Tag: Odisha FC

ഇന്ത്യൻ സൂപ്പർ ലീഗിൽ ഇന്ന് നടന്ന പോരാട്ടത്തിൽ എഫ് സി ഗോവയും ഒഡീഷ എഫ് സിയും സമനിലയിൽ പിരിഞ്ഞു. ഒഡീഷയിൽ നടന്ന മത്സരത്തിൽ ഇന്ന് നാലാം മിനുട്ടിൽ തന്നെ ആതിഥേയർ ലീഡ് എടുത്തു. റോയ് കൃഷ്ണയിലൂടെ ആണ് ഒഡീഷ ലീഡ് എടുത്തത്. ഈ ഗോളിന് 37ആം മിനുട്ടിൽ മറുപടി നൽകാൻ ഗോവക്ക് ആയി.

യുവതാരം ജയ് ഗുപ്തയുടെ പെനാൾട്ടി ബോക്സിന് പുറത്ത് നിന്നുള്ള ഒരു ഷോട്ടാണ് ഗോവക്ക് സമനില നൽകിയത്‌. ഇരു ടീമുകളും വിജയ ഗോളിനായി ശ്രമിച്ചു എങ്കിലും ഫലം ഉണ്ടായില്ല. ഈ സമനിലയോട് 15 മത്സരങ്ങളിൽ നിന്ന് 31 പോയിന്റുമായി ഒഡീഷ ഒന്നാമത് തുടരുകയാണ്. ഒഡീഷയെക്കാൾ മൂന്ന് മത്സരങ്ങൾ കുറവ് കളിച്ച ഗോവ 28 പോയിന്റുമായി രണ്ടാം സ്ഥാനത്തുണ്ട്.

ഐ എസ് എല്ലിൽ കേരള ബ്ലാസ്റ്റേഴ്സ് ഇന്ന് ഇറങ്ങും. ഒരു മാസത്തെ ബ്രേക്കിന് ശേഷം പുനരാരംഭിച്ച ശേഷമുള്ള ബ്ലാസ്റ്റേഴ്സിന്റെ ആദ്യ മത്സരമാണ് ഇന്ന് നടക്കുന്നത്. ഭുവനേശ്വരിൽ നടക്കുന്ന മത്സരത്തിൽ ഒഡീഷ എഫ് സിയാണ് ബ്ലാസ്റ്റേഴ്സിന്റെ എതിരാളികൾ. സൂപ്പർ കപ്പ് ഫൈനലിൽ പരാജയപ്പെട്ടു എങ്കിലും മികച്ച ഫോമിലാണ് ഒഡീഷ ഉള്ളത്.

കേരള ബ്ലാസ്റ്റേഴ്സിന് ആകട്ടെ പരിക്ക് കാരണം കഷ്ടപ്പെടുന്നതിനാൽ കാര്യങ്ങൾ എളുപ്പമായിരിക്കില്ല. ലൂണയ്ക്ക് പിന്നാലെ പെപ്രയും ബ്ലാസ്റ്റേഴ്സ് നിരയിൽ നിന്ന് പരിക്ക് കാരണം പുറത്തായിരുന്നു‌‌. ലൂണക്ക് പകരം എത്തിയ ഫെഡോറും ലോണിൽ നിന്ന് തിരികെയെത്തിയ ജസ്റ്റിനും ഇന്ന് ഐ എസ് എല്ലിൽ ആദ്യമായി ബ്ലാസ്റ്റേഴ്സിനായി ഇറങ്ങും എന്ന് പ്രതീക്ഷിക്കപ്പെടുന്നു.

ഐ എസ് എൽ ഇടവേളയ്ക്ക് ആയി പിരിയുമ്പോൾ ബ്ലാസ്റ്റേഴ്സ് മികച്ച ഫോമിൽ ആയിരുന്നു‌. ആ ഫോമിലേക്ക് തിരികെയെത്തുമെന്നാകും ആരാധകരുടെ പ്രതീക്ഷ. ഇന്ന് വൈകിട്ട് 7.30നാണ് മത്സരം നടക്കുക.

മുൻ ഒഡീഷ എഫ് സി പരിശീലകൻ ഗൊംബാവു ഇംഗ്ലീഷ് പ്രീമിയർ ലീഗ് ക്ലബായ ആസ്റ്റൺസ് വില്ലയുടെ അണ്ടർ 21 ടീമിന്റെ പരിശീലകനായി നിയമിക്കപ്പെട്ടു. അണ്ടർ 21 ടീമിന്റെ ഹെഡ് കോച്ചായാണ് അദ്ദേഹം എത്തിയത്. കഴിഞ്ഞ സീസണിൽ ഗൊംബാവു ഒഡീഷയുടെ കോച്ചായിരുന്നു. അദ്ദേഹം ഒഡീഷ വിട്ട ശേഷം ഇന്തോനേഷ്യൻ ക്ലബായ പെർസബെയയിൽ ആയിരുന്നു.

47കാരനായ പരിശീലകൻ രണ്ട് ഘട്ടങ്ങളിൽ ഒഡീഷയുടെ പരിശീലകനായിട്ടുണ്ട്‌. 2018 മുതൽ 2020വരെ ഗൊമ്പവു ഒഡീഷ/ഡെൽഹി ഡൈനാമോസിന് ഒപ്പം ആദ്യം ഉണ്ടായിരുന്നു. മുമ്പ് ആറു വർഷത്തോളം ബാഴ്സലോണയുടെ അക്കാദമി കോച്ച് ആയിരുന്നു ഇദ്ദേഹം.

ജോസഫ് ഗൊമ്പാവു 2016-17ൽ ഓസ്ട്രേലിയൻ ദേശീയ ടീമിന്റെ സഹ പരിശീലകൻ കൂടിയായിരുന്നു. മുമ്പ് ഓസ്ട്രേലിയൻ അണ്ടർ 23 ടീമിന്റെ പരിശീലകനും ആയിട്ടുണ്ട്. കിച്ചി, അഡ്ലഒഡ് യുണൈറ്റഡ്, എസ്പാനിയോൾ യൂത്ത് ടീം എന്നിവയിലും ഇദ്ദേഹം പ്രവർത്തിച്ചിട്ടുണ്ട്.

നിലവിലെ സീസണിന്റെ അവസാനം വരെ നീണ്ടു നിൽക്കുന്ന ഒരു കരാറിൽ ഒഡീഷ എഫ് സി ഹൈദരാബാദ് എഫ്‌സി താരം വിഘ്‌നേഷ് ദക്ഷിണാമൂർത്തിയെ സ്വന്തമാക്കി. ഇന്ത്യൻ സൂപ്പർ ലീഗിൽ 71 മത്സരങ്ങൾ വിഘ്നേഷ് കളിച്ചിട്ടുണ്ട്. ഓസോൺ എഫ്‌സിയിൽ ആണ് വിഘ്നേഷ് തന്റെ കരിയർ ആരംഭിച്ചത്. ഐ-ലീഗ് രണ്ടാം ഡിവിഷനിൽ അവരെ പ്രതിനിധീകരിച്ചിട്ടുണ്ട്.

കർണാടകയിൽ ജനിച്ച ഡിഫൻഡർ 2018 ൽ മുംബൈ സിറ്റി എഫ്‌സിയിൽ കരാർ ഒപ്പുവച്ചു, 2020-21 സീസണിൽ സെർജിയോ ലൊബേറയുടെ കീഴിൽ കളിച്ചു. ISL ലീഗ് വിന്നേഴ്‌സ് ഷീൽഡും ISL കിരീടവും അവർക്ക് ഒപ്പം നേടിയിട്ടുണ്ട്. ഇപ്പോൾ വീണ്ടും അദ്ദേഹം ലൊബേരയുമായി ഒഡീഷയിൽ ഒന്നിക്കുകയാണ്.

ഐഎസ്എൽ ഇന്ന് നടന്ന മത്സരത്തിൽ ജംഷപൂറിനെതിരെ വിജയം കണ്ടെത്തി ഒഡീഷ എഫ്സി. ജംഷദ്പൂരിന്റെ തട്ടകത്തിൽ നടന്ന പോരാട്ടത്തിൽ റോയ് കൃഷ്ണ നേടിയ ഏക ഗോളാണ് മത്സരത്തിന്റെ വിധി എഴുതിയത്. ഇതോടെ ഏഴ് മത്സരത്തിൽ 13 പോയിന്റുമായി മൂന്നാം സ്ഥാനത്താണ് ഒഡീഷ. അഞ്ചാം തോൽവി വഴങ്ങിയ ജംഷദ്പൂർ പത്താം സ്ഥാനത്തും തുടരുന്നു.

ആദ്യ പകുതിയിൽ ഗോളുകൾ ഒന്നും പിറന്നില്ല. 23ആം മിനിറ്റിൽ പിൻനിരയിൽ നിന്നും എത്തിയ ത്രൂ ബോളിലേക്ക് റോയ് കൃഷ്ണ എത്തിയെങ്കിലും ആദ്യ ടച്ച് പിഴച്ചതോടെ ബോക്സിനുള്ളിൽ സുവർണാവസരം നഷ്ടമായി. എതിർ പ്രതിരോധത്തെ കീറി മുറിച്ച് റെയ് ടച്ചികാവ നൽകിയ ത്രൂ ബോൾ ഡോങൽ പിടിച്ചെടുത്തെങ്കിലും താരത്തിന്റെ ഷോട്ട് പോസ്റ്റിനിരുമി കടന്ന് പോയപ്പോൾ ജംഷദ്പൂരും ലീഡ് നേടാനുള്ള അവസരം തുലച്ചു. അഹ്മദ് ജാഹോവിന്റെ ലോങ് റേഞ്ചർ ഡിഫ്‌ലെക്ഷനോടെ കീപ്പറുടെ കൈകളിൽ അവസാനിച്ചു. ഐസക് റാൾതെയുടെ ശ്രമം പോസ്റ്റിൽ നിന്നും അകന്ന് പോയി.

രണ്ടാം പകുതിയിലും മികച്ച അവസരങ്ങൾ പിറന്നു. 56ആം മിനിറ്റിൽ റോയ് കൃഷ്ണയിലൂടെ ഒഡീഷ സമനില കെട്ട് പൊട്ടിച്ചു. അഹ്മദ് ജാഹോവിന്റെ അതിമനോഹരമായ ഒരു കോർണർ കിക്കിൽ റോയ് കൃഷ്ണ ഹെഡറിലൂടെ വല കുലുക്കുകയായിരുന്നു. പിന്നീട് ഐസക്കിന്റെ തകർപ്പൻ ഒരു ഷോട്ട് രഹനേഷിനെ കീഴടക്കി എങ്കിലും പോസിറ്റിലിടിച്ചു മടങ്ങി. എന്നാൽ റീബൗണ്ടിലേക്ക് കുതിച്ചെത്തിയ ജെറി മാവിൻതാങയുടെ ശ്രമവും ഒഴിഞ്ഞ പോസിറ്റിന് മുന്നിൽ നിന്നും അവിശ്വസനീയമാം വിധം ലക്ഷ്യത്തിൽ നിന്നും അകന്ന് പോയി. 75ആം മിനിറ്റിൽ റോയ് കൃഷ്ണ നൽകിയ അവസരത്തിൽ പുടിയയുടെ ഷോട്ട് പോസ്റ്റിന് മുകളിലൂടെ കടന്ന് പോയി. മുഴുവൻ സമയത്തും ഇഞ്ചുറി ടൈമിലും ഗോൾ കണ്ടെത്താൻ ജംഷദ്പൂരിന് സാധിക്കാതെ വന്നതോടെ മത്സരം ഒഡീഷ സ്വന്തമാക്കി.