ്യ സർവിൽ തന്നെ ബ്രൈക്ക് കണ്ടത്തിയ കെർബർ ലിയുടെ പരിചയക്കുറവ് നന്നായി മുതലാക്കി. മികച്ച ആദ്യ സർവീസുകളും ആയി കളം നിറഞ്ഞ കെർബർ 6-3, 6-4 എന്ന സ്കോറിന് ആണ് ജയം കണ്ടത്. ആദ്യ സീഡ് കരോളിന പ്ലിസ്കോവയെ അട്ടിമറിച്ച് എത്തിയ മുപ്പത്തി രണ്ടാം സീഡ് ഫ്രഞ്ച് താരം കരോളിന ഗാർസിയയെ തോൽപ്പിച്ച് ഇരുപത്തി എട്ടാം സീഡ് അമേരിക്കയുടെ ജെന്നിഫർ ബ്രോഡിയും നാലാം റൗണ്ടിലേക്ക് മുന്നേറി. 6-3, 6-3 എന്ന സ്കോറിന് ആണ് ബ്രോഡി ജയം കണ്ടത്.

യു.എസ് ഓപ്പണിൽ ആദ്യ റൗണ്ടിൽ അനായാസ ജയവുമായി ചെക് താരവും ആറാം സീഡുമായ പെട്ര ക്വിറ്റോവ. സീഡ് ചെയ്യാത്ത ഇരിന കമേലിയക്ക് എതിരെ നേരിട്ടുള്ള സെറ്റുകൾക്ക് ആയിരുന്നു പെട്ര ക്വിറ്റോവ ജയം കണ്ടത്. മത്സരത്തിൽ വ്യക്തമായ ആധിപത്യം പുലർത്തിയ ക്വിറ്റോവ 6-3, 6-2 എന്ന സ്കോറിന് ആണ് ജയം കണ്ടത്. അതേസമയം എട്ടാം സീഡ് പെട്ര മാർട്ടിച്ചും യു.എസ് ഓപ്പൺ രണ്ടാം റൗണ്ടിലേക്ക് മുന്നേറി. ചെക് താരം ആദ്യ മാർട്ടിൻകോവക്ക് എതിരെ ആദ്യ സെറ്റ് 7-5 നു കൈവിട്ട ശേഷമാണ് ക്രൊയേഷ്യൻ താരം ജയം കണ്ടത്. രണ്ടാം സെറ്റ് 6-2 നും മൂന്നാം സെറ്റ് 6-4 നും ആണ് മാർട്ടിച്ച് ജയിച്ചത്.

21 ബ്രൈക്ക് പോയിന്റുകളിൽ 5 എണ്ണം മാത്രമാണ് മത്സരത്തിൽ ജയിക്കാൻ ആയത് എന്നത് ക്രൊയേഷ്യൻ താരത്തിന് ആശങ്ക ആയേക്കും. 11 സീഡ് എലേന റെബാകിന സീഡ് ചെയ്യാത്ത കത്രീനക്ക് 6-3, 6-0 എന്ന സ്കോറിന് ജയം കണ്ട് രണ്ടാം റൗണ്ടിലേക്ക് മുന്നേറി. അതേസമയം അമേരിക്കൻ താരവും 13 സീഡുമായ ആലിസൻ റിസ്ക് ജർമ്മൻ താരം മരിയക്ക് എതിരെ നേരിട്ടുള്ള സെറ്റുകൾക്ക് ജയം കണ്ട് രണ്ടാം റൗണ്ടിലെത്തി. 6-3, 6-2 എന്ന സ്കോറിന് ആയിരുന്നു റിസ്ക്കിന്റെ ജയം. 14 സീഡ് അന്നറ്റ് കോണ്ടവെറ്റ്, 19 സീഡ് ഡയാന, 23 സീഡ് യൂലിയ എന്നിവരും രണ്ടാം റൗണ്ടിലേക്ക് മുന്നേറി.