Tag: Pakistan

ഇന്ന് അഫ്ഗാനിസ്താനിൽ നിന്ന് ഏറ്റ പരാജയം ഏറെ വേദനിപ്പിക്കുന്നു എന്ന് ബാബർ അസം. ചരിത്രത്തിൽ ആദ്യമായായിരുന്നു പാകിസ്താൻ അഫ്ഗാനിസ്താനോട് ഏകദിനത്തിൽ പരാജയപ്പെട്ടത്‌‌. എട്ടു വിക്കറ്റിന്റെ ആധികാരിക വിജയമാണ് അഫ്ഗാനിസ്താൻ ഇന്ന് നേടിയത്. പാകിസ്താന് ഇത് തുടർച്ചയായി മൂന്നാം പരാജയമാണ്.

“ഈ തോൽവി ഞങ്ങളെ വല്ലാതെ വേദനിപ്പിക്കുന്നു. ഞങ്ങൾക്ക് നല്ല ടോട്ടൽ ഉണ്ടായിരുന്നു. മധ്യ ഓവറുകളിൽ വിക്കറ്റ് വീഴ്ത്താനായില്ല. ബൗളിംഗിൽ ഞങ്ങൾ മികച്ച നിലവാരം പുലർത്തിയില്ല. ഒരു ഡിപ്പാർട്ട്‌മെന്റിൽ മോശമായാൽ പോലും നിങ്ങൾക്ക് ഗെയിം നഷ്ടപ്പെടും.” ബാബർ അസം പറഞ്ഞു.

“ഞങ്ങൾ ബൗണ്ടറികൾ തടയുന്നതിൽ പരാജയപ്പെട്ടു. മധ്യ ഓവറുകളിൽ ഞങ്ങൾക്ക് വിക്കറ്റുകൾ ആവശ്യമായിരുന്നു, പക്ഷേ ഞങ്ങൾക്ക് ഒന്നും എടുക്കാനായില്ല. മൂന്ന് ഡിപ്പാർട്ട്‌മെന്റുകളിലും നന്നായി കളിച്ചതിന്റെ എല്ലാ ക്രെഡിറ്റും അഫ്ഗാനിസ്ഥാനാണ്. അതുകൊണ്ടാണ് അവർ വിജയിച്ചത്. ബൗളിംഗിലും ഫീൽഡിങ്ങിലും ഞങ്ങൾ നല്ല ക്രിക്കറ്റ് കളിക്കുന്നില്ല.” ബാബർ പറഞ്ഞു.

അടുത്ത മത്സരത്തിൽ ഞങ്ങൾ പരമാവധി ശ്രമിക്കും. പാകിസ്താൻ ക്യാപ്റ്റൻ കൂട്ടിച്ചേർത്തു.

പാകിസ്താൻ വീണ്ടും പതറി. അഫ്ഘാനിസ്ഥാൻ വീണ്ടും പറന്നുയർന്നു‌. ഇന്ന് ലോകകപ്പിൽ ചെന്നൈയിൽ നടന്ന മത്സരത്തിൽ പാകിസ്താനെതിരെ 8 വിക്കറ്റ് വിജയമാണ് അഫ്ഗാനിസ്താൻ നേടിയത്‌. അഫ്ഗാനിസ്താന്റെ ഈ ലോകകപ്പിലെ രണ്ടാം വിജയമാണിത്. നേരത്തെ അവർ ഇംഗ്ലണ്ടിനെയും തോൽപ്പിച്ചിരുന്നു. പാകിസ്താനാകട്ടെ ഇത് തുടർച്ചയായ മൂന്നാം പരാജയമാണിത്. ഇത് ചരിത്രത്തിൽ ആദ്യമായാണ് അഫ്ഗാനിസ്താൻ പാകിസ്താനെ ഏകദിനത്തിൽ തോല്പ്പിക്കുന്നത്‌.

പാകിസ്താൻ ഉയർത്തിയ 283 എന്ന വിജയലക്ഷ്യം പിന്തുടർന്ന അഫ്ഗാനിസ്താന് ഗംഭീര തുടക്കമാണ് ലഭിച്ചത്. ആദ്യ വിക്കറ്റിൽ അവർ 20 ഓവറിൽ 131 റൺസ് എടുത്തു. 53 പന്തിൽ നിന്ന് 65 റൺസ് എടുത്ത ഗുർബാസ് ആണ് ആദ്യം പുറത്തായത്. ഒരു സിക്സും 9 ഫോറും അടങ്ങുന്നത് ആയിരുന്നു ഗുർബാസിന്റെ ഇന്നിംഗ്സ്.

ഇബ്രാഹിം സദ്രാനും മികച്ച രീതിയിൽ ബാറ്റു ചെയ്തു. 113 പന്തിൽ നിന്ന് 87 റൺസ് എടുത്താണ് സദ്രാൻ പുറത്തായത്‌. 10 ബൗണ്ടറികൾ അടങ്ങുന്നത് ആയിരുന്നു ഇന്നിംഗ്സ്. സദ്രാൻ പുറത്താകുമ്പോൾ 33 ഓവറിൽ 190-2 എന്ന മികച്ച നിലയിൽ ആയിരുന്നു അഫ്ഗാനിസ്താൻ.

റഹ്മതും ഹഷ്മതും കൂട്ടുകെട്ടിന്റെ തുടക്കത്തിൽ പ്രയാസപ്പെട്ടു എങ്കിലും പതിയെ ഇരുവരും റൺസ് കണ്ടെത്തി. റഹ്മത് ഷാ 84 പന്തിൽ നിന്ന് 77 റൺസ് എടുത്തു. ഹഷ്മത് 48 റൺസും എടുത്തു. 49ആം ഓവറിലേക്ക് വിജയം പൂർത്തിയാക്കാൻ അഫ്ഗാനിസ്താനായി.

ഇന്ന് അഫ്ഗാനിസ്ഥാനെതിരെ ആദ്യം ബാറ്റ് ചെയ്ത പാകിസ്താൻ 282 റൺസ് ആണ് നേടിയത്. ബാബര്‍ അസമും അബ്ദുള്ള ഷഫീക്കും നേടിയ അര്‍ദ്ധ ശതകങ്ങളാണ് ടീമിനെ മുന്നോട്ട് നയിച്ചത്. ഷഫീക്ക് 58 റൺസ് നേടിയപ്പോള്‍ ബാബര്‍ അസം 74 റൺസുമായി ടീമിന്റെ ടോപ് സ്കോറര്‍ ആയി.

ഷദബ് ഖാന്‍ 38 പന്തിൽ 40 റൺസും ഇഫ്തിക്കര്‍ അഹമ്മദ് 27 പന്തിൽ 40 റൺസും നേടിയാണ് പാക് സ്കോര്‍ 282 റൺസിലേക്ക് എത്തിച്ചത്. 7 വിക്കറ്റുകള്‍ ആണ് ടീമിന് നഷ്ടമായത്. അഫ്ഗാനിസ്ഥാന് വേണ്ടി നൂര്‍ അഹമ്മദ് 3 വിക്കറ്റും നവീന്‍ ഉള്‍ ഹക്ക് 2 വിക്കറ്റും നേടി.

പാകിസ്താന് ലോകകപ്പിൽ വീണ്ടും പരാജയം. ഇന്ന് ഓസ്ട്രേലിയ 62 റൺസിനാണ് പാകിസ്താനെ പരാജയപ്പെടുത്തിയത്‌. ഓസ്ട്രേലിയ ഉയർത്തിയ 368 എന്ന വിജയ ലക്ഷ്യം പിന്തുടർന്ന പാകിസ്താന് 305 റൺസ് എടുക്കാനെ ആയുള്ളൂ. ഓസ്ട്രേലിയക്ക് ഈ വിജയം ഊർജ്ജം നൽകുമ്പോൾ പാകിസ്താന് ഇത് അവരുടെ സെമി പ്രതീക്ഷയ്ക്ക് വലിയ തിരിച്ചടിയാണ്.

ഇന്ന് മികച്ച തുടക്കം ആണ് പാകിസ്താന് ഓപ്പണർമാർ നൽകിയത്‌. 134 റൺസിന്റെ ഓപ്പണിംഗ് കൂട്ടുകെട്ട് അവർ നേടി. ഷഫീഖ് 64 റൺസും ഇമാം 70 റൺസും എടുത്തു. പക്ഷെ അതിനു ശേഷം വന്നവർ ആരും വലിയ സ്കോർ നേടിയില്ല. റിസുവാൻ 46 റൺസ് എടുത്തു എങ്കിലും ഒന്നിനു പിറകെ ഒന്നായി വിക്കറ്റുകൾ വീണത് അവരുടെ ചെയ്സിനെ ബാധിച്ചു.

ആഡം സാമ്പ നാലു വിക്കറ്റ് വീഴ്ത്തി ഓസ്ട്രേലിയക്ക് ആയി ബൗളു കൊണ്ട് തിളങ്ങി. സ്റ്റോയിനിസ്, കമ്മിൻസ് എന്നിവർ 2 വിക്കറ്റും നേടി. ഹേസില്വുഡ്,,സ്റ്റാർക് എന്നിവർ ഒരോ വിക്കറ്റും നേടി.

ഇന്ന് ആദ്യം ബാറ്റു ചെയ്ത് ഓസ്ട്രേലിയ 9 വിക്കറ്റ് നഷ്ടത്തിൽ 367 റൺസാണ് നേടിയത്. ഡേവിഡ് വാര്‍ണറും മിച്ചൽ മാര്‍ഷും ടോപ് ഓര്‍ഡറിൽ റണ്ണടിച്ച് കൂട്ടിയപ്പോള്‍ ഒന്നാം വിക്കറ്റ് കൂട്ടുകെട്ട് 259 റൺസാണ് നേടിയത്.

108 പന്തിൽ 121 റൺസ് നേടിയ മാര്‍ഷ് ആദ്യം പുറത്തായപ്പോള്‍ തൊട്ടടുത്ത പന്തിൽ ഗ്ലെന്‍ മാക്സ്വെല്ലിനെയും ഓസ്ട്രേലിയയ്ക്ക് പൂജ്യത്തിന് നഷ്ടമായി. ഇരു വിക്കറ്റുകളും ഷഹീന്‍ അഫ്രീദി ആണ് നേടിയത്. സ്മിത്തിനും വലിയ തോതിൽ റൺസ് കണ്ടെത്താനാകാതെ പോയപ്പോള്‍ ഡേവിഡ് വാര്‍ണര്‍ 124 പന്തിൽ 163 റൺസ് നേടി പുറത്തായി.

വാര്‍ണര്‍ പുറത്താകുമ്പോള്‍ ഓസ്ട്രേലിയ 325/4 എന്ന നിലയിലായിരുന്നു. പാക്കിസ്ഥാന് വേണ്ടി  ഷഹീന്‍ അഫ്രീദി അഞ്ചും ഹാരിസ് റൗഫ് മൂന്ന് വിക്കറ്റും നേടി. അവസാന ഓവറുകളിൽ വിക്കറ്റുകളുമായി പാക്കിസ്ഥാന്‍ ഓസ്ട്രേലിയയുടെ 400 റൺസെന്ന സ്വപ്നങ്ങള്‍ക്ക് തടയിടുകയായിരുന്നു.

ഇന്ന് ബെംഗളൂരുവിൽ നടക്കുന്ന പാകിസ്താൻ ഓസ്ട്രേലിയ പോരാട്ടത്തിൽ പുതിയ വിവാദം ഉയർന്നിരിക്കുകയാണ്. പാകിസ്താൻ ആരാധകനായ ഒരു യുവാവിനെ പാകിസ്താനു വേണ്ടി ജയ് വിളിക്കുന്നത് ഒരു പോലീസ് ഉദ്യോഗസ്ഥൻ തടഞ്ഞതാണ് വിവാദമായത്. പാകിസ്താൻ സിന്ദാബാദ് എന്ന് സ്റ്റേഡിയത്തിൽ വിളിക്കാൻ പാടില്ല എന്ന് പോലീസ് ഉദ്യോഗസ്ഥൻ പറയുന്ന വീഡിയോ സാമൂഹിക മാധ്യമങ്ങളിൽ വൈറലാകുന്നുണ്ട്.

താൻ പാകിസ്താനിൽ നിന്ന് ആണ്, തന്റെ ടീമും ഓസ്ട്രേലിയയും ആണ് കളിക്കുന്നത്. അപ്പോൾ തനിക്ക് തന്റെ ടീമിനെ പിന്തുണക്കാൻ ആകില്ലെ എന്ന് ആരാധകൻ ചോദിച്ചു. പോലീസ് ഇന്ത്യക്ക് ജയ് വിളിക്കുന്നത് ആകാം എന്നും എന്നാൽ പാകിസ്താൻ ജയ് വിളികൾ വേണ്ട എന്നും മറുപടി നൽകി. പാകിസ്താൻ ആരാധകൻ വീഡിയോ എടുക്കാൻ ശ്രമിച്ചതോടെയും മറ്റു ഉദ്യോഗസ്ഥർ ഇടപെട്ടതോടെയും പ്രശ്നം പരിഹരിക്കപ്പെട്ടു.

See more

It's shocking and upsetting to see that people are being stopped from cheering "Pakistan Zindabad" at the game.

This totally goes against what the sport is about!#CWC23 #PAKvsAUS #AUSvsPAK pic.twitter.com/iVnyFlNB09

— Momin (@mominsaqib) October 20, 2023

നേരത്തെ ഇന്ത്യ പാകിസ്താൻ മത്സരത്തിൽ പാകിസ്താനായി അനൗൺസ്മെന്റ് ഒന്നും ഉണ്ടാവാത്തതിൽ പാകിസ്താൻ പ്രതിഷേധം ഉയർത്തിയിരുന്നു. പുതിയ വിവാദങ്ങളോട് പാകിസ്താൻ എങ്ങനെ ഔദ്യോഗികമായൊ പ്രതികരിക്കും എന്നതാകും കണ്ടറിയേണ്ടത്.