Tag: Ole

ഇന്റർ നാഷണൽ ബ്രേക്കിന്റെ സമയത്ത് കഠിന പ്രയത്നം നടത്തിയും പുതിയ തന്ത്രങ്ങൾ മെനഞ്ഞും മാഞ്ചസ്റ്റർ യുണൈറ്റഡിനെ രക്ഷിക്കാൻ ഒലെ ഗണ്ണാർ സോൾഷ്യർ ശ്രമിക്കും എന്ന് കരുതിയവരെ ഞെട്ടിച്ച് ഒലെ നാട്ടിലേക്ക് മടങ്ങി. ഒരാഴ്ച അവധി എടുത്ത് കുടുംബത്തോടൊപ്പം സമയം ചിലവഴിക്കാൻ ആയി ഒലെ നോർവെയിലേക്ക് യാത്ര ആയി. രാജ്യാന്തര മത്സരങ്ങൾ ഇല്ലാത്ത ഫസ്റ്റ് ടീം അംഗങ്ങൾക്കും ഒരാഴ്ച അവധി നൽകി. താരങ്ങളോ ക്ലബോ പ്രതീക്ഷിക്കാത്ത നടപടി ആണ് എടുത്തിരിക്കുന്നത്.

ഈ സീസൺ തുടക്കം മുതൽ താളം കണ്ടെത്താൻ ബുദ്ധിമുട്ടുന്ന മാഞ്ചസ്റ്റർ യുണൈറ്റഡിനെ രക്ഷിക്കാൻ ഒലെയെ പുറത്താക്കണം എന്ന ആവശ്യം ശക്തമാകുന്നതിന് ഇടയിലാണ് ഈ അവധി എടുക്കൽ. ഒലെയെ പുറത്താക്കണം എന്ന ആവശ്യവുമായി നവംബർ 13ന് മാഞ്ചസ്റ്റർ യുണൈറ്റഡ് ഓൾഡ്ട്രാഫോർഡിൽ വലിയ പ്രതിഷേധം ഒരുക്കുന്നുണ്ട്.

മാഞ്ചസ്റ്റർ യുണൈറ്റഡിന്റെ യുവതാരം അമദ് ദിയാലോ പരിക്ക് മാറി തിരികെ എത്തി എങ്കിലും താരം ക്ലബിൽ തുടരുമോ അതോ ലോണിൽ പോകുമോ എന്നത് വ്യക്തമല്ല. താരത്തെ ലോണിൽ അയക്കണോ എന്നത് ഡിസംബറിൽ തീരുമാനിക്കും എന്ന് ഒലെ പറഞ്ഞു. അമദിന് പരിക്ക് വന്നത് വളരെ മോശം സമയത്തായിരുന്നു. താരം ഇപ്പോൾ പരിക്ക് മാറി പരിശീലനം ആരംഭിച്ചിട്ടുണ്ട്. ആദ്യ അമദ് യുണൈറ്റഡിന്റെ അണ്ടർ 23 ടീമിനായാകും കളിക്കുക എന്ന് ഒലെ പറഞ്ഞു.

അമദ് ഭാഷ നന്നായി മെച്ചപ്പെടുത്തി എന്നും ഇത് താരം ക്ലബിലെ സാഹചര്യങ്ങളുമായി ഇണങ്ങുന്നതിന്റെ ലക്ഷണമാണെന്നും ഒലെ പറഞ്ഞു. വരും ആഴ്ചകളിൽ താരം യുണൈറ്റഡിനായി കളത്തിന് ഇറങ്ങും എന്നും അദ്ദേഹം സൂചന നൽകി. നേരത്തെ ട്രാൻസ്ഫർ വിൻഡോ അടക്കുന്നതിന് മുമ്പായിരുന്നു അമദിന് പരിശീലനത്തിനിടയിൽ പരിക്കേറ്റത്. അത് അമദിനെ ലോണിൽ അയക്കാനുള്ള യുണൈറ്റഡ് ശ്രമത്തിന് തിരിച്ചടി ആയിരുന്നു. ഇനി ജനുവരി വറെ താരം യുണൈറ്റഡ് സീനിയർ ടീമിനൊപ്പം ഉണ്ടാകും. ജനുവരിയിൽ അമദിനെ സ്വന്തമാക്കാൻ ഇറ്റാലിയൻ ക്ലബ് ഫിയൊറെന്റിന ഒരുക്കമാണ്.