Tag: Osman Dembele

പാരിസ്: ഫുട്ബോൾ ലോകത്തെ ഏറ്റവും വലിയ വ്യക്തിഗത പുരസ്കാരമായ ബാലൺ ഡി ഓർ പാരിസ് സെന്റ് ജെർമെയ്ൻ (പി.എസ്.ജി) താരം ഉസ്മാൻ ഡെംബെലെക്ക്. ഈ സീസണിൽ ലീഗ് 1, കൂപ്പെ ഡി ഫ്രാൻസ്, ചരിത്രത്തിലാദ്യമായി യുവേഫ ചാമ്പ്യൻസ് ലീഗ് കിരീടങ്ങൾ നേടാൻ പി.എസ്.ജിക്ക് ഡെംബെലെയുടെ പ്രകടനം നിർണായകമായിരുന്നു. വിങ്ങർ റോളിൽ നിന്ന് സെന്റർ ഫോർവേഡായി മാറിയ ഡെംബെലെയുടെ തന്ത്രം ശ്രദ്ധേയമായി. ഈ മാറ്റം താരത്തിന് ഈ കഴിഞ്ഞ സീസണിൽ 35 ഗോളുകൾ നേടാൻ സഹായിച്ചു. ചാമ്പ്യൻസ് ലീഗ് ഫൈനലിൽ ഇന്റർ മിലാനെതിരെയുള്ള മികച്ച പ്രകടനവും ഇതിൽപ്പെടുന്നു.

യുവതാരം ലാമിൻ യമൽ രണ്ടാം സ്ഥാനത്ത് എത്തിയെങ്കിലും, ഡെംബെലെയുടെ സ്ഥിരതയും മികവും അദ്ദേഹത്തെ മുന്നിലെത്തിച്ചു.

വനിതാ താരങ്ങളിൽ ഐതാന ബോൺമതി ചരിത്രം കുറിച്ചു. തുടർച്ചയായ മൂന്നാം തവണയും വനിതാ ബാലൺ ഡി ഓർ പുരസ്കാരം നേടിയ ബോൺമതി, ഈ നേട്ടം കൈവരിക്കുന്ന ആദ്യ വനിതാ ഫുട്ബോൾ താരമാണ്. യൂറോ മത്സരങ്ങളുടെ തുടക്കത്തിൽ അസുഖം കാരണം കളിക്കാൻ കഴിഞ്ഞില്ലെങ്കിലും, സ്പെയിനിനെ ഫൈനലിലേക്കും ബാഴ്സലോണയെ മറ്റൊരു ലീഗ് കിരീടത്തിലേക്കും നയിച്ചതിൽ ബോൺമതിയുടെ പങ്ക് നിർണായകമായിരുന്നു. സഹതാരങ്ങളായ മാരിയോണ കാൽഡെൻറ്റേയെയും ചാമ്പ്യൻസ് ലീഗ് ജേതാവായ അലേസിയ റൂസ്സോയെയും പിന്തള്ളിയാണ് ബോൺമതി ഈ നേട്ടം കൈവരിച്ചത്.

പാരീസ് സെന്റ്-ജെർമെയ്ൻ മുന്നേറ്റനിര താരം ഉസ്മാൻ ഡെംബെലെ 2024-25 സീസണിലെ ലിഗ് 1 പ്ലെയർ ഓഫ് ദി ഇയർ പുരസ്കാരം നേടി. പിഎസ്ജിയെ അവരുടെ 13-ാം ഫ്രഞ്ച് ലീഗ് കിരീടത്തിലേക്കും ചാമ്പ്യൻസ് ലീഗ് ഫൈനലിലേക്കും നയിച്ച മികച്ച പ്രകടനമാണ് ഡെംബെലെയെ പുരസ്കാരത്തിന് അർഹനാക്കിയത്.

ഡെംബെലെ 21 ഗോളുകളോടെ ലിഗ് 1 ലെ ടോപ് സ്കോററായിരുന്നു. എല്ലാ മത്സരങ്ങളിലുമായി 46 മത്സരങ്ങളിൽ നിന്ന് 33 ഗോളുകൾ നേടിയിട്ടുണ്ട്, അതിൽ യൂറോപ്പിലെ 8 ഗോളുകളും ഉൾപ്പെടുന്നു. കഴിഞ്ഞ സമ്മറിൽ റയൽ മാഡ്രിഡിലേക്ക് പോകുന്നതിന് മുമ്പ് അഞ്ച് വർഷം തുടർച്ചയായി ഈ പുരസ്കാരം നേടിയത് കിലിയൻ എംബാപ്പെ ആയിരുന്നു‌.

ഞായറാഴ്ച നടന്ന യുഎൻഎഫ്പി അവാർഡ് ദാന ചടങ്ങിൽ ലൂയിസ് എൻറിക്വെ മികച്ച പരിശീലകനായി തിരഞ്ഞെടുക്കപ്പെട്ടു, അതേസമയം ഡെസിറെ ഡൂവെ മികച്ച യുവ കളിക്കാരനുള്ള പുരസ്കാരം നേടി. ലില്ലെയുടെ ഗോൾകീപ്പർ ലൂക്കാസ് ഷെവലിയർ പിഎസ്ജിയുടെ ജിയാൻലൂയിജി ഡോണറുമയെ മറികടന്ന് മികച്ച ഗോൾകീപ്പർക്കുള്ള പുരസ്കാരം സ്വന്തമാക്കി.

ചാമ്പ്യൻസ് ലീഗ് സെമിഫൈനൽ രണ്ടാം പാദത്തിൽ ആഴ്സണലിനെതിരെ കളിക്കാൻ ഒസ്മാൻ ഡെംബെലെ ഫിറ്റാണെന്ന് പാരീസ് സെന്റ്-ജെർമെയ്ൻ സ്ഥിരീകരിച്ചു. ആദ്യ പാദത്തിൽ വിജയ ഗോൾ നേടിയ വിംഗർക്ക് പേശിവേദന ഉണ്ടായിരുന്നെങ്കിലും താരം പൂർണ്ണ പരിശീലനത്തിലേക്ക് മടങ്ങിയെത്തി.

ഈ സീസണിൽ പി എസ് ജിക്കായി ഗംഭീര ഫോമിൽ ആണ് ഡെംബലെ കളിക്കുന്നത്. താരം ഇന്ന് ആദ്യ ഇലവനിൽ തന്നെ ഇറങ്ങിയേക്കും. ആദ്യ പാദത്തിൽ പ്മെഇ എസ് ജി 1-0ന് വിജയിച്ചിരുന്നു. 31 ന് മ്യൂണിച്ചിൽ നടക്കുന്ന ഫൈനലിൽ ഇന്റർ മിലാനെയോ ബാഴ്സലോണയെയോ ആകും ഇന്ന് വിജയിക്കുന്ന ടീം നേരിടുക.