Tag: Peter Drury

ലോക ഫുട്‌ബോളിന്റെ ശബ്ദം എന്നു അറിയപ്പെടുന്ന ഇതിഹാസ ഫുട്‌ബോൾ കമന്റേറ്റർ പീറ്റർ ഡ്രൂറിയും ക്രിക്കറ്റിന്റെ ശബ്ദം എന്നു അറിയപ്പെടുന്ന ഇന്ത്യൻ ക്രിക്കറ്റ് കമന്റേറ്റർ ഹർഷ ബോഗ്ലയും കണ്ടുമുട്ടി. ഇംഗ്ലണ്ടിൽ ലോക ടെസ്റ്റ് ചാമ്പ്യൻഷിപ്പ് ഫൈനലിലിന് ഇടയിൽ ആണ് ഇരുവരും കണ്ടുമുട്ടിയതും പരസ്പരം സൗഹൃദം പങ്ക് വച്ചതും.

കഴിഞ്ഞ ആഴ്ച യൂറോപ്പ ലീഗ് ഫൈനലിന്റെ സമയത്ത് ഒരു അഭിമുഖത്തിൽ ഹർഷ ബോഗ്ല തന്റെ ഹീറോ ആണെന്ന് പീറ്റർ ഡ്രൂറി പറഞ്ഞിരുന്നു. നല്ലൊരു മനുഷ്യനും മികച്ച പ്രൊഫഷണലും ആയ ഡ്രൂറിയെ കാണാൻ ആയതും അദ്ദേഹത്തിന്റെ കമാന്ററിയെ പറ്റി സംസാരിക്കാൻ ആയതിൽ സന്തോഷം ഉണ്ട് എന്നുമാണ് ഹർഷ ബോഗ്ല ട്വിറ്ററിൽ കുറിച്ചത്. വലിയ ആരാധകർ ഉള്ള ഇരുവരും തമ്മിലുള്ള ഫോട്ടോ ഇതിനകം സാമൂഹിക മാധ്യമങ്ങളിൽ വൈറൽ ആയിട്ടുണ്ട്.