Tag: Olympics

പാരീസ് ഒളിമ്പിക്സിൽ അത്ലറ്റിക്സിൽ ആദ്യ സ്വർണം നേടി ചൈനയും, ഇക്വഡോറും. ഇന്ന് നടന്ന പുരുഷന്മാരുടെ 20 കിലോമീറ്റർ നടത്തത്തിൽ ഇക്വഡോർ താരം ബ്രിയാൻ പിന്റാഡോ ആണ് സ്വർണം നേടിയത്. 1 മണിക്കൂർ 11 മിനിറ്റ് 55 സെക്കന്റ് എടുത്ത് ആണ് ഇക്വഡോർ താരം റേസ് പൂർത്തിയാക്കിയത്. വെള്ളി മെഡൽ ബ്രസീലിയൻ താരം ചിയോ ബോൻഫിം നേടിയപ്പോൾ സ്പാനിഷ് അത്ലറ്റ് അൽവാരോ മാർട്ടിൻ ആണ് വെങ്കലം നേടിയത്. അതേസമയം ഈ ഇനത്തിൽ മത്സരിച്ച ഇന്ത്യൻ താരങ്ങളിൽ മുപ്പതാം സ്ഥാനത്ത് എത്തിയ വികാശ് സിങ് ആണ് മികച്ച പ്രകടനം നടത്തിയത്. 1 മണിക്കൂർ 22 മിനിറ്റ് 36 സെക്കന്റ് സമയം ആണ് വികാശ് എടുത്തത്.

ഇന്ത്യയുടെ പരംജീത് സിങ് 37 സ്ഥാനത്ത് എത്തിയപ്പോൾ ഇതിൽ മത്സരിച്ച മൂന്നാമത്തെ ഇന്ത്യൻ താരമായ അക്ഷദീപ് സിങ് ഏതാണ്ട് 6 കിലോമീറ്റർ അടുത്ത് വെച്ചു റേസിൽ നിന്നു പിന്മാറിയിരുന്നു. വനിതകളുടെ 20 കിലോമീറ്റർ നടത്തത്തിൽ ചൈനയുടെ യാങ് ഹിയായു ആണ് സ്വർണം നേടിയത്. 2016 ശേഷം ചൈന ഈ ഇനത്തിൽ ഇത് ആദ്യമായാണ് സ്വർണം നേടുന്നത്. 1 മണിക്കൂർ 25 മിനിറ്റ് 54 സെക്കന്റ് ആണ് ചൈനീസ് താരം റേസ് പൂർത്തിയാക്കാൻ എടുത്ത സമയം. സ്പാനിഷ് താരം മരിയ പെരസ് വെള്ളി മെഡൽ നേടിയപ്പോൾ ഓസ്‌ട്രേലിയൻ താരം ജെമിമ മൊട്ടാങിനു ആണ് വെങ്കലം. അതേസമയം 45 പേരുടെ റേസിൽ 41 സ്ഥാനം ആണ് ഇന്ത്യയുടെ പ്രിയങ്ക ഗോസ്വാമി നേടിയത്. തന്റെ വ്യക്തിഗത സമയത്തിൽ നിന്നു ഏറെ ദൂരത്തിലുള്ള 1 മണിക്കൂർ 39 മിനിറ്റ് 55 സെക്കന്റ് എന്ന സമയം ആണ് പ്രിയങ്കക്ക് കുറിക്കാൻ ആയത്.

പാരീസ് ഒളിമ്പിക്സിൽ ആർച്ചറിയിൽ ഇന്ത്യക്ക് നിരാശക്ക് ഇടയിൽ ആശ്വാസം ആയി ബഹജൻ കൗർ. വനിത സിംഗിൾസിൽ പ്രീ ക്വാർട്ടർ ഫൈനലിലേക്ക് ഇന്ത്യൻ താരം മുന്നേറി. കഴിഞ്ഞ റൗണ്ടിൽ തന്റെ സഹ ഇന്ത്യൻ താരം അങ്കിത ഭകട്ടിനെ തോൽപ്പിച്ച പോളണ്ട് താരം വയലെറ്റ മൈസോറിനെ ആണ് കൗർ തോൽപ്പിച്ചത്.

മൂന്നു സെറ്റുകളും ജയിച്ച ബഹജൻ കൗർ 6-0 എന്ന സ്കോറിന് ആണ് ജയം കണ്ടത്. 28-23, 29-26, 28-22 എന്നത് ആയിരുന്നു സ്‌കോർ നില. തുടർച്ചയായ രണ്ടാം ജയം കുറിച്ച താരം ഇനി ഇന്ന് തന്നെ നടക്കുന്ന ക്വാർട്ടർ ഫൈനലിൽ ജയിക്കാൻ ആവും വില്ലു കുലക്കുക. ആർച്ചറിയിൽ വലിയ നിരാശ നേരിടുന്ന ഇന്ത്യക്ക് ഇത് ആശ്വാസം തന്നെയാണ്.

പാരീസ് ഒളിമ്പിക്സ് ബാഡ്മിന്റൺ പുരുഷ സിംഗിൾസ് ആദ്യ ഗ്രൂപ്പ് മത്സരത്തിൽ ജയിച്ചു തുടങ്ങി ഇന്ത്യയുടെ എച്ച്.എസ് പ്രണോയ്. ഗ്രൂപ്പ് കെയിൽ ഇന്ത്യയുടെ ഏറ്റവും മികച്ച സീഡ് ചെയ്ത താരമായ പ്രണോയ് ജർമ്മൻ താരം ഫാബിയാൻ റോത്തിനെ നേരിട്ടുള്ള സെറ്റുകൾക്ക് ആണ് മറികടന്നത്.

ഇടക്ക് തന്നെ അലട്ടിയ ശാരീരിക ബുദ്ധിമുട്ടും താരം അതിജീവിച്ചു. ആദ്യ സെറ്റിൽ ശാരീരിക ബുദ്ധിമുട്ട് ഉണ്ടായതിനാൽ തന്നെ സെറ്റ് കടുപ്പമായിരുന്നു. സെറ്റ് 21-18 നു ആണ് താരം നേടിയത്. എന്നാൽ രണ്ടാം സെറ്റിൽ കൂടുതൽ ആധിപത്യം പ്രണോയ് കാണിച്ചു. സെറ്റ് 21-12 നു നേടിയ താരം മത്സരം സ്വന്തം പേരിലാക്കി.

ആർച്ചറിയിൽ ഇന്ത്യക്ക് വമ്പൻ നിരാശ. ക്വാർട്ടർ ഫൈനലിൽ ഡച്ച് ടീമിനെ നേരിടാൻ ഇറങ്ങിയ ഇന്ത്യൻ ടീം 3 സെറ്റും കൈവിട്ടു 6-0 എന്ന സ്കോറിന് ആണ് ഇന്ത്യൻ ടീം പുറത്തായത്. ദീപിക കുമാരി, അങ്കിത, ബഹജാൻ എന്നിവർ അടങ്ങിയ ടീം ആണ് ഇന്ത്യക്ക് ആയി ഇറങ്ങിയത്.

ആദ്യ സെറ്റിന് ശേഷം തീർത്തും നിരാശ നൽകുന്ന രണ്ടും മൂന്നും സെറ്റുകൾ ആണ് ഇന്ത്യൻ താരങ്ങൾ സമ്മാനിച്ചത്. ആദ്യ സെറ്റിൽ 52-51 നു നന്നായി പൊരുതിയ ഇന്ത്യൻ ടീം പക്ഷെ രണ്ടാം സെറ്റ് 54-49 മൂന്നാം സെറ്റ് 53-48 നും ആണ് കൈവിട്ടത്. ആർച്ചറിയിൽ ഇനി വ്യക്തിഗത ഇനങ്ങളിൽ ആണ് ഇന്ത്യൻ പ്രതീക്ഷ.