Tag: Paul Pogba

പോൽ പോഗ്ബയുടെ കരിയറിൽ ഒരു തിരിച്ചടി കൂടെ. ഓഗസ്റ്റ് 20-ന് സീരി എയിൽ യുഡിനീസിനെതിരായ യുവന്റസ് മത്സരത്തിനു ശേഷം നടന്ന ഉത്തേജക മരുന്ന് പരിശോധനയിൽ പരാജയപ്പെട്ടതിനെ തുടർന്ന് പോൾ പോഗ്ബയെ താൽക്കാലികമായി സസ്പെൻഡ് ചെയ്തതായി അറിയിപ്പ് വന്നു. ഉഡിനെസെക്ക് എതിരായ 3-0ന്റെ വിജയത്തിന് ശേഷം നടന്ന ഉത്തേജക പരിശോധനയിൽ പോഗ്ബ പരാജയപ്പെട്ടുവെന്ന വാർത്ത ANSA ഏജൻസി ആണ് സ്ഥിരീകരിച്ചത്.

ആ മത്സരത്തിൽ പോഗ്ബ കളിച്ചിരുന്നില്ല എങ്കിലും ബെഞ്ചിൽ ഉണ്ടായിരുന്നു. രക്തപരിശോധനയിൽ ടെസ്റ്റോസ്റ്റിറോണിന്റെ അളവ് ഉയർന്നതായി കണ്ടെത്തി. പോസിറ്റീവ് ഫലം സ്ഥിരീകരിക്കുന്നതിനായി ബി സാമ്പിളും വിശകലനം ചെയ്യുക എന്നതാണ് അടുത്ത ഘട്ടം. അതുവരെ താരം സസ്പെൻഷനിലായിരിക്കും.

യുവന്റസ് പോഗ്ബയെ ഒഴിവാക്കാൻ ശ്രമിക്കുകയാണ് എന്ന വാർത്തകൾ വ്യാജമാണ് എന്ന് യുവന്റസ് ഡയറക്ടർ കാൽവോ. തുടർച്ചയായ പരിക്കുകൾ കാരണം യുവന്റസ് പോഗ്ബയിൽ നിരാശനാണ് എന്നും അദ്ദേഹത്തെ വിൽക്കാൻ ശ്രമിക്കുക ആണ് എന്നും റിപ്പോർട്ടുകൾ ഉണ്ടായിരുന്നു. എന്നാൽ ഞങ്ങൾ പോൾ പോഗ്ബയെ ഒഴിവാക്കാൻ പോകുന്നില്ല എന്നും ഈ കഥകളെല്ലാം തികച്ചും വ്യാജമാണ് എന്നും കാല്വോ പറഞ്ഞു.

യുവന്റസ് ഒരു കുടുംബമാണ്, പോൾ എത്രയും വേഗം മടങ്ങിവരാൻ പരമാവധി ശ്രമിക്കുന്നത് ഞങ്ങൾ കാണുന്നു – പോഗ്ബയെ ഞങ്ങൾ ശരിക്കും വിശ്വസിക്കുന്നു, അതിനാലാണ് ഞങ്ങൾ നാല് വർഷത്തെ കരാറിൽ ഒപ്പുവെച്ചത്. അദ്ദേഹം പറഞ്ഞു. ഈ സീസൺ തുടക്കത്തിൽ ക്ലബിലേക്ക് മടങ്ങി എത്തിയ പോഗ്ബ ഇതുവരെ ആകെ ഒരു തവണ മാത്രമാണ് ഈ സീസൺ കളിച്ചത്. കഴിഞ്ഞ ആഴ്ച പുതിയ പരിക്കേറ്റ പോഗ്ബ ഒരു മാസത്തോളം വീണ്ടും പുറത്തായിരിക്കും എന്നാണ് റിപ്പോർട്ടുകൾ.

പോൾ പോഗ്ബക്ക് കാര്യങ്ങൾ ഒന്നും നേർ വഴിക്കാവുന്നില്ല. പരിക്ക് മാറി എത്തിയ പോഗ്ബ ഇപ്പോൾ യുവന്റസിൽ അച്ചടക്ക നടപടി നേരിടുകയാണ്. ഇന്ന് ഫ്രൈബർഗിനെതിരായ യൂറോപ്പ ലീഗ് മത്സരത്തിൽ നിന്ന് യുവന്റസ് മിഡ്ഫീൽഡർ പോൾ പോഗ്ബയെ അലെഗ്രി ഒഴിവാക്കി. ഫെബ്രുവരി 28 ന് പോഗ്ബ പരിക്ക് മാറി ഏറെ നാളായി കാത്തിരുന്ന യുവന്റസിലെ രണ്ടാം അരങ്ങേറ്റം നടത്തിയിരുന്നു. അതിനു പിന്നാലെയാണ് പുതിയ സംഭവങ്ങൾ.

റിപ്പോർട്ടുകൾ പ്രകാരം, ടീം പരിശീലനത്തിന് പോഗ്ബ വൈകിയാണ് എത്തിയത്. ഇതാണ് അച്ചടക്ക നടപടിയുടെ കാരണം. തൽഫലമായി, യൂറോപ്പ ലീഗ് മത്സരത്തിനുള്ള ടീമിന്റെ ഭാഗമാകില്ല. യുവന്റസിനായി പോഗ്ബ തിരിച്ചെത്തിയതിൽ സന്തോഷിച്ചവർക്ക് നിരാശ നൽകുന്നതാണ് ഈ വാർത്ത.

ഫ്രഞ്ച് മധ്യനിര താരം പോൾ പോഗ്ബ യുവന്റസിലേക്കുള്ള് തന്റെ തിരിച്ചുവരവിലെ ആദ്യ മത്സരം ഉടൻ കളിക്കും. യുവന്റസും നാന്റസും തമ്മിലുള്ള യൂറോപ്പ ലീഗ് മത്സരത്തിൽ പോഗ്ബ കളിക്കും എന്നാണ് റിപ്പോർട്ടുകൾ. ഇന്നലെ പോഗ്ബ യുവന്റസിന്രെ ഫസ്റ്റ് ടീമും നെക്റ്റ്സ് ജെൻ ടീമുമായുള്ള പരിശീലന മത്സരത്തിൽ കളിച്ചു. താരം മാച്ച് ഫിറ്റ്നാ വീണ്ടെടുത്തതായാണ് വിലയിരുത്തൽ. നാളെ യൂറോപ്പ ലീഗിൽ കളിക്കാൻ പറ്റിയില്ല എങ്കിൽ പോഗ്ബ വാരാന്ത്യത്തിൽ നടക്കുന്ന ടൊറീനോയുമായുള്ള് ടൂറിൻ ഡർബിയിൽ കളിക്കും.

ഈ സീസൺ തുടക്കത്തിൽ ഫ്രീ ഏജന്റായി യുവന്റസിൽ എത്തിയ പോഗ്ബയ്ക്ക് ഒരു മത്സരം പോലും യുവന്റസിനായി കളിക്കാൻ ആയില്ല. പ്രീസീസൺ സമയത്ത് പരിക്കേറ്റ പോഗ്ബ ഏഴ് മാസമായി കളത്തിനു പുറത്ത് തന്നെയാണ്. പോഗ്ബയ്ക്ക് ഈ ഫ്രാൻസിന് ഒപ്പമുള്ള ലോകകപ്പ് വരെ ഈ പരിക്ക് കാരണം നഷ്ടമായി. അവസാന സീസണിൽ മാഞ്ചസ്റ്റർ യുണൈറ്റഡിലും പോഗ്ബയെ പരിക്ക് നിരന്തരം വേട്ടയാടിയിരുന്നു.

യുവന്റസിലേക്ക് മടങ്ങി എത്തിയ ശേഷം ആദ്യമായി ക്ലബിനായി കളിക്കാമെന്ന പോൾ പോഗ്ബയുടെ പ്രതീക്ഷകൾക്ക് തിരിച്ചടി. കഴിഞ്ഞ മത്സരത്തിൽ മാച്ച് സ്ക്വാഡിൽ എത്തിയ തറത്തിന് വീണ്ടും പരിക്കേറ്റിരിക്കുകയാണ്. വ്യാഴാഴ്ച ലാസിയോയുമായുള്ള കോപ്പ ഇറ്റാലിയ പോരാട്ടത്തിൽ പോഗ്ബ ഉണ്ടാകില്ല എന്ന് മാസിമിലിയാനോ അല്ലെഗ്രി അറിയിച്ചു. പോഗ്ബ പുതിയ പരിക്കിന് പിടിയിലാണ് എന്നും സമയം എടുക്കും എന്നും അദ്ദേഹം പറഞ്ഞു.

കഴിഞ്ഞ വാരാന്ത്യത്തിൽ മോൺസയ്‌ക്കെതിരായ മത്സരത്തിൽ പോഗ്ബ ബെഞ്ചിലുണ്ടായിരുന്നു എങ്കിലും ക്ലത്തിൽ ഇറങ്ങിയിരുന്നില്ല. 2022 ഏപ്രിലിന് ശേഷം ഒരു മത്സര മത്സരം പോലും പോഗ്ബ പരിക്ക് കാരണം കളിച്ചിട്ടില്ല. കഴിഞ്ഞ വേനൽക്കാലത്ത് മാഞ്ചസ്റ്റർ യുണൈറ്റഡിൽ നിന്ന് ഒരു ഫ്രീ ട്രാൻസ്ഫറിൽ ആണ് പോഗ്ബ യുവന്റസിലേക്ക് മടങ്ങി എത്തിയത്. യുവന്റസിൽ നാല് വർഷത്തെ കരാർ പോഗ്ബയ്ക്ക് ഉണ്ട്.

Story Highlight: Paul Pogba has been ruled out of Juventus’ game tomorrow against Lazio in the Coppa Italia with another injury

പോൾ പോഗ്ബയുടെ പരിക്ക് മാറാൻ ഇനിയും സമയം എടുക്കും. ഇത്തവണത്തെ ലോകകപ്പ് അടക്കം നഷ്ടമായ പോഗ്ബ ലോകകപ്പ് കഴിഞ്ഞ ഉടൻ യുവന്റസിനൊപ്പം കളി ആരംഭിക്കും എന്നായിരുന്നു കരിതിയത്. എന്നാൽ 29കാരന് ഫിറ്റ്നസ് വീണ്ടെടുക്കാൻ ഇനിയും ഒരു മാസം കൂടെ വേണ്ടി വരും എന്ന് പുതിയ റിപ്പോർട്ടുകൾ പറയുന്നു.

ഫ്രഞ്ച് താരം പരിക്ക് മാറാനായി ശസ്ത്രക്രിയക്ക് വിധേയനായിരുന്നു. പരിക്ക് മാറാൻ ശസ്ത്രക്രിയ ഇല്ലാത്ത വഴി പോഗ്ബ ശ്രമിച്ചു നോക്കി എങ്കിലും അത് ഫലം കണ്ടില്ല. തുടർന്നാണ് ക്ലബും താരവും കൂടി ശസ്ത്രക്രിയക്ക് വിധേയനാകാൻ തീരുമാനിച്ചത്‌.

മുട്ടിൽ മെനിസ്കസിലാണ് പോഗ്ബക്ക് പരിക്ക്. യുവന്റസിന്റെ പ്രീസീസൺ പരിശീലനത്തിന് ഇടയിൽ ആയിരുന്നു പോഗ്ബക്ക് പരിക്കേറ്റത്‌. ഈ സമ്മർ ട്രാൻസ്ഫറിൽ ആയിരുന്നു പോഗ്ബ മാഞ്ചസ്റ്റർ യുണൈറ്റഡ് വിട്ട് ഫ്രീ ട്രാൻസ്ഫറിൽ യുവന്റസിലേക്ക് മടങ്ങി എത്തിയത്‌. കഴിഞ്ഞ സീസണിലും പോഗ്ബയെ പരിക്ക് അലട്ടിയിരുന്നു. മാഞ്ചസ്റ്റർ യുണൈറ്റഡിനായി കഴിഞ്ഞ സീസണിൽ വളരെ കുറച്ചു മത്സരങ്ങൾ മാത്രമേ പോഗ്ബ കളിച്ചിരുന്നുള്ളൂ. തിരിച്ചെത്തിയ ശേഷം ഒരു മത്സരം വരെ പോഗ്ബക്ക് യുവന്റസിൽ കളിക്കാൻ ആയിട്ടില്ല.