Tag: Pep Guardiola

മാഞ്ചസ്റ്റർ സിറ്റി ഫുട്ബോൾ ക്ലബും മാനേജർ പെപ് ഗ്വാർഡിയോളയും പ്രീമിയർ ലീഗിൽ ഒരു റെക്കോർഡ് കൂടെ സ്വന്തമാക്കി. അവരുടെ തുടർച്ചയായ മൂന്നാം ലീഗ് കിരീടം ആണ് ഇന്നലെ അവർ ഉറപ്പിച്ചത്. മുമ്പ് സർ അലക്‌സ് ഫെർഗൂസന്റെ മാഞ്ചസ്റ്റർ യുണൈറ്റഡ് മാത്രമാണ് പ്രീമിയർ ലീഗിൽ ഹാട്രിക്ക് കിരീടം നേടിയത്. ഫെർഗൂസൺ രണ്ട് തവണ പ്രീമിയർ ലീഗിൽ ഹാട്രിക്ക് കിരീടം നേടിയിട്ടുണ്ട്.

2020/21, 2021/22 സീസണുകളിൽ പ്രീമിയർ ലീഗ് ട്രോഫി ഉറപ്പിച്ച മാഞ്ചസ്റ്റർ സിറ്റി ഇത്തവണ ആഴ്സണലിന്റെ ശക്തമായ പോരാട്ടം അതിജീവിച്ചാണ് ലീഗ് സ്വന്തമാക്കിയത്. ഫെർഗൂസൺ 1998-99, 1999-2000, 2000-2001 സീസണിൽ ആയിരുന്നു ആദ്യം ഹാട്രിക് പ്രീമിയർ ലീഗ് കിരീടം നേടിയത്. 2006 മുതൽ 2009 വരെ ഉള്ള സീസണുകളിൽ അദ്ദേഹം വീണ്ടും യുണൈറ്റഡിനൊപ്പം ഹാട്രിക്ക് പ്രീമിയർ ലീഗ് കിരീടം നേടി.

പെപ് ഗ്വാർഡിയോള ഇംഗ്ലീഷ് പ്രീമിയർ ലീഗിൽ മാത്രമല്ല ജർമ്മനിയിൽ ബയേണൊപ്പം ബുണ്ടസ് ലീഗയിലും ബാഴ്സക്ക് ഒപ്പം ലാലിഗയിലും ഹാട്രിക്ക് ലീഗ് കിരീടങ്ങൾ നേടിയിട്ടുണ്ട്.

മാഞ്ചസ്റ്റർ സിറ്റി മാനേജർ പെപ് ഗ്വാർഡിയോള ഫുട്ബോൾ ഡെയ്‌ലിക്ക് നൽകിയ അഭിമുഖത്തിൽ തന്റെ സ്‌ട്രൈക്കർ എർലിംഗ് ഹാലാൻഡിന്റെ പ്രകടനത്തെ കുറിച്ച് സംസാരിച്ചു. ഹാലൻഡിന് ഗോളുകൾ നേടുന്നതിന് ടീം കൂടുതൽ പിന്തുണ നൽകേണ്ടതുണ്ട് എന്ന് ഗാർഡിയോള പറഞ്ഞു:

“ഗെയിമുകളിൽ ഹാലാൻഡിനെ കൂടുതൽ കണ്ടെത്താൻ കളിക്കാരോട് പറയുക എന്നത് എന്റെ ജോലിയാണ്, ഗോളുകൾ നേടുന്നതിന് അദ്ദേഹത്തിന് ടീം ആവശ്യമാണ്.”

ഗാർഡിയോള ഹാലാൻഡ് ലയണൽ മെസ്സി അല്ല എന്നും ഓർമ്മിപ്പിച്ചു. നോർവീജിയൻ മുന്നേറ്റത്തിന് ഒറ്റയ്ക്ക് ഒരു കളി തീരുമാനിക്കാനുള്ള കഴിവില്ലെന്ന് പറഞ്ഞു: “അദ്ദേഹം മെസ്സിയെപ്പോലെ പന്ത് എടുത്ത് 3-4 കളിക്കാരെ ഡ്രിബിൾ ചെയ്ത് ഗോൾ നേടി കളിയുടെ വിധി തീരുമാനിക്കുന്ന താരമല്ല” ഗ്വാർഡിയോള പറഞ്ഞു.

“ഞങ്ങൾ അവനെ കുറച്ചുകൂടി നന്നായി മനസ്സിലാക്കുമ്പോൾ അവൻ ഗോളുകൾ നേടും… എനിക്ക് അതിൽ സംശയമില്ല.” ഗ്വാർഡിയോള കൂട്ടിച്ചേർത്തു.

മാഞ്ചസ്റ്റർ സിറ്റിയുടെ നിർണായക താരങ്ങളിൽ ഒരാളായ ജാവോ കാൻസലോ ഏവരെയും ഞെട്ടിച്ചു കൊണ്ട് ബയേണിലേക്ക് ചേക്കേറിയ ശേഷം പ്രതികരണം അറിയിച്ച് പെപ്പ് ഗ്വാർഡിയോള. അവസാന സീസണുകളിൽ ടീമിൽ ഏറ്റവും കൂടുതൽ അവസരം ലഭിച്ച താരമായിരുന്നു കാൻസലോ എന്നും എല്ലാ മത്സരങ്ങളും കളിക്കാനാണ് അദ്ദേഹം ആഗ്രഹിക്കുന്നത് എന്നും പെപ്പ് ചൂണ്ടിക്കാണിച്ചു. “ലോകക്കപ്പിന് ശേഷം പ്രീ സീസണിൽ താൻ ടീമിനോടൊപ്പം ചില പുതിയ തന്ത്രങ്ങൾ പരീക്ഷിച്ചു. ഈ പ്രകടനങ്ങൾ തന്നെ സംതൃപ്തനാക്കി. ചില താരങ്ങൾക്ക് കൂടുതൽ സമയം നൽകാൻ താൻ ആഗ്രഹിച്ചു.” പെപ്പ് പറഞ്ഞു. എന്നാൽ കാൻസലോയും മികച്ച പ്രകടനം തന്നെയാണ് കാൻസലോ പരിശീലന സെഷനുകളിലും പുറത്തെടുത്തത് എന്നും പെപ്പ് പറഞ്ഞു. എപ്പോഴും കളത്തിൽ ഇറങ്ങുന്നത് തന്നെയാണ് താരത്തെ കൂടുതൽ സംതൃപ്തനാകുന്നത് എന്നും അതിനാൽ തന്നെ ട്രാൻസ്ഫർ വിൻഡോയുടെ അവസാന ദിനങ്ങളിൽ താരത്തിന് ബയേണിലേക്ക് പോകാനുള്ള ആഗ്രഹത്തിന് തങ്ങൾ സമ്മതം മൂളുകയായിരുന്നു എന്നും പെപ്പ് ചൂണ്ടിക്കാണിച്ചു.

ബയേണിലേക്ക് ചെക്കറിയ താരത്തിന് എല്ലാ ഭാവുകങ്ങളും നേർന്ന ഗ്വാർഡിയോള, എന്നാൽ സീസണിന് ശേഷം കാൻസലോയുടെ ഭാവി എന്താകും എന്ന് ഉറപ്പില്ലെന്നും അറിയിച്ചു. സിറ്റി അവസാനം നേടിയ പ്രിമിയർ ലീഗ് കിരീടങ്ങളിൽ കാൻസലോയുടെ നിർണായക സ്വാധീനം ഉണ്ടായിരുന്നു എന്നും പെപ്പ് പറഞ്ഞു. ടോട്ടനവുമായുള്ള മത്സരത്തിന് മുന്നോടിയായി സംസാരിക്കുകയായിരുന്ന പെപ്പ്, അന്റോണിയോ കോന്റെ മികച്ച രീതിയിൽ തന്നെ ടീമിനെ ഒരുക്കുന്നുണ്ടെന്ന് ചൂണ്ടിക്കാട്ടി. ട്രാൻസ്ഫർ വിൻഡോ ഉഴുതുമറിച്ച ചെൽസിയെ കുറിച്ചുള്ള ചോദ്യത്തിന്, മുൻപ് തങ്ങളെ ബാൻ ചെയ്യാൻ എട്ടോ ഒൻപതോ ടീമുകൾ പ്രീമിയർ ലീഗിൽ പരാതി നൽകിയ സംഭവം ഓർമിപ്പിച്ചു.