Parupalli Kashyap News in Malayalam

നാലാം സീഡിനെ അട്ടിമറിച്ച് ഫൈനലിലേക്ക് കടന്ന് പാരുപ്പള്ളി കശ്യപ്

കാനഡ ഓപ്പണിന്റെ ഫൈനലില്‍ കടന്ന് ഇന്ത്യയുടെ പാരുപ്പള്ളി കശ്യാപ്. സെമിയില്‍ ചൈനീസ് തായ്പേയുടെ വാംഗ് സു വീയെ മൂന്ന് ഗെയിം പോരാട്ടത്തിലാണ് കശ്യപ് അട്ടിമറിച്ചത്. 14-21, 21-17, 21-18 എന്ന സ്കോറിന് ആദ്യ ഗെയിം കൈവിട്ട ശേഷമാണ് കശ്യപിന്റെ ശക്തമായ തിരിച്ചുവരവ്. 71 മിനുട്ട് നീണ്ട പോരാട്ടത്തിലാണ് കശ്യപിന്റെ വിജയം. ഫൈനലില്‍ ചൈനയുടെ ഷീ ഫെംഗ് ലിയാണ് കശ്യപിന്റെ എതിരാളി.

ചൈനീസ് താരവും മൂന്ന് ഗെയിം പോരാട്ടത്തിലാണ് ജയം നേടിയത്. ആദ്യ ഗെയിമില്‍ ഒപ്പത്തിനൊപ്പം നിന്ന ശേഷം 20-22ന് ജപ്പാന്റെ കോകി വാന്റാബേയോട് ഷീ പിന്നില്‍ പോയെങ്കിലും അടുത്ത രണ്ട് ഗെയിമുകളില്‍ ജാപ്പനീസ് താരത്തെ നിഷ്പ്രഭമാക്കിയാണ് ചൈനയുടെ താരം വിജയം കുറിച്ചത്. സ്കോര്‍: 20-22, 21-10, 21-11. 57 മിനുട്ട് മാത്രമാണ് മത്സരം നീണ്ട് നിന്നത്.

യോനക്സ് കാനഡ ഓപ്പണ്‍, സെമിയില്‍ കടന്ന് പാരുപ്പള്ളി കശ്യപ്, സൗരഭ് വര്‍മ്മയ്ക്ക് തോല്‍വി

മൂന്ന് ഗെയിം ത്രില്ലറില്‍ വിജയം കുറിച്ച് കാനഡ ഓപ്പണ്‍ സെമിയില്‍ കടന്ന് പാരുപ്പള്ളി കശ്യപ്. ഫ്രാന്‍സിന്റെ ലൂക്കാസ് ക്ലൈര്‍ബൗട്ടിനെ മൂന്ന് ഗെയിം നീണ്ട പോരാട്ടത്തിനൊടുവില്‍ കീഴടക്കിയാണ് കശ്യപിന്റെ വിജയം. ആദ്യ ഗെയിം കൈവിട്ടുവെങ്കിലും ശക്തമായ പോരാട്ടം കണ്ട രണ്ട്-മൂന്ന് ഗെയിമുകളില്‍ ടൈബ്രേക്കറിലാണ് കശ്യപ് വിജയം പിടിച്ചെടുത്തത്. 76 മിനുട്ട് നീണ്ട മത്സരത്തിനൊടുവില്‍ 12-21, 23-21, 24-22 എന്ന സ്കോറിനായിരുന്നു കശ്യപിന്റെ വിജയം. സെമിയില്‍ നാലാം സീഡ് വാംഗ് സുവിനെയാണ് താരം നേരിടുക.

മറ്റൊരു ക്വാര്‍ട്ടര്‍ ഫൈനല്‍ മത്സരത്തില്‍ ഇന്ത്യയുടെ സൗരഭ് വര്‍മ്മയ്ക്ക് തോല്‍വിയേറ്റ് വാങ്ങേണ്ടി വന്നു. ചൈനയുടെ ഷീ ഫെംഗ് ലീയോട് നേരിട്ടുള്ള ഗെയിമിലാണ് സൗരഭിന്റെ തോല്‍വി. സ്കോര്‍: 15-21, 11-21.

പ്രണോയ്‍ക്ക് പിന്നാലെ കശ്യപിനെയും പുറത്താക്കി ലിന്‍ ഡാന്‍, ഇന്ത്യയുടെ അവസാന പ്രതീക്ഷയും അവസാനിച്ചു

ആദ്യ റൗണ്ടില്‍ എച്ച് എസ് പ്രണോയ്‍യെ പുറത്താക്കിയ ലിന്‍ ഡാന്‍ രണ്ടാം റൗണ്ടില്‍ ഇന്ത്യയുടെ പാരുപ്പള്ളി കശ്യപിനെയും ഓസ്ട്രേലിയന്‍ ഓപ്പണ്‍ സൂപ്പര്‍ സീരീസില്‍ നിന്ന് പുറത്താക്കി. ഇന്ന് നടന്ന ആവേശ പോരാട്ടത്തില്‍ മൂന്ന് ഗെയിം നീണ്ട പോരാട്ടത്തിനു ശേഷമാണ് കശ്യപിന്റെ വിജയം. ആദ്യ ഗെയിം നഷ്ടപ്പെട്ടുവെങ്കിലും രണ്ടാം ഗെയിം കശ്യപ് പോരാടി നേടിയെങ്കിലും മൂന്നാം ഗെയിമില്‍ ഇന്ത്യന്‍ താരം പിന്നില്‍ പോയി.

66 മിനുട്ട് നീണ്ട മത്സരത്തില്‍ 17-21, 22-20, 14-21 എന്ന സ്കോറിനായിരുന്നു ഇന്ത്യന്‍ താരത്തിന്റെ പരാജയം. ഇതോടെ ടൂര്‍ണ്ണമെന്റിലെ അവസാന ഇന്ത്യന്‍ താരവും പുറത്താകുകയായിരുന്നു.

കശ്യപിനു വിജയം, ലിന്‍ ഡാനിനോട് കീഴടങ്ങി പ്രണോയ്

ഓസ്ട്രേലിയന്‍ ഓപ്പണ്‍ സൂപ്പര്‍ സീരീസിന്റെ ആദ്യ റൗണ്ടില്‍ പാരുപ്പള്ളി കശ്യപിനു വിജയം. തായ്‍ലാന്‍ഡിന്റെ സുപ്പാന്യുവിനെയാണ് നേരിട്ടുള്ള ഗെയിമില്‍ ഇന്ത്യന്‍ താരം കീഴടക്കിയത്. 21-16, 21-15 എന്ന സ്കോറിനു 44 മിനുട്ടിനുള്ളില്‍ ഇന്ത്യന്‍ താരം വിജയം കുറിച്ചു.

അതേ സമയം ആദ്യ റൗണ്ടില്‍ തന്നെ പുറത്തായി ഇന്ത്യയുടെ എച്ച് എസ് പ്രണോയ്. ഇന്ന് നടന്ന മത്സരത്തില്‍ ചൈനീസ് ഇതിഹാസം ലിന്‍ ഡാനിനോടാണ് നേരിട്ടുള്ള ഗെയിമുകളില്‍ പ്രണോയ് കീഴടങ്ങിയത്. 50 മിനുട്ട് നീണ്ട പോരാട്ടത്തിനൊടുവില്‍ 18-21, 19-21 എന്ന സ്കോറിനാണ് ഇന്ത്യന്‍ താരത്തിന്റെ തോല്‍വി. ലിന്‍ ഡാനിനെയാണ് നാളെ കശ്യപ് നേരിടുന്നത്.

സിംഗപ്പൂര്‍ ഓപ്പണ്‍ ക്വാര്‍ട്ടറില്‍ കടന്ന് സമീര്‍ വര്‍മ്മയും കിഡംബിയും, പ്രണോയ്ക്കും പാരുപ്പള്ളി കശ്യപിനും തോല്‍വി

സിംഗപ്പൂര്‍ ഓപ്പണിന്റെ ക്വാര്‍ട്ടര്‍ ഫൈനലില്‍ കടന്ന് സമീര്‍ വര്‍മ്മയും ശ്രീകാന്ത് കിഡംബിയും. അതേ സമയം എച്ച് എസ് പ്രണോയും പാരുപ്പള്ളി കശ്യപിനും തോല്‍വിയായിരുന്നു ഫലം. സമീര്‍ വര്‍മ്മ നേരിട്ടുള്ള ഗെയിമില്‍ ചൈനയുടെ ലൂ ഗുവാംഗ്സുവിനെയും (സ്കോര്‍ :21-15, 21-18) കിഡംബി ഡെന്മാര്‍ക്ക് താരം ഹാന്‍സ്-ക്രിസ്റ്റ്യനെയും 21-12, 23-21 എന്ന സ്കോറിനാണ് കീഴടക്കിയത്.

ഇന്ത്യയുടെ പാരുപ്പള്ളി കശ്യപ് ചൈനയുടെ ചെന്‍ ലോംഗിനോട് മൂന്ന് ഗെയിം പോരാട്ടത്തിലാണ് പരാജയപ്പെട്ടത്. ആദ്യ ഗെയിം കൈവിട്ട ശേഷം കശ്യപ് രണ്ടാം ഗെയിം നേടിയെങ്കിലും പിന്നീട് മത്സരത്തില്‍ പിന്നോട്ട് പോയി. സ്കോര്‍: 9-21, 21-15, 15-21. അതേ സമയം എച്ച് എസ് പ്രണോയ് ജപ്പാന്റെ കെന്റോ മോമോട്ടയോട് നേരിട്ടുള്ള ഗെയിമില്‍ കീഴടങ്ങി. സ്കോര്‍: 11-21, 11-21.

കിഡംബി ഫൈനലില്‍, അക്സെല്‍സെനു മുന്നില്‍ കശ്യപിനും രക്ഷയില്ല

ഇന്ത്യ ഓപ്പണ്‍ ബാഡ്മിന്റണിന്റെ ഫൈനലിലേക്ക് യോഗ്യത നേടി ശ്രീകാന്ത് കിഡംബി. സെമി ഫൈനലില്‍ ചൈനയുടെ യൂസിയാംഗ് ഹുവാംഗിനെതിരെ മൂന്ന് ഗെയിം പോരാട്ടത്തിലാണ് കിഡംബിയുടെ ജയം. ആദ്യ ഗെയിം കൈവിട്ട ശേഷമാണ് കിഡംബി ഫൈനലിലേക്ക് യോഗ്യത നേടിയത്. 16-21, 21-14, 21-19 എന്ന സ്കോറിനു 63 മിനുട്ട് നീണ്ട പോരാട്ടത്തിനു ശേഷമാണ് കിഡംബിയുടെ ജയം.

എച്ച് എസ് പ്രണോയിയെ ക്വാര്‍ട്ടറില്‍ വീഴ്ത്തിയെത്തിയ ഡെന്മാര്‍ക്കിന്റെ അക്സെല്‍സെന്നിനു മുന്നില്‍ ഇന്ത്യയുടെ പാരുപ്പള്ളി കശ്യപിനും പരാജയം. ഇന്ന് നടന്ന സെമി പോരാട്ടത്തില്‍ അക്സെല്‍സെന്ന് നേരിട്ടുള്ള ഗെയിമുകളില്‍ കശ്യപിനെ പരാജയപ്പെടുത്തി. 43 മിനുട്ട് മാത്രം നീണ്ട് നിന്ന മത്സരത്തില്‍ 11-21, 17-21 എന്ന സ്കോറിനായിരുന്നു കശ്യപിന്റെ പരാജയം.

കശ്യപ് സെമിയില്‍, പ്രണീതിനെ കീഴടക്കി കിഡംബിയും

ഇന്ത്യ ഓപ്പണ്‍ ബാഡ്മിന്റണിന്റെ സെമിയില്‍ പ്രവേശിച്ച് പാരുപള്ളി കശ്യപും ശ്രീകാന്ത് കിഡംബിയും. തായ്‍വാന്റെ സു വീ വാംഗിനെ നേരിട്ടുള്ള ഗെയിമിലാണ് പാരുപ്പള്ളി കശ്യപ് പുറത്താക്കിയത്. 21-16, 21-11 എന്ന സ്കോറിനായിരുന്നു കശ്യപിന്റെ വിജയം. 2015 ഏപ്രിലിനു ശേഷം ഇതാദ്യമായാണ് കശ്യപ് ഒരു വലിയ ടൂര്‍ണ്ണമെന്റിന്റെ സെമിയില്‍ എത്തുന്നത്.

അതേ സമയം ഇന്ത്യന്‍ താരങ്ങളുടെ പോരാട്ടത്തില്‍ സായി പ്രണീതിനെ വീഴ്ത്തി ശ്രീകാന്ത് കിഡംബി ടൂര്‍ണ്ണമെന്റിന്റെ സെമിയിലെത്തി. മൂന്ന് ഗെയിം പോരാട്ടത്തില്‍ ആദ്യ ഗെയിം കൈവിട്ട ശേഷമാണ് കിഡംബി തിരിച്ചുവരവ് നടത്തിയത്. 62 മിനുട്ട് നീണ്ട മത്സരത്തില്‍ 21-23, 21-11, 21-19 എന്ന സ്കോറിനായിരുന്നു കിഡംബിയുടെ വിജയം.

സായി പ്രണീതിനോട് തോല്‍വി വഴങ്ങി സമീര്‍ വര്‍മ്മ, കശ്യപിനു പരാജയം

അജയ് ജയറാമിനെ ആദ്യ റൗണ്ടില്‍ കീഴടക്കിയെത്തിയ സമീര്‍ വര്‍മ്മയ്ക്ക് മറ്റൊരു ഇന്ത്യന്‍ താരത്തിനു മുന്നില്‍ കാലിടറി. ഇന്നലെ നടന്ന പ്രീക്വാര്‍ട്ടര്‍ മത്സരത്തില്‍ ഇന്ത്യന്‍ സഹതാരം സായി പ്രണീതിനോടാണ് സമീര്‍ നേരിട്ടുള്ള ഗെയിമുകളില്‍ പരാജയം ഏറ്റുവാങ്ങിയത്. 21-14, 22-20 എന്ന സ്കോറിനു 47 മിനുട്ട് നീണ്ട മത്സരത്തിനൊടുവിലാണ് പ്രണീത് സ്വിസ് ഓപ്പണ്‍ ക്വാര്‍ട്ടര്‍ ഫൈനലിലേക്ക് കടന്നത്.

അതേ സമയം ഇന്ത്യയുടെ പാരുപ്പള്ളി കശ്യപ് നേരിട്ടുള്ള ഗെയിമുകളില്‍ നെതര്‍ലാണ്ട്സിന്റെ മാര്‍ക്ക് കാല്‍ജൗവിനോട് പരാജയപ്പെട്ടു. 15-21, 16-21 എന്ന സ്കോറിനായിരുന്നു കശ്യപിന്റെ തോല്‍വി.

സ്വിസ് ഓപ്പണ്‍ പാരുപ്പള്ളി കശ്യപിനു ജയം, ഡബിള്‍സ് ടീമുകള്‍ക്ക് പരാജയം

2019 സ്പിസ്സ് ഓപ്പണില്‍ ഇന്ത്യയുടെ പാരുപ്പള്ളി കശ്യപിനു ജയം. ആദ്യ റൗണ്ട് മത്സരത്തില്‍ സ്വീഡന്റെ ഫെലിക്സ് ബുര്‍സ്റ്റെഡ്റ്റിനെയാണ് കശ്യപ് നേരിട്ടുള്ള ഗെയിമില്‍ പരാജയപ്പെടുത്തിയത്. 47 മിനുട്ട് നീണ്ട മത്സരത്തില്‍ ഇരു ഗെയിമുകളിലും അവസാനം വരെ ഫെലിക്സ് പൊരുതിയെങ്കിലും കശ്യപ് ശക്തമായ സാന്നിധ്യം അറിയിച്ച് മത്സരം പോക്കറ്റിലാക്കി. സ്കോര്‍: 21-19, 21-17.

അതേ സമയം ഡബിള്‍സില്‍ അര്‍ജ്ജുന്‍ എംആര്‍-രാമചന്ദ്രന്‍ ശ്ലോക് സഖ്യവും മനു അട്രി-സുമീത് റെഡ്ഢി കൂട്ടുകെട്ടും ആദ്യ റൗണ്ടില്‍ പരാജയം ഏറ്റുവാങ്ങി. അര്‍ജ്ജുന്‍-രാമചന്ദ്രന്‍ ടീം ജര്‍മ്മനിയുടെ ടീമിനെതിരെ നേരിട്ടുള്ള ഗെയിമില്‍ 18-21, 20-22 എന്ന സ്കോറിനു കീഴടങ്ങിയപ്പോള്‍ മനു-സുമീത് സഖ്യം മൂന്ന് ഗെയിം പോരാട്ടത്തിലാണ് കീഴടങ്ങിയത്. സ്കോര്‍ 21-18, 17-21, 10-21.

ഇന്ത്യയ്ക്ക് വീണ്ടും നിരാശ, കശ്യപിനു തോല്‍വി

ബാഴ്സലോണ്‍ സ്പെയിന്‍ മാസ്റ്റേഴ്സ് 2019ല്‍ ഇന്ത്യന്‍ താരങ്ങള്‍ക്ക് നിരാശ നിറഞ്ഞ ദിനം. സൗരഭ് വര്‍മ്മയ്ക്കും അജയ് ജയറാമിനും പിന്നാലെ ഇന്ത്യയുടെ പാരുപ്പള്ളി കശ്യപും ടൂര്‍ണ്ണമെന്റില്‍ നിന്ന് ഇന്ന് പുറത്തായി. സിംഗപ്പൂരിന്റെ കീന്‍ യെവ് ലോഹ് എന്ന താരത്തിനോടാണ് മൂന്ന് ഗെയിം നീണ്ട മത്സരത്തിനൊടുവില്‍ കശ്യപ് അടിയറവ് പറഞ്ഞത്.

57 മിനുട്ട് നീണ്ട മത്സരത്തില്‍ 12-21, 21-18, 15-21 എന്ന സ്കോറിനാണ് ഇന്ത്യന്‍ താരം കീഴടങ്ങിയത്.

കശ്യപിനു തോല്‍വി, ക്വാര്‍ട്ടര്‍ കാണാതെ പുറത്ത്

ഇന്ത്യയുടെ പാരുപ്പള്ളി കശ്യപിനു പ്രീ ക്വാര്‍ട്ടറില്‍ തോല്‍വി. മലേഷ്യ മാസ്റ്റേഴ്സിന്റെ പ്രീ ക്വാര്‍ട്ടറില്‍ ഇന്തോനേഷ്യയുടെ ആന്തണി സിനിസുക ഗിന്റിംഗിനോടാണ് നേരിട്ടുള്ള ഗെയിമുകളില്‍ കശ്യപ് പരാജയം ഏറ്റവുാങ്ങിയത്. 53 മിനുട്ട് നീണ്ട പോരാട്ടത്തില്‍ ഇരു ഗെയിമുകളില്‍ പൊരുതിയാണ് കശ്യപിന്റെ കാലിടറിയത്. 17-21, 23-25 എന്ന സ്കോറിനാണ് താരം പരാജയപ്പെട്ടത്.

സൈനയ്ക്ക് പിന്നാലെ ആദ്യ റൗണ്ടില്‍ ജയം സ്വന്തമാക്കി കശ്യപും, വനിത ഡബിള്‍സിലും ഇന്ത്യന്‍ സഖ്യത്തിനു ജയം

സൈന നെഹ്‍വാലിന്റെ ആദ്യ റൗണ്ട് ജയത്തിനു പിന്നാലെ വിജയം കുറിച്ച് ഭര്‍ത്താവ് പാരുപ്പള്ളി കശ്യപും. ഇന്ന് നടന്ന മലേഷ്യ മാസ്റ്റേഴ്സ് ആദ്യ റൗണ്ട് മത്സരത്തില്‍ കശ്യപ്പ് ആദ്യ ഗെയിം കൈവിട്ട ശേഷമാണ് മത്സരത്തിലേക്ക് തിരികെ വരുന്നത്. സൈനയും സമാനമായ രീതിയിലാണ് വിജയം കുറിച്ചത്. ഡെന്മാര്‍ക്കിന്റെ റാസ്മസ് ഗെംകേയെയാണ് 68 മിനുട്ട് നീണ്ട പോരാട്ടത്തിനൊടുവില്‍ 19-21, 21-19, 21-10 എന്ന സ്കോറിനു കശ്യപ് കീഴടക്കിയത്.

വനിത ഡബിള്‍സ് ടീമും നേരിട്ടുള്ള ഗെയിമുകളില്‍ വിജയം കുറിച്ച് അടുത്ത റൗണ്ടില്‍ കടന്നിട്ടുണ്ട്. 21-16, 22-20 എന്ന സ്കോറിനാണ് 37 മിനുട്ട് മാത്രം നീണ്ട മത്സരത്തില്‍ ഇന്ത്യന്‍ ജോഡി ഹോങ്കോംഗ് ടീമിനെ പരാജയപ്പെടുത്തിയത്.